Epesu 1:17 - Sura Malelaha

¹⁷ Mekakaena i Pue Ala au meawa, Umana Amputa Yesu Kerisitu. Kuperapi Iria bona Naweikau Inao Malelaha au mopamanoto lalumi, duuna moisa ntepuukau Pue Ala.

Epesu 1:17 ပူးပေါင်းရင်းမြစ်များ

Matiu 11:25

I tempo iti, mekakaemi Yesu, nauli, “O Uma, Ampu langi hai tampo! KutoiaKo, lawi ope-ope au tewuniangi hangkoia, Nupopaisaamohe tauna au i woi tuwonda, agaiana Nuwuniangiahe tauna au mapangka posikolanda hai tauna au mapande,

Matiu 11:27

Roo indo, nauli mbuli Yesu, “Hinangkana NaweimoNa UmaNgku. Bara ara hadua au moisaNa, Iko Anana Pue Ala, batena pea UmaNgku au moisaNa. Nodo wori, bara ara au moisa UmaNgku, batena pea Iko AnaNa hai hema pea au Kupopaisaa.

Matiu 16:17

Nauli Yesu, “Simo anana Yunu, morasi mpuuko, lawi bara manusia au mampopaisaako iti, agaiana UmaNgkuri au ara i suruga.

Matiu 20:33

Rahanai, “Pue, kiunde wongkamia meita!”

Matiu 6:13

Inee wongkamia Nupogiangaa nakelo tokadake agaiana Nukabaha wongkamia hangko i kuasa au kadake. [Lawi Oiomi ampu Kadatua hai Kuasa hai Peawa, hawe i hae-haena. Amin.]

Lukasi 12:12

Lawi i tempo iti, Inao Malelaha ina mopagurukau apa au hangangaa nihowara.”

Lukasi 2:14

“Tetoiami Pue Ala au i suruga! Tauna i dunia au napokatana Pue Ala ina molambihe roa ngkatuwo.”

Lukasi 21:15

Lawi Iko ina mowoli i lalumi pehanami au manoto alana bara rabuku iwalimi mosapuaka apa au niuli.

Yohane 14:17

Topetulungi iti, iami Inaona Pue Ala au moninikau i paturo au tou. Tauna au bara mepoinalai, barahe peisa modoko Inaona Pue Ala, lawi bara raita hai bara raisa. Agaiana ikamu, niisami, lawi Naporangaimokau ide-ide, hai ina maida i lalumi.

Yohane 14:26

Agaiana Topetulungi au natudu mai UmaNgku mewali pahuruna wataNgku, iami Inao Malelaha, Ia ina mopaturoakau hinangkana hai Napopaingaakau ope-ope au Kuuliangaamokau.

Yohane 16:3

Ope-ope iti ina rababehi irikamu, lawi barahe moisa UmaNgku, hai Iko wori, baraNa raisa.

Yohane 17:3

Au Kutunggai hai ‘katuwo maroa au bara mokahopoa’ iami: Moisahe kaOiona Pue Ala au tou, au bara ara karoduaNa, hai moisa worihe Yesu Kerisitu au Nutudu mai i dunia.

Yohane 20:17

Nauli Yesu i Maria, “IneeNa nukingki, lawi bara maniNa mengkaore lao i UmaNgku. Laomoko i halaluNgkuhe, nuuliangaahe ina laomona i UmaNgku hai Umamu wori, Pue AlaNgku hai Pue Ala au nipenombai.”

Suro 6:10

Agaiana tauna iti bara rabuku mohanai apa au nauli Setepanu, lawi Inaona Pue Ala mopakanoto laluna mololita.

Suro 7:2

Nahanai Setepanu, “Uma-uma, halalu-halalu! Nipehadingina hampai! Hangkoia, toiorunta Burahima maida i tampo Mesopotamia. Hangko damani melimba i boea Haran, Pue Ala au mahile kuasaNa hawe i toioruntahe,

Roma 1:28

Lawi i pekirinda barapohe paraluu moisa Pue Ala, ido hai Napogiangaami Pue Ala pekirinda mewali kadake, alana mobabehihe babehia au bara hintoto.

Roma 15:6

alana hampepekirikau motoia Pue Ala, Umana Amputa Yesu Kerisitu.

