Epesu 4:18 - Sura Malelaha

¹⁸ hai makaindi lalunda. Barahe mohumba katuwo au wou hangko i Pue Ala, lawi barahe moisa Pue Ala. Ntulihe lawi matua lalunda.

Epesu 4:18 ပူးပေါင်းရင်းမြစ်များ

Matiu 13:15

Tauna ide matuami lalunda, talinganda mewalimi bongo hai matanda rapidika, lawi lohehe metotoki bona raita, lohehe motaa talinganda dati rahadi, lohehe rapamanoto lalunda. Kahopoana barahe ina mesule Iriko hai barahe ina Kuwei katuwo maroa.’ ”

Markus 3:5

Membalilimi Yesu mototokihe. Rumpumi hai masusa laluNa anti kamatuana lalunda, hai mouliangaami tauna au wara taiena, “Ona taiemu!” Naona mpuumi taiena hai liliu maoha.

Yohane 12:40

“Nauli Pue Ala: ‘Kupabilomohe, datihe meita. Kupamatua lalunda bona barahe moisa peundeaKu. Kahopoana barahe mesule Iriko, hai barahe Kuhorema.’ ”

Suro 17:30

Hangkoia, menombake i anitu. Nauri nodo, barake nahuku Pue Ala. Ia motuko pea mataNa i kantulita iti. Agaiana ide-ide, Natuduhe ope-ope tauna i humalele dunia bona menosohe hangko i dosanda.

Suro 3:17

Halalu-halalu, ikamu hai tadulakonta au mopapatemokau Yesu. Agaiana kuisa, apa au nibabehi iti, nibabehi anti kadana niisa lempona.

Roma 1:28

Lawi i pekirinda barapohe paraluu moisa Pue Ala, ido hai Napogiangaami Pue Ala pekirinda mewali kadake, alana mobabehihe babehia au bara hintoto.

Roma 11:25

Halalungku hampepepoinalai! Kupeinao mouliangaakau apa tunggaiana Pue Ala au bara raisa tauna hangkoia. Kuuliangaakau ide bona ineekau mampemahile. Bona niisa: ide-ide hanggaa to Yahudi matua lalunda agaiana iti bara mahae, duuna handa kabosanda tauna au barahe to Yahudi au mepoinalai i Yesu hintoto hai tunggaiana Pue Ala.

Roma 11:7

Mewali taisa, to Isaraeli mampeinaohe manoto i peitana Pue Ala moula raranda haduduanda, agaiana bara rahumba. Arahe bahangkia au molambi kanoto lawi Napileimohe Pue Ala. Au ntanina mengkabatuhe i pekakiona Pue,

Roma 2:19

Noumbami ane ikamu to Yahudi manguli, “ikita ide tauna au mapande. Taisa monini tauna au bara moisa Pue Ala, hai hangangaa mopakanoto tauna au ara manihe i kakaindiana hai bara manihe moisa paturo au tou. Lawi paturo au tou iti teukimi i lalu Aturana Musa au ara irikita to Yahudi.”

1 Korintu 1:21

Lawi hangko i kapande manusia, barake peisa moisa Pue Ala. Anti kamapandena Pue Ala, Nabotusimi bona hema pea au mepoinalai i Ngkora Marasa au kipahawe, tauna iti ina Nahoremahe hangko i dosanda. Agaiana ane kipahawe Ngkora Marasa, tauna au bara mepoinalai manguli, “Iti lolita tontuli.”

1 Korintu 2:8

Tadulako i dunia ide, barahe moisa tunggaiana Pue Ala. Lawi ane keraisa, kebarahe mopaku Amputa au meawa tuwoNa i kau mombehape.

2 Korintu 3:14

Agaiana pekirinda tetuko mani, lawi hawe ide-ide natabungi manihe tolombu iti. Ane mobasahe atura au hae, tetuko mani pekirinda. Ane mepoinalaimohe i Kerisitu, hangko tebungkahiri pekirinda.

2 Korintu 4:4

Napawulihe Datu Tokadake au mokuasai dunia ide datihe mampoinalai Ngkora Marasa. Kuasa Ngkora Marasa bara mopamabaa lalunda. Mewali, barahe moisa peawana tuwona Kerisitu au mopatongawa peawana Pue Ala.

Galatia 4:8

Hangkoia hangko damanikau moisa Pue Ala, mengkorukau i anitu, au bara makuasa.

Epesu 2:1

Hangkoia, hangko damanikau mepoinalai i Yesu, nodomokau tauna au mate lawi madosakau hai moliungikau hawana Pue Ala.

Epesu 2:12

I tempo iti, barakau mohintuwu hai Kerisitu. Ikamu tauna au tepairaoa; barakau teimba to Yahudi au napileihe Pue Ala mewali taunaNa. Bara ara kirami i lalu dandina Pue Ala i to Isaraeli. Tuwokau i dunia ide, bara ara peharungami, hai barakau moisa Pue Ala.

Kolose 1:21

Halalu, hangkoia karaokau hangko i Pue Ala. Nipoiwali lawi kadake lalumi hai babehiami.

1 Tesalonika 4:5

Ineekau naanti peundeana lalumi au kadake, nodo au biasa mewali i tauna au barahe moisa Pue Ala.

Ibarani 5:2

Tadulako menomba mahile, manusia biasa, hai batena ngkaia wori kamaledena. Ido hai naisa mopamaalusu babehiana mokadipura tauna au bara mani manoto lalunda hai bara manihe moula rara au tou.

Ibarani 9:7

Agaiana au peisa mesua i hologa karombuana, batena pea Tadulako Mpenomba Mahile au mesua hambela pea hampare. Hai ane mesua, hangangaa moanti wahe. Wahe iti, iami wahe binata au nahuhu i Pue Ala, mohuru kamasalana haduduana hai salanda tauna bosa au bara raoaka.

Yakobu 4:4

Halalu, bara hintoto ane mopalehike Amputa hai moulake babehia au kadake i dunia ide. Niisami halalu, ane mampeulaike babehia au kadake i dunia ide, batena mampopewalike watanta iwalina Pue Ala. Hambela mani kuuli: hema au mounde babehia au kadake, ia au mampoiwali Pue Ala!

1 Peturu 1:14

Napoanamokau Pue Ala, ido hai hangangaa nipeulai hawaNa. Ineekau moula peundeami haduduami nodo hangkoia i tempomi mani tuwo i lalu kamakaindi.

1 Yohane 2:11

Tauna au bara mampokaahi halalunda, manoto tuwo manihe i kamakaindi hai barahe moisa iumba kalaoanda, lawi napabilomohe kamakaindi iti.