2 Timotiu 4:7 - Sura Malelaha

⁷ Kupeulai maroami rara au napakanotoana Pue. Kupahopomi bagongku. Pepoinalaingku bara tebali hawe i kahopoana.

2 Timotiu 4:7 ပူးပေါင်းရင်းမြစ်များ

Lukasi 11:28

Agaiana nahanai Yesu, Nauli, “Agaiana, au morasi iamohe tauna au mampehadingi hai mampeulaihe Ngkorana Pue Ala.”

Lukasi 8:15

Tinuda au manawo i tampo au marudu, lempona kamohadinda Ngkorana Pue Ala, liliu radoko i kanoto-notoana hai hangko i lalunda mpuu. Hai tou-tou mpuuhe mantaha i pampeulainda Ngkorana Pue Ala duuna mowua i lalu katuwonda.”

Yohane 17:6

Uma, tauna au NuweimoNa hangko i dunia ide, Kupopaisaamohe kahemaMu. Mewalimohe KiraMu; Nuhuhuhe Iriko bona Kukadipurahe, hai mampeulaimohe NgkoraMu.

Yohane 4:34

Ido hai nauliangaahe Yesu, “PaandeKu, iami mampeulaiNa peundeana Pue Ala au motuduNa, hai moparooNa bago au NaweiNa.

Suro 13:25

Ina hopomi bagona, Yohane mouliangaahe tauna bosa: ‘Moula pelambiami, iko hemana? Ide iko bara wongkoia Datu au nipepegia. Ane hopomi bagongku, ina hawemi hadua au mogalori mokakahi pekapu kandupaNa, barana hintoto.’ ”

Suro 20:24

Kehapiri nodo, barapi kupekiri watangku bona peisana moparoo bago au napoinalaiana Pue Yesu. Pobagongku ide, mopahawe Ngkora Marasa au mopatongawa kabulana laluna Pue Ala irikita.

Galatia 2:2

Laona i Yerusale lawi Napatongawami Pue Ala iriko hangangaa laona. Kahawengku i Yerusale, kupombelambiamohe penatua hai mogombongkai. Kupahaweamohe kana i pobambaringku Ngkora Marasa i tauna au barahe to Yahudi. Kupahaweahe lawi kupokalanga: paturongku ina rasalai duuna barapi ara bunduna pobagongku mopaturo tauna kana i Ngkora Marasa, maroa au roomi kupobago, maroa au tangana mani kupobago.

Pilipi 1:30

Mewali i tempo ide, molambi worimokau kapari nodo kapari au kuhumba i tempoku mani hihimbela hai ikamu, hai niisa, halalu, kapari iti kupolumaongi liliu duuna ide-ide.

1 Timotiu 1:18

Timotiu, anangku! Kuperapi bona nupeulai paturongku au kupahaweako ide. Hangangaa nupailalu lolitanda tauna au motadulakoiko i lalu pepoinalaimu, au mopakaroho lalumu hai au mopaturoko. Nupailalu paturonda iti bona maroho pampopolumaomu bago au nukingki nodo hadua surodado au keate mombeala.

1 Timotiu 6:12

Nupari-pari bona tuwoko hintoto hai apa au nupoinalai, hai nupakaroho pepoinalaimu au moantiko i katuwo maroa au bara mokahopoa. Lawi itimi tunggaiana Pue Ala mokakioko mewali taunaNa bona molambiko katuwo maroa au bara mokahopoa hai au nupangakumi i lindonda tauna bosa, kamepoinalaimu i Pue Yesu.

1 Timotiu 6:20

Oio Timotiu, napoinalaiamoko Pue Ala moanti paturo au manoto. Mewali, hangangaa nukingki maroa paturo iti dati ara au mobaliki. Karaohi lolita au bara mobundu hai paturo au bara manoto au rauli kapande agaiana bara tou.

2 Timotiu 1:14

Napoinalaiamoke Pue Ala moanti paturo au tou. Mewali, anti kuasana Inao Malelaha au maida i lalunta, nukampai maroa paturo iti; inee nupogiangaa nabaliki tauna ntanina.

2 Timotiu 3:10

Agaiana oio Timotiu, lawi mahaemoko kuporanga, nuisami paturongku hai babehiangku hai tunggaiana lalungku. Nuita mpuumi pepoinalaingku, kasabarangku, kamaahingku, hai kamantahaku i lalu kapari.

Pampetudungia 3:10

Anti kanipeulaina hawaNgku au manguli hangangaa mantahakau, ido hai ina Kupeparaikau hangko i kapari au ina morumpa humalele dunia. Ope-ope tauna au maida i dunia, ina rapetandakahe i tempo kapari iti.

Pampetudungia 3:8

Nauli: Kuisa apa au nibabehi. Peita, Kubungkahiakau baba hai barapi ara au peisa motuko, lawi nauri haodi pearai kamarohomi, lolitaNgku nipeulai hai bara mpuu nisapuaka kanipoinalaiNgku.

Pampetudungia 6:11

Ope-ope raweihe hantau badu ngkalanga au bula. Hai nauliangaahe Pue Ala, “Nipegia hampai, lawi ara manihe rangami au hampopobago hai halalumi hampepepoinalai au ina rapapate nodo ikamu. Ane handami kabosami au rapapate, hangko Kuhurungirihe iwalimi.”