Epesu 4:19 - Sura Malelaha

¹⁹ Barapi raisa maea, ido hai moula pearaihe peundeana lalunda au merikai, hai raunde peami mobabehi hinangkana babehia au bara hintoto.

Epesu 4:19 ပူးပေါင်းရင်းမြစ်များ

Markus 7:22

mebualosi, mampokaelu anu-anuna rangana, hai au mobabehi mampopengaa au kadake. Ara worihe au mepakanawo, nakuasai peundeana laluna au kadake, mahina, mepakadake, mampemahile, hai bara mau modoko paturo.

Epesu 4:17

Mewali, hai kuasa au naweina Pue, kuuli hai kupaturoakau: Ineemokau tuwo nodo katuwomi hangkoia au bara moisa Pue Ala, lawi au rapekiri bara mobundu

Kolose 3:5

Mewali, anti kamatenta hihimbela hai Kerisitu, hangangaa takabaha babehianta hai katuwonta au hangkoia. Ineekau motambi-tambi dele, ineekau mobabehi babehia au merikai. Ineekau mohaoki au kadake, ineekau mampokaelu anu-anuna rangami. Lawi hema au mobabehi iti, himbela hai tauna au menomba i anitu.

1 Timotiu 4:2

au rapahawe tauna au mepakanawo. Lolitanda bara himbela hai babehianda. Lalunda makaindi; barapi raisa maea ane mobabehihe babehia au kadake.

1 Peturu 4:3

Lawi mahae gagamokau mobabehi babehianda tauna au barahe moisa Pue. I tempo iti, merikai babehiami, moulakau peundeana lalumi au kadake, malangu-langukau, mosusa liliukau, masurokoakau, hai menombakau i anitu au bara hintoto rapenombai.

2 Peturu 2:22

Ara ngkora pandiri au manguli node: “Dike moande hule bolana, hai boe au radoi mentumba hule i reta.” Lolita ide mokanai tauna iti inona, lawi tauna iti mesule hulehe i babehianda au kadake au rapalehimi hangkoia.

Yudasi 1:11

Hurewumohe! Moula peahe rarana Kai hangkoia. Mampeulaihe babehiana Bileam, lawi nauri raisa babehianda masalami, batena iti au rababehi liliu, lawi mohaoki peahe doi. Nodo Kora hangkoia, ihira moewahe Pue Ala, hai batena Pue Ala ina mohuku mate worihe nodo Kora.

Pampetudungia 18:3

Mageromi wanua Babeli, lawi to Babeli mowawaha tauna i humalele dunia bona maenu paenu au melangui. Lempona: mowawahahe tauna mampeulai babehianda au kadake. Ope-ope datu i dunia mampeulaihe babehianda au merikai iti. Hai topobalu-balu i dunia mewalihe tauna au pebuku hangko i mampopengaa peundeanda to Babeli.”