2 Tesalonika 2:13 - Sura Malelaha

¹³ Halalu-halalu au napokaahi Pue, hintoto mpuungkai manguli liliu ngkaia kamaroana i Pue Ala anti kaikamuna. Lawi Pue Ala mopileikau hangko i nguru-nguruna bona tehoremakau hangko i huku dosami anti pepoinalaimi i bambari au tou. Napileimokau bona Nahoremakau anti kuasana Inao Malelaha au mampopewalikau taunana Pue Ala au malelaha.

2 Tesalonika 2:13 ပူးပေါင်းရင်းမြစ်များ

Yohane 1:1

Nguru-nguruna, hangko damani dunia rapopewali, arami Ngkora. Ngkora iti, aminami hihimbela hai Pue Ala, hai Ngkora iti iami Pue Ala haduduaNa.

Yohane 14:6

Nauli Yesu, “Ikomi rara, Ikomi au mopahawe paturo au tou, hai Ikomi au moweikau katuwo au bara mokahopoa. Bara ara hadua au peisa hawe i UmaNgku, ane bara mepoinalai Iriko.

Suro 13:48

Karahadina tauna au barahe to Yahudi lolitana iti, matana mpuumohe hai motoiahe Ngkorana Pue. Hai hema pea au Napileimi Pue Ala molambi katuwo maroa au bara mokahopoa, hai mepoinalaimohe i Pue Yesu.

Suro 15:9

Ikita to Yahudi hai au barahe to Yahudi, bara Napopontani Pue Ala. Napamalelaha lalunda lawi mepoinalaihe i Yesu.

Roma 6:17

Mangulina ngkaia kamaroana i Pue Ala, lawi hangkoia hangko damanikau mepoinalai i Yesu, napohawikau dosa. Agaiana ide-ide hangko i lalumi mpuu mampeulai paturo au rapahaweakau.

Roma 8:33

Hai ikita au napileimoke Pue Ala, hema mani au peisa mosalaike, lawi Pue Ala haduduaNa mopakanoto kadanta masala?

Roma 9:11

Hangko damanihe rodua anangkoi iti mesupa hai raisa mobabehi apa pea au maroa ba au kadake, Napileimohe Pue Ala dati rauli Napileihe anti babehianda agaiana Napileihe moula peundeaNa haduduaNa.

1 Korintu 1:21

Lawi hangko i kapande manusia, barake peisa moisa Pue Ala. Anti kamapandena Pue Ala, Nabotusimi bona hema pea au mepoinalai i Ngkora Marasa au kipahawe, tauna iti ina Nahoremahe hangko i dosanda. Agaiana ane kipahawe Ngkora Marasa, tauna au bara mepoinalai manguli, “Iti lolita tontuli.”

Galatia 3:1

Halalu to Galatia, ntuli mpuukau. Hemarikau au mopakanawo, alana barapi nipeulai paturo au tou? Manoto mpuu paturongku hangkoia irikamu au mopakanotoakau tunggaiana Yesu Kerisitu mate i kau mombehape.

Epesu 2:8

Nahoremamoke Pue Ala hangko i huku dosanta moula kabulaNa laluNa, anti pepoinalainta i Yesu Kerisitu. Barake Nahorema anti babehianta au maroa, batena pea anti kabulana laluNa irikita. Ido hai bara ara hadua au peisa manguli: “Anti kamaroana babehiangku, ido hai nahoremana Pue Ala hangko i huku dosangku.”

Kolose 1:5

Pepoinalaimi hai ahimi maroho, lawi meharunga mpuukau i apa au Napasilolongaakau Pue Ala i suruga, nodo au nihadimi i lalu paturo au tou au rapahaweamokau, iami, Ngkora Marasa.

Kolose 3:12

Pue Ala mampokaahikau hai mopileimokau mewali kiraNa au malelaha. Idomi hai: hangangaa mombetulungikau, hangangaa maroa lalumi hadua hai hadua, mengkaiwoikau, nipamaalusu poantimi, hai sabarakau.

