2 Timotiu 1:6 - Sura Malelaha

⁶ Mewali Timotiu, Kupopaingaako kana i bago au naweiko Pue Ala hangkoia, i tempoku moona taiengku i tanoanamu motawiko. Ido hai kuperapi bona nupakaroho mpuu lalumu mampopolumao liliu bago iti.

2 Timotiu 1:6 ပူးပေါင်းရင်းမြစ်များ

Lukasi 19:13

Mewali, hangko damani padu, mokakiomi hampulo hawina, hai naweihe hadua-hadua hampeka doi bulawa. Naulimi tuana iti i hawina: ‘Doi au kuweikau ide, hangangaa nipopolumao bona i pesuleangku deade, ara anana.’

Suro 19:6

Hai i tempona Paulu moona taiena i tanoananda, mendaulu mpuumi Inao Malelaha mokuasaihe. Unga peahe mololita hai basanda tauna ntanina, hai mohowarahe lolita au hangko i Pue Ala.

Suro 6:6

Raantimohe tauna au pitu iti lao i surona Pue Yesu, hai suro iti moona taienda i waanda tauna au pitu iti hai mekakaehe bona Pue Ala mowatihe.

1 Tesalonika 5:19

Inee nihomboki pobagona Inao Malelaha.

1 Timotiu 4:14

Ineeko mokabaha bagomu au hangangaa nupopolumao moula kapande au naweiko Inao Malelaha. Kapande iti raweiko i temponda penatua moona taienda hangkoia i tanoanamu mopahawe lolita hangko i Pue Ala kana irio.

1 Timotiu 4:6

Ane ope-ope paturo ide nupaturoahe halalunta hampepepoinalai, ina mewaliko hawina Kerisitu Yesu au maroa. Hai ina maroho mpuu lalumu anti Ngkorana Pue Ala au tapoinalai hai paturo au maroa au nupeulaimi.

2 Timotiu 2:14

Timotiu! Ope-ope au kuuli ide hangangaa nupopaingaahe to sarani au ara inditi. Nuweihe lolita i lindona Pue Ala bona ineehe mampombehanaingi rara mpoagama. Lawi pombehahanai iti bara mobundu i lalu katuwonta, agaiana mopakarugi pea pepoinalainda tauna au mohadi.

2 Timotiu 4:2

Hangangaa masilolonga peamoko mopahawe Ngkorana Pue Ala i tempo au maroa ba i tempo mapari. Nukambaroahe au moanti paturo au sala, nukontohe au kadake babehianda, hai nupakaroho lalunda bona maroa babehianda. Hangangaa sabara liliuko mopaguruhe.

Ibarani 6:2

Hangangaa rapaturoahe kana i periu, noumba tadulako agama moona taienda i tanoananda tauna au rawati, karapatuwo hulenda tomate, hai pehukuna Pue Ala au bara mokahopoa. Paturo iti tou, agaiana ineemi rahuhuleki.

2 Peturu 1:12

Mewali halalu, nauri niisa ope-ope ide, hai nauri maroho peulami i paturo au tou, agaiana barana oha-oha mampopaingaakau paturo ide.

2 Peturu 3:1

Halalungku au kupokaahi! Idemi surangku au karombelana irikamu. I lalu surangku au nguru-nguruna hai au karombelana ide, kuhuweki lalumi hai kupopaingaakau paturo au tou bona malelaha pekirimi.

Yudasi 1:5

Mewali, halalu, katouana ope-ope au kuuliangaakau ide niisami. Agaiana nauri nodo, kupeinao mampopainga hulekau noumba pehukuna Pue Ala i tauna au kadake babehianda. Hangkoia Pue Ala mokabaha to Yahudi au bosa hangko i tampo Masiri. Agaiana roo indo, arahe au bara mepoinalai Iria. Mewali tauna iti napapatehe Pue Ala i pada wungi.