Epesu 3:1 - Sura Malelaha

¹ Ido hai, iko Paulu, ratarungguna lawi moantina Ngkora Marasa kana i Kerisitu, irikamu au barakau to Yahudi.

Epesu 3:1 ပူးပေါင်းရင်းမြစ်များ

Lukasi 21:12

Agaiana hangko damani ope-ope iti mewali, ikamu ina rahaka hai rapopeahi-ahi. Ina rasalaikau i lalu sou penombaa hai ratarunggukau. Anti peulami Iriko, ikamu ina rahuhu i datu hai topoparenta.

Suro 21:33

Kapala tadulako surodado iti lao mohaka Paulu hai motudu surodadona bona motaka taiena Paulu hai rante. Roo indo, ia mekune, “Hema tauna ide? Apa au nababehi?”

Suro 23:18

Tadulako surodado iti mamporangai mpuumi anangkoi iti lao i tadulakona, nauli, “Tua, Paulu, au rataha inde, merapi bona anangkoi ide mai kuanti irikita. Ara au ina napahaweake.”

Suro 26:29

Nahanai Paulu, “I tempo au hampalai ba i tempo au mahae, mekakaena i Pue Ala bona Datu hai ope-ope tauna au mampehadingi lolitangku alo ide ina mewali nodo iko, agaiana inee peakau hawe ratarunggu.”

Suro 9:15

Agaiana, Nauli mbuli Pue Yesu i Ananias, “Hangangaa laoko! Lawi Saulu iti, Kupileimi mewali topobagoNgku. Ia ina mopahawe hangaNgku i to Yahudi hai i tauna ntanina hawe-hawe wori i datu.

2 Korintu 1:6

Ane narumpangkai kapari, kapari iti kihalea bona mopakarohongkai lalumi hai bona molambikau katuwo maroa. Mewali, karoho lalu au kihumba hangko i Pue Ala, ina kipake wori mopakaroho lalumi bona sabarakau hai mantahakau mantodiha i lalu kapari nodo au kihumba

2 Korintu 10:1

Iko, Paulu, ara perapingku irikamu. Arahe tauna i olomi au manguli: “Ane Paulu karao hangko irikami, pololitana makasara i lalu surana, agaiana ane mombelindoke, ia maalusu.” Mewali, hangko i lalungku au mengkaiwoi hai au maalusu, nodo laluna Kerisitu,

2 Korintu 11:23

Rauli, ihira topobagona Kerisitu, apa mani iko! (Mololitana nodo tauna au barapi manoto pekirina.) Meliu pobagongku hangko i pobagonda. Bahangkiami belangku ratarunggu, meliu hangko irihira! Rumihi karapopeahi-ahingku, meliu hangko irihira! Bosami belangku kemate.

Galatia 5:11

Halalu, arahe tauna au mouli kaikona au mopaguru tauna mampeulai ada mpetile Aturana Musa. Bara tou lolitanda iti! Ane kenodo pepaturongku, kebara ara to Yahudi au moewana. Idemi au kupaturoakau: hangangaa mepoinalaike i Kerisitu, lawi anti kapatena Kerisitu au rapaku i kau mombehape, ido hai peisake mewali manoto i peitana Pue Ala. Anti pepaturongku ide, ido hai to Yahudi iti rumpuhe hai rapopeahi-ahina.

Galatia 5:2

Iko, Paulu, pehadingi lolitangku! Kuuliangaakau: ane nipetandaka mewali manoto i peitana Pue Ala anti pampeulaimi ada mpetile i Aturana Musa, lempona Kerisitu barapi mobundu irikamu.

Galatia 5:24

Ane mewalimoke taunana Kerisitu Yesu, barapoke nakuasai peundeana lalunta au kadake lawi peundeana lalunta au kadake iti rapakumi i kau mombehape hihimbela hai Kerisitu.

Epesu 3:11

Pue Ala mobabehi ope-ope iti moula tunggaiaNa au Napakanotomi hangko damani dunia rapopewali, hai tunggaiaNa iti Napopewali i lalu watana Kerisitu Yesu Amputa.

Epesu 3:13

Ido hai pane kuperapi bona inee masusa lalumi mohadi karapopeahi-ahingku hai karatarungguku anti poantiku Ngkora Marasa irikamu, lawi apa au kutodiha ide moanti pewati irikamu.

