2 Tesalonika 2:2 - Sura Malelaha

² datikau holi-holi napawuli bambari au mampololita kahawenami Pue Yesu, lawi arahe au manguli Inao Malelaha mampopaisaahe nodo. Ara worihe au mouli kaarana sura hangko irikami au mopakanoto kahawenami alona Pue.

2 Tesalonika 2:2 ပူးပေါင်းရင်းမြစ်များ

Matiu 24:24

Lawi ina hawe bosa tauna au mepakanawo au manguli Datu Topehompohe ba nabihe. Ina mobabehihe tanda kuasa hai tanda au metingkarai bona mopakanawohe bosa tauna. Ane peisa, mogalo tauna au napilei Pue Ala, rapakanawo wori.

Markus 13:7

Ane mohadikau pombeala, ba bambari pombeala, inee nipowulunga, lawi ope-ope iti hangangaa mewali, agaiana bara mani hawe kahopoa dunia.

Lukasi 21:19

Nipakaroho pepoinalaimi bona mantahakau i lalu ope-ope kapari ide, lawi hema au mantaha ina molambi katuwo maroa au bara mokahopoa.”

Lukasi 21:9

Ane mohadikau pombeala ba bambari pombeala inee nipowulunga, lawi ope-ope iti hangangaa mewali hampai, agaiana bara mani hawe kahopoa dunia.”

Yohane 14:1

Yesu mololita i topeguruNa, nauli, “Inee bata-bata lalumi! Mepoinalaimokau i Pue Ala, hai mepoinalai worikau Iriko.

Yohane 14:27

Katinda lalu au hangko Iriko Kuwoliakau. Katinda lalu au hangko Iriko Kuweikau. Au Kuweikau ide, bara nodo au naweikau dunia. Inee karao inaomi, hai ineekau langa.

1 Korintu 1:8

Ia ina mopakaroho pepoinalaimi duuna i kahopoa dunia bona ane Nakahaweikau Amputa Yesu Kerisitu i kahaweNa hule, barapi ara kamasalami.

1 Korintu 14:32

Tauna au mopahawe lolita hangko i Pue Ala hangangaa peisahe morempeki peundeanda mololita. Hangangaa rabuku mololita hai mengkaroo moula peundeanda.

1 Korintu 7:26

Mewali, idemi pelambiaku: i tempo ide ikita to Sarani narumpake ngkaia pakana kapari. Ido hai kuuli agina inee tabaliki katuwonta au Napakanotoake i dunia ide.

Epesu 5:6

Mewali, ineekau rapakanawo hai lolitanda tauna au mampeinaohe bona moulakau babehianda au nodo. Lolitanda iti batena bara tou. Lawi hangko i babehia au nodo, Pue Ala ina mohuku tauna au bara mengkoru Iria.

1 Tesalonika 3:3

Kiuliangaa nodo bona dati ara hadua au mousuli hangko i pepoinalaina anti kapari au morumpakau. Lawi niisato halalu, kapari au morumpake ide moula tunggaiana Pue Ala.

1 Tesalonika 4:15

Idemi paturo au kidoko hangko i Pue Yesu: i kahawena hule Pue Yesu, ikita au tuwo manike, barake ina mampehindorungi ranganta au matemohe.

1 Tesalonika 5:2

Lawi niisa halalu: alo kahaweana Pue iti ina mai nodo topanangka i tanga kaindi; ope-ope tauna i dunia ina tingkarahe.

2 Tesalonika 2:15

Mewali halalu, nipakaroho pepoinalaimi, mekingki liliukau i hinangka au kipaturoamokau, maroa au kiuliangaakau ba au kiukiakau i lalu surangki.

2 Tesalonika 3:17

Tabea hangko iriko, Paulu. Kahopoana sura ide kuuki haduduangku. Ide tanda i lalu ope-ope kahopoa surangku bona niisa mpuu kahangko irikona sura ide.

Pampetudungia 19:20

Kahopoana binata au kadake iti rahaka hihimbela hai nabi au mepawuli iti. Ihira, ratendehe i lalu tahi api au lolaa hai au mawaa. Nabi au mepawuli iti, iami au mobabehi tanda kuasa hai kuasana binata au kadake. Anti tanda kuasa iti, ia mopakanawohe tauna au modoko tanda binata hai au menomba i lengge binata iti.