Epesu 2:8 - Sura Malelaha

^8-9 Nahoremamoke Pue Ala hangko i huku dosanta moula kabulaNa laluNa, anti pepoinalainta i Yesu Kerisitu. Barake Nahorema anti babehianta au maroa, batena pea anti kabulana laluNa irikita. Ido hai bara ara hadua au peisa manguli: “Anti kamaroana babehiangku, ido hai nahoremana Pue Ala hangko i huku dosangku.”

Epesu 2:8 ပူးပေါင်းရင်းမြစ်များ

Matiu 16:17

Nauli Yesu, “Simo anana Yunu, morasi mpuuko, lawi bara manusia au mampopaisaako iti, agaiana UmaNgkuri au ara i suruga.

Matiu 20:9

Mai mpuumohe au mobago mepongka tinti lima kalumba, molambihe saronda hadua-hadua hampeka doi pera.

Markus 16:16

Hema-hema au mepoinalai Iriko hai rariu, ina tehoremahe hangko i huku dosanda. Agaiana hema au bara mepoinalai batena rahuku.

Lukasi 7:50

Hangko inditi, nauli Yesu i towawine iti, “Anti pepoinalaimu Iriko, tehoremamoko hangko i huku dosamu. Mesulemoko i lalu Roa ngkatuwo.”

Yohane 3:36

Tauna au mepoinalai i Anana Pue Ala iti, molambihe katuwo maroa au bara mokahopoa. Agaiana tauna au bara mengkoru i Anana Pue Ala, barahe molambi katuwo iti. Molambirihe pehukuna Pue Ala au bara mokahopoa.

Yohane 4:10

Nauli Yesu, “Ane kenuisa kamahilena pewatina Pue Ala hai hemaNa au merapi owai ide, kemerapi woriko owai Iriko, hai Kuweiko owai au mepatuwo.”

Yohane 5:24

Tou mpuu lolitaNgku ide: hema-hema au mampehadingi lolitaNgku hai mepoinalai i Pue Ala au motuduNa, molambihe katuwo maroa au bara mokahopoa. Barahe ina rahuku anti dosanda. Tekabahamohe hangko i kapate, hai molambihe katuwo.

Yohane 6:35

Nauli Yesu, “Iko idemi paande au mepatuwo. Hema au mai Iriko hai mepoinalai Iriko, barapohe ina marimi hai barapohe ina mangkadou hawe i hae-haena.

Yohane 6:37

Ope-ope tauna au naweimoNa UmaNgku, batenda mai Iriko. Hai hema pea au mai Iriko, batena Kudoko hai bara Kusapuaka.

Yohane 6:40

Idemi peundeana UmaNgku: bona ope-ope tauna au moitaNa hai au mepoinalai Iriko AnaNa, ina molambihe katuwo maroa au bara mokahopoa, hai ina Kupopearohe i alo pebotusi.”

Yohane 6:44

Bara ara hadua au peisa mai Iriko, ane bara nakakio UmaNgku au motuduNa. Hai hema pea au mai Iriko ina Kupopearo hangko i kapate i alo pebotusi.

Yohane 6:65

Nauli mbuli Yesu, “Ido hai Kuuli inona, bara ara hadua au peisa mai Iriko ane bara anti kanatulunginda UmaNgku.”

Suro 13:39

Barake peisa tekabaha hangko i dosanta hai rapakanoto i peitana Pue Ala hangko i pampeulainta Aturana Musa. Agaiana ope-ope tauna au mepoinalai i Yesu, ina tekabahahe hangko i hinangka dosanda hai batena nadokohe Pue Ala, Naimba nodo tauna au manoto.

Suro 14:27

Kahawenda i Antiokia, rakakiomohe ope-ope topepoinalai i Pue Yesu, hai ratuntuahe apa au Nababehi Pue Ala i polumaonda. Rapololita wori noumba Pue Ala mobungkahiahe rara bona tauna au barahe to Yahudi mepoinalaihe i Yesu.

Suro 15:11

Tapoinalai molambike katuwo maroa bara anti pampeulainta parenta hai palia au nodo, agaiana anti kabulana laluna Pue Yesu. Nodo wori ihira.”

Suro 16:14

I olonda towawine iti, ara hadua au rahanga Lidia hangko i wanua Tiatira. Ia, topobalu-balu bana maroa au masuli holona, hai au menomba wori i Pue Ala. Pue Ala mopakanoto laluna, alana modoko apa au napaturoahe Paulu.

