2 Yohane 1:8 - Sura Malelaha

⁸ Ido hai hangangaa mainga-ingakau, lawi ane nikabaha pepoinalaimi i Pue Yesu, bara ara bunduna pobagongki mobambari Ngkora Marasa irikamu. Hangangaa mepoinalai liliukau i Pue bona i alo pebotusi ina nihumba hinangka hurungina pepoinalaimi.

2 Yohane 1:8 ပူးပေါင်းရင်းမြစ်များ

Matiu 24:4

Nahanai Yesu, “Mainga-ingakau bona datikau rapakanawo.

Markus 13:23

Agaiana ope-ope iti Kuuliangaa amimokau hangko damani mewali. Ido hai hangangaa mainga-ingakau!”

Markus 13:9

Agaiana ikamu, mainga-ingakau! Lawi ikamu ina rahaka hai raanti lao i topebotusi agama Yahudi. Ina rapopeahi-ahikau i lalu sou penombaa. Anti peulami Iriko, ina rahuhukau i gubernur hai i datu. Indo, ina raweikau tempo mopahawe kana i pepoinalaimi Iriko.

Lukasi 19:19

Nauli mbuli datu i hawi au karoduana iti, ‘Maroami. Mewali, ina kupoinalaiko motadulakoi lima boea.’

Lukasi 21:8

Nauli Yesu, “Mainga-ingakau bona datikau rapakanawo, lawi bosa tauna ina mai hai mangulihe kaihiranami Datu Topehompo. Ara worihe au ina manguli kahawenami alo pebotusi i kahopoa dunia. Agaiana ineehe nipoinalai.

Yohane 4:36

Tauna au mopahawehe Ngkorana Pue Ala peisa rapandiri nodo tauna au mantuda hai au mepare. Ide-ide masilolongami saronda topepare iti, hai mepongkamohe mogulu wuana. Anti pobagonda, bosa tauna molambi katuwo maroa au bara mokahopoa. Hai kahopoana ina matana-tanahe hihimbela hai tauna au mantuda.

1 Korintu 15:8

Kahopoana, mampatongawami iriko. Iko, barana nodo suro au ntanina. Raangkana mewali surona Pue Yesu i tempo au bara rahaharunga, nodo hadua anangkoi au rapoanaka bara mani handa wulana.

1 Korintu 3:14

Ane pobagona hadua tauna mantaha i poparesana Pue, ia ina molambi sarona.

1 Korintu 3:8

Au mantuda hai au mobumbuhi, himbela peahe. Ihira rodua ina molambihe saronda moula kantimina bagonda.

Galatia 3:4

Mewali hangangaa mantahakau i lalu pepoinalaimi, lawi ane bara nodo, barapi mobundu ope-ope pewatina Pue Ala au nidokomi.

Galatia 4:11

Au kupokalanga, bara ina mobundu kamawowengku mopahawe Ngkora Marasa irikamu.

Pilipi 3:16

Ide paraluu ntepuu: hangangaa tuwoke moula apa au taisami hawe ide-ide.

Ibarani 10:32

Nikatuinao, halalu, noumba katuwomi hangkoia i pepongkami mepoinalai i Pue Yesu. I tempo iti, narumpakau ngkaia kapari anti peulami i Pue. Agaiana nauri nodo, barakau mousuli; mia-mia maroho liliu pepoinalaimi.

Ibarani 10:35

Mewali, inee mpuu nikabaha pepoinalaimi iti, lawi ane mepoinalai liliukau, ina mahile mpuu hurungina au nihumba.

Ibarani 12:15

Mainga-ingakau dati ara rangami au mousuli hangko i Pue Ala hai mosapuaka ahiNa. Maroa-roakau datihe ara tauna au hawe mewali rasu i olomi, hai kahopoana mopakarugi pohintuwumi alana bosa tauna teanti i lalu dosa.

Pampetudungia 3:11

Barapi mahae ina hawemoNa! Hangangaa nikingki maroho-roho paturo au niisami datikau mala rapakanawo alana songko kadatua au naweimokau Pue Ala anti penangimi, raperampai tauna ntanina.