Epesu 2:17 - Sura Malelaha

¹⁷ Kerisitu mai bona mopahawe bambari pohintuwu irikamu au karao hangko i Pue Ala hai irikami to Yahudi au hungku i Pue Ala.

Epesu 2:17 ပူးပေါင်းရင်းမြစ်များ

Matiu 10:13

Ane ampu sou iti bula lalunda modokokau, ina nawatihe Pue Ala. Agaiana ane barakau radoko, barahe ina molambi pewati hangko i Pue.

Lukasi 15:8

Napaliliu Yesu lolitaNa hai ngkora pandiri ide, Nauli, “Pandirina ara hadua towawine au mowoli hampulo pekana doi pera. Ane matanta hampeka, apa au nababehi? Ia lao mohuwe hulo hai mokawohi souna. Batena nahaoki duuna nalambi.

Lukasi 2:14

“Tetoiami Pue Ala au i suruga! Tauna i dunia au napokatana Pue Ala ina molambihe roa ngkatuwo.”

Suro 10:36

Manoto niisa mpuumi bambari au napahawe Pue Ala irikami to Yahudi. Bambari iti mopahawe kana i rara au mopamaroa pohintuwuna Pue Ala hai manusia melempo i Yesu Kerisitu. Yesu iti iami Ampunda ope-ope tauna.

Suro 2:39

Lawi dandina Pue Ala ide raweike hai rawei worihe pemuleanta duuna hawe i tauna ntanina au karao. Dandina Pue Ala ide, batena mewali kiranda ope-ope tauna au nakakio Amputa Pue Ala mewali taunaNa.”

Roma 10:14

Agaiana noumba kapeisanda meraroa Iria ane bara manihe mepoinalai Iria? Noumbami kamepoinalainda ane bara manihe mohadi bambri kana Iria? Noumba karahadina ane bara mani ara au mopahaweahe.

Roma 5:1

Mewali, ide-ide manotomoke i peitana Pue Ala anti pepoinalainta. Ido hai maroami pohintuwuta hai Pue Ala anti kanatanga-tangainta Amputa Yesu Kerisitu.

2 Korintu 5:20

Ikami ide sarungkoronangkai Kerisitu. Napokamba humengkai Pue Ala mopahawe lolitaNa irikamu. Moula peundeana Kerisitu, kiperapi mpuu irikamu bona mohintuwukau hai Pue Ala.

Epesu 4:21

Ane nihadi mpuumi kana Iria, hai rapaturoamokau paturo au tou moula kamanotoNa,