1 Korintu 12:8

I hadua tauna, Nawei Inao Malelaha kapande mepaturo. I tohaduana, Nawei kapande mopakanoto lempona Ngkorana Pue Ala.

1 Korintu 14:6

Mewali halalu, ane rapana maina irikamu, hai mololitana i lalu basa au hangko i Inao Malelaha, apami bunduna irikamu? Agaiana ane mopakanotona tunggaiana Pue Ala ba mopahawena bambari hangko i Pue Ala au bara mani niisa, ba moantina Ngkorana Pue, ba mepaturona, hangko arari pobunduana irikamu.

1 Korintu 2:10

Agaiana ikita, moisamoke tunggaiana Pue Ala, lawi tunggaia iti napopaisaamoke Pue Ala hai kuasana Inao Malelaha. Hai i Inao Malelaha bara ara au tewuniangi, lawi Ia moparesa hinangkana hawe-hawe i tunggaiana Pue Ala au bara mani raisa tauna.

1 Korintu 2:8

Tadulako i dunia ide, barahe moisa tunggaiana Pue Ala. Lawi ane keraisa, kebarahe mopaku Amputa au meawa tuwoNa i kau mombehape.

2 Korintu 12:1

Bara ara bunduna motoiake watanta haduduanta. Agaiana nauri nodo, kutoia liliu watangku haduduangku. Ina mampololitana apa au napopaitaa hai rapatongawaana Pue.

Epesu 1:3

Tatoiami Pue Ala, Umana Amputa Yesu Kerisitu, au mowatike hai hinangka pewati au maroa hangko i suruga, anti pohintuwuta hai Kerisitu.

Epesu 3:5

Hangkoia, tunggaiaNa iti bara mani Napatongawa i manusia. Agaiana tunggaia iti ide-ide napatongawami Inao Malelaha irikami suroNa hai nabi-nabiNa au malelaha.

Epesu 4:13

duuna hambela tempo ina mewalike hampepekiri i lalu pepoinalainta, hai ina moisa ntepuuke Anana Pue Ala. Ina kanoto-notoake, duuna mewalike nodo Kerisitu au bara ara kamakuraNa.

Pilipi 3:15

Mewali, ikita au manoto peulanta i Pue, hangangaa hampepekirike mobabehi nodo au kuuli inona. Agaiana ane arakau au bara himbela pekirimi, Pue Ala batena ina mopakanotoakau paturo au tou.

2 Timotiu 2:25

Ane arahe tauna au moewake, hangangaa takambaroahe hai lolita au maalusu, babila nawei manihe Pue katepaka menoso hangko i peewanda. Lawi ane menosohe, ina moisahe paturo au tou duuna manoto lalunda hai tekabahahe hangko i kuasa Datu Tokadake au mopari-parihe mampeulai peundeana.

Titu 1:1

Sura ide hangko iriko, Paulu, hawina Pue Ala hai surona Yesu Kerisitu. Naangkana Pue Ala mewali suroNa, hai Natuduna mopakaroho pepoinalainda tauna au Napilei. Natudu worina mopaguruahe paturo au tou, lawi ane tapeulai paturo au tou iti, ina mengkoruke i Pue Ala.

Yakobu 2:1

Halalu-halalungku! Amputa, Pue Yesu Kerisitu, meawa mpuu tuwoNa. Mewali, ane tou-toukau mepoinalai i Pue Yesu, ineekau mampopontani tauna.

2 Peturu 1:3

Hangko i kuasaNa au mahile, Pue Ala moweike hinangka au taparaluu bona maroa katuwonta hai maroho peulanta Iria. Naweimoke ope-ope iti, lawi moisamoke Pue Ala au mokakioke mewali anaNa anti peawana tuwoNa hai kamaroana laluNa.

2 Peturu 3:18

Hangko i kabulana laluna Amputa Yesu Kerisitu hai kanoto lalu au Naweikau, hangangaa nipakaroho peulami Iria au mohoremake hangko i huku dosanta. Tatoiami Amputa mepongka ide-ide hawe i hae-haena. Amin. Hangko iriko, PETURU

Pampetudungia 7:12

rauli, “Amin! Tatoiami Amputa Pue Ala, Tapomahile hangaNa, Taadai kamapandeNa, Tauli ngkaia kamaroana Iria, Tabila Pue Ala, Tabambari kamarohoNa, Takatuinao kamakuasaNa, hawe i hae-haena! Amin.”