2 Tesalonika 1:8 - Sura Malelaha

⁸ Hai Iami au ina mohuku tauna au barahe moisa Pue Ala hai au barahe mampeulai Ngkora Marasa au mopahawe kahemana Yesu Amputa.

2 Tesalonika 1:8 ပူးပေါင်းရင်းမြစ်များ

Matiu 25:41

Roo indo, Kuuliangaahe au ntanda i kabeoNgku, ‘Padumokau hangko inde, ikamu au harara i UmaNgku! Mesuamokau i lalu api au rore liliu, au rapasilolonga mewali pohukuanda Datu Tokadake hai hinangka malaekana.

Matiu 25:46

Napahopo Yesu lolitaNa, Nauli, “Ope-ope tauna au kadake iti ina ratendehe i lalu naraka hai rahuku hawe i hae-haena, hai tauna au manoto ina molambihe katuwo maroa au bara mokahopoa.”

Yohane 3:19

Idemi au rahukuahe: Baa hawemi i dunia. Agaiana manusia mounde mani kamakaindi pane kamabaa, lawi kadake babehianda.

Yohane 8:19

Rapekune toParisi, “Iumba UmaMu?” Mehana Yesu, “BaraNa niisa, ido hai bara wori niisa UmaNgku. Ane rapana niisa kahemaNgku i katou-touana, keniisa wori UmaNgku.”

Suro 6:7

Hangko inditi, tebambari ntepuumi Ngkorana Pue Ala, mewali kabosa-bosaamohe tauna i Yerusale au meula i Yesu, hai bosa worihe tadulako mpenomba au mepoinalai i Yesu.

Roma 1:28

Lawi i pekirinda barapohe paraluu moisa Pue Ala, ido hai Napogiangaami Pue Ala pekirinda mewali kadake, alana mobabehihe babehia au bara hintoto.

Roma 1:5

Hai anti kaYesuna, Naweina Pue Ala pewati mahile, Naangkana mewali suroNa bona iko au mobambari Ngkora Marasa i tauna au barahe to Yahudi i humalele dunia. Kupaturohe bona mepoinalaihe hai mengkoruhe i Pue Yesu, duuna hangana Yesu rapomahile.

Roma 10:16

Arami tauna au ratudu moanti bambari maroa, agaiana barahe ope-ope tauna mampoinalai bambari maroa iti. Ara lolitana nabi Yesaya hangkoia au manguli, “Pue, arahe pae au mepoinalai i bambari au kiantiahe?”

Roma 15:18

Au kuuli ide, kupobago anti kuasana Kerisitu Yesu bona tauna au barahe to Yahudi mengkoru i Pue Ala. Mengkoruhe i Pue Ala anti pobagongku hai pepaturongku,

Roma 16:26

Agaiana ide-ide Pue Ala motudungiake tunggaiaNa i sura au rauki nabi-nabi hangkoia hai au rapahawe i ope-ope tauna moula parentana Pue Ala bona ope-ope tauna peisa mepoinalai hai mengkoru Iria. Iami Pue Ala au tuwo hawe i hae-haena,

Roma 6:16

Niisato halalu, pandirina, ane mengkoruke i hadua tauna hai mampeulaike hawana, napohawimoke tauna iti. Nodo wori hai dosa, ane mampeulai liliuke peundeana lalunta au kadake, napohawimoke dosa. Kahopoana ina molambike kapate au mogaakike hangko i Pue Ala hawe i hae-haena. Agaiana ane mengkoruke i Pue Ala, mewalike taunana Pue Ala au mampeulai peundeaNa.

1 Korintu 15:34

Ido hai kuuliangaakau, nipakanoto lalumi moula paturo au tou, hai nikabahami ope-ope dosami. Lawi ara manikau au bara moisa Pue Ala. Iti kupahawe bona maeakau.

2 Korintu 10:5

Kuasa iti kipake monangi tauna au mampemahilehe hai kapandenda mohomboki hangka ranganda au mampeinao moisa Pue Ala. Anti karoho au kihumba hangko i Pue Ala, kibaliki lalunda tauna iti bona mengkoruhe i Kerisitu.

Galatia 3:1

Halalu to Galatia, ntuli mpuukau. Hemarikau au mopakanawo, alana barapi nipeulai paturo au tou? Manoto mpuu paturongku hangkoia irikamu au mopakanotoakau tunggaiana Yesu Kerisitu mate i kau mombehape.

Galatia 4:8

Hangkoia hangko damanikau moisa Pue Ala, mengkorukau i anitu, au bara makuasa.

1 Tesalonika 4:5

Ineekau naanti peundeana lalumi au kadake, nodo au biasa mewali i tauna au barahe moisa Pue Ala.

