2 Tesalonika 2:9 - Sura Malelaha

⁹ Manusia Kadake iti ina hawe hai kuasana Datu Tokadake, hai kuasa iti ina napake mobabehi ngkaia pakana tanda kuasa au mepakanawo.

2 Tesalonika 2:9 ပူးပေါင်းရင်းမြစ်များ

Matiu 12:22

Hangko indo, ara hadua tauna au raanti i Yesu. Tauna iti, bilo, bara peisa mololita, hai napesuangi seta. Napakaohami Yesu alana meita hai peisami mololita.

Matiu 24:24

Lawi ina hawe bosa tauna au mepakanawo au manguli Datu Topehompohe ba nabihe. Ina mobabehihe tanda kuasa hai tanda au metingkarai bona mopakanawohe bosa tauna. Ane peisa, mogalo tauna au napilei Pue Ala, rapakanawo wori.

Matiu 4:10

Nahanai Yesu, “Peloho Tokadake! Lawi i lalu Sura Malelaha teuki node, ‘Hangangaa menombako i Ampumu, Pue Ala. Batena pea Ia au hintoto nupengkorui.’ ”

Markus 13:22

Lawi ina hawe bosa tauna au mepakanawo au moulihe kaihirana Datu Topehompo, ba au mouli kaihirana nabi. Ina mobabehihe tanda kuasa hai tanda au metingkarai bona mopakanawohe bosa tauna. Rapari-pari wori ane peisa, maitu tauna au napileimohe Pue Ala mewali taunaNa, rapakanawo wori.

Lukasi 11:25

Pesulenami lao i tauna au napalehi hangkoia, naita tauna iti nodo sou au tekawohi malelaha hai tekadipura maroa.

Yohane 4:48

Nauli Yesu i tauna iti, “Ikamu au maida i tampo ide, ane kebarakau moita tanda kuasa, barakau ina mepoinalai!”

Yohane 8:41

Babehiami iti batena moula babehiana wata umami!” Rahanai to Yahudi, rauli, “Agaiana ikami, barangkai ana i tampo! Umangki hadua pea, Iami Pue Ala.”

Yohane 8:44

Umami iami Datu Tokadake! Hai nipeinao moula liliu peundeana umami iti. Hangko i nguru-nguruna ia topepapatemi. Paturona bara tou, lawi bara ara au tou iria. Ane modongko, itimi poantina, lawi ia topodongko mpuu, hai ope-ope tauna au modongko moulahe peundeana.

Suro 13:10

hai nauliangaa, “Ee! Topodongko mpuuko. Oiomi iwalina ope-ope au manoto. Poantimu nodo Datu Tokadake! Moapari hai mobaliki liliuko paturona Pue Ala au manoto?

2 Korintu 11:14

Bara tapotingkara babehianda, lawi nodo wori babehiana Datu Tokadake au mobaliki watana mewali nodo hadua malaeka au mewangka.

2 Korintu 11:3

Agaiana kuperapi ineekau hawe rapakanawo alana barapokau mepoinalai i Kerisitu hangko i lalumi. Nodo ile mokelo Hewa hai lolitana au momi, ara worihe tauna au mampeinao bona moulakau paturonda au mosisala hai pepoinalaimi i Kerisitu.

2 Korintu 4:4

Napawulihe Datu Tokadake au mokuasai dunia ide datihe mampoinalai Ngkora Marasa. Kuasa Ngkora Marasa bara mopamabaa lalunda. Mewali, barahe moisa peawana tuwona Kerisitu au mopatongawa peawana Pue Ala.

Epesu 2:2

I tempo iti, babehiami alo-alona moula babehianda tauna au kadake i dunia ide; lempona matundukau i Datu Tokadake au makuasa i laerawa. Kuasa iti duuna ide-ide, mobago liliu i lalunda tauna au barahe mengkoru i Pue Ala.

2 Timotiu 3:8

Guru au mepakanawo iti, kadake pekirinda, hai barapi ara pepoinalainda, alana Pue Ala mosapuakahe. Moewahe paturo au tou, nodo Yanes hai Yambres au moewa nabi Musa i tampo Masiri hangkoia.

Yakobu 3:15

Kanoto lalu au nodo, bara hangko i Pue Ala, agaiana hangko i dunia, hangko i peundeana lalunta hai hangko i seta!

Pampetudungia 12:17

Masodo ntepuumi naga i towawine iti. Ido hai laomi mampombealaa pemuleanahe towawine iti au ntanina, iami tauna au mampeulaihe hawana Pue Ala hai au mopangaku kaYesuna Ampunda.

Pampetudungia 12:9

Mewali, naga au mahile iti, ratende hangko i suruga hawe i dunia hihimbela hai malaekana. Iami ile au arami hangkongkoia, au rahanga Datu Tokadake ba Tadulako Seta. Ia au mopakanawo tauna au maida i humalele dunia.

Pampetudungia 18:23

Barapi ina ara au mopatuwo hulo. Barapi ina ara wotu toratauna. Barapi ina ara wotu posusa petauna. Ope-ope iti ina mewali lawi hangkoia topobalu-balu i Babeli mahile hanganda i dunia, hai anti kapangisanda au kadake, mopakanawomohe ope-ope tauna i dunia.

Pampetudungia 19:20

Kahopoana binata au kadake iti rahaka hihimbela hai nabi au mepawuli iti. Ihira, ratendehe i lalu tahi api au lolaa hai au mawaa. Nabi au mepawuli iti, iami au mobabehi tanda kuasa hai kuasana binata au kadake. Anti tanda kuasa iti, ia mopakanawohe tauna au modoko tanda binata hai au menomba i lengge binata iti.

Pampetudungia 20:10

Roo nodo, Datu Tokadake iti, au mopakanawo tauna, ratende i lalu tahi api au lolaa hai au mawaa. I tahi api itimi hangkoia ratendehe binata au kadake hai nabi au mepawuli. Inditi, rapopeahi-ahi liliuhe hawe i hae-haena.

Pampetudungia 9:11

Ara datunda au moparentaihe. Datunda iti, iami malaeka au mokampai kabe ngkapate. Hangana i lalu basa Ibarani, iami Abadon. I lalu basa Yunani, Apolion. Lempona, Topegero-gero.