1 Tesalonika 1:4

Kiisa halalu, Pue Ala mampokaahikau hai Napileimokau mewali taunaNa.

1 Tesalonika 2:12

bona babehiami moula peundeana Pue Ala. Lawi Pue Ala mokakiokau mewali taunaNa i lalu poparentaNa bona molambikau kirami i lalu peawana tuwoNa.

1 Tesalonika 4:7

Lawi tunggaiana Pue Ala mokakioke, barake Nakakio bona mobabehike sala agaiana Nakakioke bona malelaha tuwonta.

1 Tesalonika 5:9

Napileike Pue Ala bona barake rahuku, agaiana Napileike bona molambike katuwo maroa i lalu kaNahoremanta Amputa Yesu Kerisitu.

2 Tesalonika 1:3

Halalu-halalu, barangkai oha-oha manguli ngkaia kamaroana i Pue Ala anti kaikamuna. Hai hintoto mpuu kibabehi nodo, lawi kamaroho-rohoami pepoinalaimi i Pue Yesu, hai katetetambaiami ahimi i hangka rangami.

2 Tesalonika 2:10

Ope-ope akalana au kadake napake mopakanawo tauna au tepakanotohe rahuku. Ina marugihe, lawi barahe mau mampoinalai Ngkorana Pue au peisa mohoremahe hangko i huku dosanda.

2 Tesalonika 2:12

Kahopoana, Pue Ala ina mohuku ope-ope tauna au raunde mobabehi dosa hai au barahe mampoinalai NgkoraNa au manoto.

2 Tesalonika 2:16

Pue Ala motudungiake ahiNa, hai mopakaroho lalunta hawe i hae-haena, hai Naweike peharunga au maroa anti kabulana laluNa. Ido hai mekakaengkai i Amputa Yesu Kerisitu hai Pue Ala Umanta bona Napakaroho hai Napatetida lalumi bona maroa ope-ope lolitami hai babehiami.

2 Timotiu 1:9

Nahoremamoke Pue Ala hangko i dosanta hai Nakakiomoke mewali taunaNa au malelaha. Barake Nahorema hai Nakakio anti kamaroana babehianta. Agaiana iti Nababehi anti kabulana laluNa moula tunggaiaNa. Lawi hangko damani dunia ide rapopewali, arami tunggaiana Pue Ala mopahintuwuke hai Kerisitu Yesu anti kabulana laluNa.

2 Timotiu 2:15

Agaiana oio Timotiu, mopahaweko paturo au tou i kanoto-notoana. Nupakaroho mpuu pampopolumaomu bago iti; ineeko maea. Ane nubabehi nodo, Pue Ala ina mampokatana bagomu hai Naimbako topobagoNa au maroa.

2 Timotiu 3:15

Hai hangko koi-koi peamoko, nuisami apa au teuki i lalu Sura Malelaha. Sura Malelaha iti au peisa mopakanoto lalunta duuna mepoinalaike i Kerisitu Yesu hai tehoremake hangko i huku dosanta.

Ibarani 1:10

Nauli wori node: “O Pue, hangkoia Nuhuami arii dunia, langi Nubabehimi hai taieMu.

Yakobu 1:18

Napopewalimoke anaNa moula peundeaNa haduduaNa melempo i Ngkora Marasa, au bara ara kamasalana, bona hangko i ope-ope au Napopewali, ikitami au Napokatana ntepuu.

1 Yohane 4:10

Idemi au rauli ahi: bara ikita au nguru-nguruna mampokaahi Pue Ala, agaiana Pue Alari au nguru-nguruna mampokaahike, ido hai motudu mai AnaNa mewali pahuruna watanta bona teampungi dosanta.

1 Yohane 4:19

Mampokaahike Pue Ala hai halalunta, lawi Pue Ala iorumi mampokaahike.