Suro 16:31

Mehanahe Paulu hai Silas, rauli, “Mepoinalaimoko i Pue Yesu bona tehoremako hangko i pehukuna Pue Ala, oio hai ope-ope tauna au i lalu soumu.”

Roma 10:14

Agaiana noumba kapeisanda meraroa Iria ane bara manihe mepoinalai Iria? Noumbami kamepoinalainda ane bara manihe mohadi bambri kana Iria? Noumba karahadina ane bara mani ara au mopahaweahe.

Roma 10:17

Mewali, hangangaa mohadihe hampai bambari maroa, hangko peisarihe mepoinalai. Hai bambari maroa iti iami bambari kana i Kerisitu.

Roma 4:16

Mewali, naimbake Pue Ala manoto i peitaNa anti pepoinalainta bona apa au nadandi Pue Ala iti tadoko mbero pea hangko i kabulaNa laluNa bona ope-ope pemuleana Burahima batena molambi apa au Nadandi. Dandina Pue Ala iti bara pea kiranda to Yahudi au moisa Aturana Musa. Agaiana mewali wori kiranda au mepoinalai i Pue Ala nodo Burahima. Lawi Burahima tapoumami ope-opeke.

Roma 4:5

Agaiana pohintuwuta hai Pue Ala bara nodo tauna au mampedurei, lawi Naimbake Pue Ala manoto i peitaNa bara anti kamaroana babehianta agaiana anti pepoinalainta Iria au mopamanoto tauna madosa.

Roma 9:16

Mewali, ane Pue Ala mampeinao motudungia ahiNa i hadua tauna, bara peundeana manusia au mopakanoto iti, bara wori rapakanoto anti babehiana manusia. Pue Ala peari au mopakanoto.

Galatia 3:14

Tunggaiana Yesu mate rapaku i kau bona tauna au barahe to Yahudi peisa worihe molambi pewati au nadandi Pue Ala i Burahima. Pewati iti tahumba anti pohintuwuta hai Yesu Kerisitu. Mewali, ane mepoinalaike i Yesu Kerisitu, molambike Inao Malelaha au nadandimi Pue Ala.

Galatia 3:22

Agaiana i lalu Sura Malelaha, tepakanoto humalele dunia tetakai hai dosa. Mewali, bara ara rara ntani au mopamanotoke i peitaNa, batena pea pepoinalainta i Yesu Kerisitu. Katuwo maroa au nadandi Pue Ala, batena Nawei i hema pea au mepoinalai i Yesu Kerisitu.

Epesu 1:19

hai bona niisa wori kamahilena kuasana Pue Ala au mobago i lalunta ope-ope tauna au mepoinalai Iria. KuasaNa iti mahile ntepuu

Epesu 2:10

Pue Ala mampopewalimoke manusia au wou anti pohintuwuta hai Kerisitu Yesu bona mobabehike apa au maroa moula tunggaiaNa irikita au Napasilolongami hangkoia.

Epesu 2:5

Napatuwo hulemoke hihimbela hai Kerisitu nauri matemoke i lalu kamasalanta. Mewali batena pea anti kabulana laluna Pue Ala paneke tehorema hangko i huku dosanta.

Pilipi 1:29

Mewali, ineekau langa i tauna au moewakau, lawi tunggaiana Pue Ala mopileikau, bara pea bona mepoinalaikau i Kerisitu, agaiana bona molambi worikau kapari alana hangana Kerisitu rapomahile.

Kolose 2:12

I tempomi rariu i lalu hangana Kerisitu, himbela pea matemokau, hai ratawumokau hihimbela hai Kerisitu, lawi nikabahami katuwomi hai babehiami au hangkoia. Hai i lalu karariumi iti, rapatuwo hule worimokau hihimbela hai Ia, lawi molambimokau katuwo au wou anti pepoinalaimi i kuasana Pue Ala au mopatuwo hule Yesu hangko i kapate.

2 Tesalonika 1:9

Tauna au barahe mepoinalai ina molambihe pehuku au bara mokahopoa, hai ina ratendehe hangko i Pue, duuna barapohe moita kamakuasaNa hai peawaNa au mahile.

Ibarani 6:4

Lawi tauna au raoaka mousuli hangko i pepoinalainda, barapohe peisa ranini hule bona menosohe hangko i dosanda. Lawi hangkoia, maidahe i lalu kamabaa, matana lalunda modoko pewatina Pue Ala, hai lalunda nakuasai Inao Malelaha;

1 Peturu 1:5

Hai anti pepoinalaimi, Nakampaikau Pue Ala hai kuasaNa hangko i ope-ope dake bona molambikau katehorema au ina Napatongawa i kahopoa dunia.