2 Timotiu 2:24 - Sura Malelaha

²⁴ Hai bara hintoto ane ikita au mewali hawina Pue barake hintuwu hai hangka ranganta. Hangangaa tapamaalusu poantita i ope-ope tauna. Hangangaa mapandeke mepaturo, hai sabarake.

2 Timotiu 2:24 ပူးပေါင်းရင်းမြစ်များ

Matiu 12:19

Ia bara ina mombehehe, bara ina monganga-nganga, hai bara ina mololita masisimbuku i rara ngkaia.

Yohane 6:52

Karahadina tadulakonda to Yahudi lolitana Yesu iti, mombehanaimohe hadua hai hadua, rauli, “Noumba kapeisaNa mokira ontoNa irikita bona taande?”

Suro 15:2

Agaiana Paulu hai Baranaba, rumihi poewanda paturo iti. Kahopoana, rabotusi bona Paulu, Baranaba, hai bahangkia tauna ntanina au mepoinalai i Yesu lao mopahawe kara-kara iti i surona Pue Yesu hai penatua-penatua i Yerusale.

Suro 23:9

Kahopoana, rumihimi pombehanainda. Ara bahangkia guru agama meangka sambelahe hai toParisi hai mehanaihe, rauli, “Moula pelambiaki, tauna iti bara masala. Babila ara malaeka ba tomate au mololita iria.”

Suro 7:26

Kahalona, naita mbuli Musa rodua to Yahudi au mombetie. Anti kanapeinaona mopahintuwuhe, ido hai nauliangaahe: ‘Moapari hai mombetiekau? Ikamu topohalalu.’

2 Korintu 10:1

Iko, Paulu, ara perapingku irikamu. Arahe tauna i olomi au manguli: “Ane Paulu karao hangko irikami, pololitana makasara i lalu surana, agaiana ane mombelindoke, ia maalusu.” Mewali, hangko i lalungku au mengkaiwoi hai au maalusu, nodo laluna Kerisitu,

2 Korintu 10:4

Kuasa-kuasa au kipopobundu i lalu pobagongki bara kuasa hangko i manusia agaiana kuasa hangko i Pue Ala. Hai kuasa iti kipake mogero bentenda iwalingki hai kipake moewa tauna au mosapuaka paturo au tou.

2 Korintu 6:4

I paka-pakana, kibabehi liliu apa au maroa bona tongawa kaikamina topobagona Pue Ala au manoto. Mantahangkai i lalu mampopengaa kasusa hai kapari.

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

Epesu 4:2

Hangangaa mengkaiwoikau hai hangangaa maalusu poantimi i paka-pakana. Hangangaa peisakau modoko hangka rangami nauri niisa kamakurana, hai hangangaa sabarakau anti kamaahimi hadua hai hadua.

Pilipi 2:14

I paka-pakana au nibabehi, ineekau mohume-hume ba mombembehehe,

Pilipi 2:3

Ineekau mopaioru peundeami haduduami, ineekau mampemahile. Agina mengkaiwoike hadua hai hadua, hai hangangaa taimba ranganta melumbu hangko irikita.

Kolose 3:13

Hangangaa sabarakau i poantinda hangka rangami. Niampungi rangami au masala irikamu. Nodo Pue moampungi salanta, ikita wori hangangaa moampungike ranganta au masala irikita.

1 Tesalonika 2:7

Agaiana bara turu inaongki mobabehi nodo. I tempoki hihimbela hai ikamu, maalusu poantiki, nodo hadua ina au mokadipura anana.

1 Timotiu 6:11

Agaiana oio Timotiu, hawinamoko Pue Ala. Nupakarao tuwomu hangko i ope-ope babehia au nodo. Nupari-pari mampeulai babehia au manoto hai mengkoruko i Pue Ala. Nupakaroho pepoinalaimu i Kerisitu hai kamaahimu i hangka rangamu, mantahako i lalu kapari hai Nupamaalusu poantimu i hangka rangamu.

Titu 1:1

Sura ide hangko iriko, Paulu, hawina Pue Ala hai surona Yesu Kerisitu. Naangkana Pue Ala mewali suroNa, hai Natuduna mopakaroho pepoinalainda tauna au Napilei. Natudu worina mopaguruahe paturo au tou, lawi ane tapeulai paturo au tou iti, ina mengkoruke i Pue Ala.

Titu 1:7

Tauna au mewali penatua, ihirami au mokadipura bagona Pue Ala. Ido hai hangangaa nuangka tauna au bara ara au peisa rasalaia, au bara mampemahile ba au masodo, au bara malangu-langu ba topombetie ba au mohaoki pea doi.

Titu 1:9

Hangangaa maroho pepoinalaina i paturo au tou, nodo au nadokomi bona naisa rara mopaguru tauna i paturo au tou iti hai mopakaroho lalunda, hai bona nabuku wori mopatongawa kamasalanda tauna au moewa paturo iti.

Titu 3:2

Ineehe mopakadake hanga tauna, ineehe mombembehanai. Hangangaa rapamaalusu poantinda, hai mengkaiwoi liliuhe i ope-ope tauna.

Yakobu 1:1

Tabea hangko iriko, Yakobu, hawinana Pue Ala hai Pue Yesu Kerisitu. Sura ide kupakatuakau to Isaraeli au hampulo hai rontina au mahawukau i humalele dunia.

Yakobu 3:17

Agaiana tauna au molambihe kanoto lalu hangko i Pue Ala, node babehianda: malelaha lalunda, raunde mohintuwu hai ranganda, maalusu poantinda, matunduhe hai motulungi peamohe tauna. Maroa babehianda, barahe mampopontani tauna hai poantinda moula kabulana lalunda.

Yakobu 4:2

Mampeinaokau paka-pakana agaiana bara nihumba. Ido hai mepapatekau. Mahinakau i anu-anuna rangami, agaiana apa au nipokaelu iti, bara nihumba. Mewali, mombehahanai hai mobungka-bungkamokau. Apa au nihaoki iti bara nihumba, lawi bara niperapi i Pue Ala.

1 Peturu 3:8

Kahopoana, ikamu hangangaa mohintuwukau, hampepekirikau, hai mombepokaahikau nodo topohalalu. Hangangaa maahikau hai mengkaiwoikau.

Yudasi 1:3

Halalu au kupokaahi! Nguru-nguruna au kekuukiakau i sura ide iami kana i katehorema au tahumba sambela hangko i Pue Ala. Agaiana ide-ide, tediimi lalungku mobaliki tunggaiaku au nguru-nguruna. Ide-ide kuukiakau sura ide bona nipakaroho pepoinalaimi i paturo au tou hai bona niewa liliuhe tauna au moanti paturo au sala. Lawi Pue Ala mopahawe paturo au tou irikita ope-ope au mewali kiraNa bona iti au tapoinalai, hai paturo iti bara peisa rabaliki.