Ibarani 10:27

Barapi ara au peisa taharunga, batena pearai karumpuna Pue hai api pehukuNa au rumihi, au ina mopapumpu hinangka iwaliNa.

Ibarani 10:30

Mewali, inee mpuu takabaha pepoinalainta halalu, lawi taisa Pue Ala au manguli: “Iko au makuasa mehurungi, Iko au makuasa mehuku.” Hai teuki wori: “Pue ina mobotusi kara-karanda taunaNa.”

Ibarani 11:8

Anti pepoinalaina, Burahima mampeulai hawana Pue Ala. Burahima nakakio hai natudu Pue Ala lao i tampo au karao, Nauliangaa, “Tampo au Kutudungiako ina mewali kiramu hai kiranda pemuleamu.” Mewali, kehapiri bara naisa iumba kalaoana, meangkami Burahima moula hawana Pue Ala.

Ibarani 12:29

lawi Pue Ala au tapenombai nodo api au mepapumpu.

Ibarani 2:3

melumbu mani pehukuna Pue Ala irikita ane barake mopailalu bambari katehorema. Hai bambari katehorema iti melumbu ntepuu kuasana hangko i aturana Musa, lawi nguru-nguruna bambari iti napahawemi Anana Pue Ala haduduaNa. Hai tauna au nguru-nguruna mohadi lolitana Yesu hangkoia mopakanotoake katouna bambari iti.

Ibarani 5:9

Hai anti pengkoruNa, Yesu mewali Topehompo au bara ara kamakuraNa, hai Ia mowei ope-ope tauna au mengkoru Iria katuwo maroa au bara mokahopoa.

1 Peturu 1:2

Ikamu, napileikau Pue Ala Umanta lawi nodomi tunggaiaNa hangko i nguru-nguruna. Ia mopileikau, hai anti pobagona Inao Malelaha, mewalimokau kiraNa bona mengkorukau i Yesu Kerisitu hai Napamalelahakau hai waheNa. Kuharunga Pue Ala ina moweikau ngkaia pewati hai roa ngkatuwo.

1 Peturu 3:6

Pandirina, Sara moula hawana Burahima tobalilona; Burahima iti nauli ampuna. Hai ikamu halalu, peisakau rauli anana Sara ane maroa babehiami hai barakau langa i apa pea.

1 Peturu 4:17

Hawemi tempona Pue Ala ina mobotusi kara-karanda ope-ope tauna. Hai ikita au Napoana, batena ioru Nabotusi kara-karanta. Mewali ane kara-karanta au ioru Nabotusi, manoto ina melumbu pehukuNa i tauna au barahe mepoinalai i Ngkora Marasa au hangko Iria.

2 Peturu 3:7

Langi hai tampo au ara hawe ide-ide nakadipura Pue Ala hai NgkoraNa duuna i alo pebotusi. I tempo iti, langi hai tampo ide ina Nagero Pue Ala hai api, hai ope-ope tauna au bara mengkoru Iria ina Nahuku.

Yudasi 1:7

Nikatuinao wori wanua Sodomo hai Gomora hangkoia hai boea ntanina au hungku. Ampu boea iti mobabehihe nodo au rababehi malaeka au kupololita inona. Mebualosihe, mobabehihe sala hai ngkaia babehianda au merikai, alana boeanda rahuwe. Pehukuna Pue Ala i to Sodomo hai to Gomora iti mewali pandiri i ope-ope tauna, hai peisa rapandiri nodo api au bara ara kahopoana au mohuku ope-ope tauna au kadake babehianda.

Pampetudungia 20:10

Roo nodo, Datu Tokadake iti, au mopakanawo tauna, ratende i lalu tahi api au lolaa hai au mawaa. I tahi api itimi hangkoia ratendehe binata au kadake hai nabi au mepawuli. Inditi, rapopeahi-ahi liliuhe hawe i hae-haena.

Pampetudungia 21:8

Agaiana tauna au langahe i hangka ranganda pane barahe meula Iriko, tauna au barahe mepoinalai Iriko, tauna au kadake babehianda, topepapate, topobabehi au merikai, topedoti, topenomba i anitu, hai topodongko, batenda rahuku i lalu tahi api au lolaa hai mawaa. Itimi au rahanga kapate karombelana.”

Pampetudungia 6:10

Mongangahe masisimbuku, rauli, “O Pue au makuasa, Pue au malelaha hai manoto! Hangkia mani kamahaena, hangko Nuhukurihe tauna au kadake au maida i dunia? Kiperapi bona Nuhurungi babehianda au mopapatengkai.”