Epesu 3:8

Hangko i ope-ope tauna au mepoinalai i Pue Yesu, ikomi au tepaiwoi tuwongku. Nauri nodo, anti kabulana laluna Pue Ala, Napileimona bona mobambarina Ngkora Marasa i tauna au barahe to Yahudi kana i kamahilena pewati au bara tehoka au tahumba hangko i Kerisitu.

Epesu 4:1

Halalu, nihadimi ope-ope paturongku. Ide iko, au ratarunggu anti pobagongku i Pue Ala, kuperapi mpuu irikamu bona mobabehikau apa au hintoto rababehi anana Pue Ala, lawi Nakakiomokau mewali anaNa.

Epesu 6:20

Anti pobambaringku Ngkora Marasa iti, ide-ide ratarungguna. Mewali, nipekakaea wongkoia bona bai peana mopahawe Ngkora Marasa moula kahihintotoana.

Pilipi 1:7

Hintoto mpuu pekiringku nodo, lawi kupokakaiakau. I lalu bagongku au naweina Pue Ala hangko i kabulana laluNa, nidurei liliuna, maroa ide-ide tangangku i lalu tarunggu, maroa i tempoku mosabi hai mopakaroho katouna Ngkora Marasa.

Kolose 1:24

Ide-ide halalu, matana mpuuna mohalea kapari anti pobagongku motulungikau. Lawi ara mani kapari au hangangaa morumpana anti pobagongku i Kerisitu, hai kapari au kuhumba ide-ide, kuhumba anti pobagongku motulungi ope-ope tauna au mepoinalai i Kerisitu. Ikita ope-ope au mepoinalai i Kerisitu peisake rapandiri nodo wataNa.

Kolose 4:18

Tabea hangko iriko, Paulu. Kahopoa sura ide kuuki haduduangku. Nikatuinao wongkoia ide-ide tangangku mani i lalu tarunggu. Pue mowatikau. Hangko iriko PAULU

Kolose 4:3

Hai nipekakaea woringkai bona nabungkahiangkai Pue Ala rara mopahawe NgkoraNa au mampololita tunggaiaNa au napabukei Kerisitu. Hangkoia tunggaiaNa iti tewuniangi mani, agaiana ide-ide bambari kana i Kerisitu kupahawemi. Ido hai ratarungguna.

2 Timotiu 1:16

Agaiana Onesiporus, bosami belana mopalindona. Lawi naurina ratarunggu, ia bara maea mosondakina. Kahawena inde i Roma, napari-pari mohaokina, duungku napohidupaa. Hai nuisa kangkaiana petulungina iriko hangkoia tangangku mani i Epesu. Mekakaena i Pue, kuperapi bona ope-ope halaluna Onesiporus Nawatihe, hai bona ahiNa Napatongawa i Onesiporus i alo pebotusi.

2 Timotiu 1:8

Ido hai kuweiko lolita bona ineeko maea mewali sabina Pue Yesu, hai inee woriko maea manguli kaikona rangamu nauri ratarungguna anti pobambaringku Ngkorana Pue. Mewali oio wori hangangaa masilolonga mohalea kapari anti pobagomu mobambari Ngkora Marasa. Pue Ala moweiko roho mohalea kapari iti.

Pilemo 1:1

Sura ide hangko iriko Paulu, au ratarunggu anti pobagongku mopahawe bambari kana i Kerisitu Yesu, hai hangko i Timotiu, halalunta hampepepoinalai. Kipakatu sura ide irio Pilemo, halalungki hampopobago au kipokaahi.

Pilemo 1:23

Epafras, au ara hihimbela hai iko i lalu tarunggu anti pobagona mopahawe bambari kana i Kerisitu Yesu, mopakatu wori tabeana irikamu.

Pilemo 1:9

Agaiana kukatuinao kamahilena ahimu, ido hai barako kuparentai. Kupahawe pea pamperapiku irio. Iko Paulu, hadua tosae au tangangku ratarunggu anti pobagongku i Kerisitu Yesu,

Pampetudungia 2:10

Bona niisa: Datu Tokadake ina motarunggu hanggaa hangko irikamu, hai ina nakelokau bona mousulikau hangko i pepoinalaimi. Ina rapopeahi-ahikau hampulo alona kamahaena. Agaiana inee nipokalanga pepopeahi-ahi iti. Hangangaa mantahakau i lalu pepoinalaimi kehapirikau rapapate. Ane nodo nibabehi, ina Kuweikau katuwo maroa au bara mokahopoa, hurungina penangimi.