Epesu 1:14 - Sura Malelaha

¹⁴ Inao Malelaha itimi au mopakaroho dandiNa irikita bona manoto kaina Naweinta ope-ope sosora au Nadandiake, iami Nakabahake hangko i huku dosanta hai Napopewalike taunaNa. Ido hai hintoto mpuuke motoia hai mampomahile Pue Ala.

Epesu 1:14 ပူးပေါင်းရင်းမြစ်များ

Lukasi 21:28

Ane niita pepongkana tanda-tanda ide, nipakaroho lalumi hai mengoamokau, lawi ina rakabahakau hangko i kaparimi.”

Suro 20:28

Maroa-roakau datikau madosa, hai nikadipura maroa ope-ope jumaa au napoinalaiakau Inao Malelaha. Hangangaa nikadipurahe, nodo hadua toporewu mamporewu dimbana, lawi Anana Pue Ala mate mobaiari huku dosanda bona mewalihe taunana Pue Ala.

Suro 20:32

Ide-ide, halalu, kupekakaeakau i Pue Ala bona Nakadipurakau. Kuweikau lolita bona mampeulai liliukau Ngkorana Pue au mopakanotoake kabulana laluna Pue Ala irikita. Lawi Pue Ala pea au makuasa mopakaroho lalunta hai moweike pewati au Napasilolongaamohe tauna au Napatani mewali anaNa au malelaha.

Roma 8:23

Hai bara pea dunia ide au mantodiha. Ikita au modokomoke Inao Malelaha, mantodiha worike i lalu katuwonta. Mampegiake tempona Pue Ala mokabaha watanta hangko i kapate, Nadokoke nodo anaNa, hai Naweike katuwo mahile moula podandiNa irikita.

1 Korintu 1:30

Pue Ala pea au mobungkahiake rara pane mohintuwuke hai Kerisitu Yesu. Anti pohintuwuta hai Kerisitu Yesu, taisami kamapandena Pue Ala: Napamanotomoke Kerisitu i peitana Pue Ala, au mopamalelahamoke, hai au mohompomi dosanta.

2 Korintu 1:22

hai Naweike Inao Malelaha au mopakanoto kamewalintami taunaNa. Inao Malelaha iti mewali tanda i lalunta kaina Napabukeina haha dandiNa irikita.

2 Korintu 5:5

Pue Ala haduduaNa au mopasilolongaake hinangkana iti, hai Ia moweike Inao Malelaha mewali tanda kaina Naweinta wata au wou i suruga.

Galatia 4:6

Mewali, anti kanapoananta Pue Ala, Ia motudumi Inaona AnaNa maida i lalunta. Anti pobagona Inao Malelaha iti i lalunta, ido hai peisake mokakio Pue Ala, “Uma!”

Epesu 1:11

Pue Ala mobabehi hinangkana moula peundeaNa hai pobotusiNa haduduaNa. Napileimoke hai Napakanotomi kaikitana au mewali taunaNa anti pohintuwuta hai Kerisitu.

Epesu 1:12

Nababehi nodo, bona ikami to Yahudi au nguru-nguruna meharunga i Kerisitu motoia hai mampomahile Pue Ala.

Epesu 4:30

Nikampai babehiami datikau mopakasusa Inao Malelaha au naweikau Pue Ala. Nikatuinao, Inao Malelaha iami pampekatandaina Pue Ala i lalumi au mopakanoto kaikamuna taunaNa. Anti kaarana Inao Malelaha i lalumi, niisa kaina hawena tempona Pue Ala mokabahakau hangko i dunia au kadake ide.

1 Peturu 2:9

Agaiana ikamu, halalu, napileimokau Pue Ala au mampopewalikau nodo tadulako mpenomba au mampopolumao bago mpenomba i Datunta. Napatanikau mewali kiraNa hai taunaNa au malelaha. Pue Ala mopileikau hai mokakiokau hangko i kamakaindi mesua i lalu kamabaaNa au merae ntepuu bona mopahawekau bagoNa au maroa i ope-ope tauna.