2 Peturu 3:14 - Sura Malelaha

¹⁴ Mewali halalu au kupokaahi, tangami mampepegia alo iti, nipari-pari meula i Pue bona maroa pohintuwumi hai Ia, hai bona bara ara kamasalami ba kamaeami ane hawekau i lindona Pue Ala.

2 Peturu 3:14 ပူးပေါင်းရင်းမြစ်များ

Matiu 24:26

Mewali, ane ara au mouliangaakau: ‘Peita, Datu Topehompo ara indolou i pada wungi,’ ineekau lao! Ane rauli: ‘Peita, ara inditi i lalu sou,’ ineehe nipoinalai!

Matiu 25:7

Pearondami anantowawine au hampulo iti, hadua-haduahe mopasilolonga hulonda.

Lukasi 12:43

Morasi mpuu katuwona hawi iti, ane i pesulena ampuna, nahumba tangana mampopolumao bagona.

Lukasi 2:29

“O Pue, kehapiri matemona ide-ide, barapona menoso. Matana lalungku, lawi tepabukeimi dandiMu.

1 Korintu 1:8

Ia ina mopakaroho pepoinalaimi duuna i kahopoa dunia bona ane Nakahaweikau Amputa Yesu Kerisitu i kahaweNa hule, barapi ara kamasalami.

1 Korintu 15:58

Mewali halalu au kupokaahi, hangangaa nipakaroho pepoinalaimi. Inee bata-bata lalumi. Hangangaa nipopolumao liliu bagona Pue, lawi niisa apa au nipobago i Pue bara ina mbero-mbero.

Pilipi 1:10

Halalu, kuperapi nodo bona niisa rara mopilei apa au maroa ntepuu hai bona malelaha tuwomi duuna barapi ara kamasalami i alo kahawena hule Kerisitu.

Pilipi 2:15

bona tongawa i ope-ope tauna ikamu ananakau Pue Ala, bara ara kamasalami, malelaha tuwomi hai bara ara tunggaiami au kadake. Nodo betue au mewangka mosimbaki kamakaindi, nodo worikau ikamu au maida i olonda tauna au motengko babehianda hai au kadake lalunda,

Pilipi 3:20

Agaiana halalu, ikita ampu surugake. Hai hangko indora mai, tapegia kahawena Amputa Yesu Kerisitu. Ia au mohoremake hangko i huku dosanta,

1 Tesalonika 3:13

Pue, kiperapi bona Nupakaroho lalunda bona malelahahe hai bara ara kamasalanda i lindoMu ane hawe hule Pue Yesu hai ope-ope taunaNa au malelaha. Amin.”

1 Tesalonika 5:23

Mekakaengkai i Pue Ala au moweike roa ngkatuwo, kiuli, “O, Pue Ala! Kiperapi bona babehianda to Tesalonika Nupamanoto liliu, duuna malelaha ntepuu katuwonda. Nuporangaihe i lalu katuwonda, maroa lalunda ba pekirinda ba watanda bona dati ara kamasalanda i kahaweNa hule Amputa Yesu Kerisitu.” Nodomi pekakaengki.

1 Timotiu 6:14

hangangaa nupeulai ope-ope hawa ide i karoa-roakana dati ara kamasalamu duuna hawe hule Amputa Yesu Kerisitu

Ibarani 9:28

Nodo wori, Kerisitu hambela pea mohuhu wataNa i Pue Ala mohalea dosa tauna bosa. Hai hambela tempo, Ia ina mai i karombelana i dunia ide. Kamaina iti, barapi mai mohalea dosanta. Agaiana mairi moanti katehorema i tauna au mampepegia kahaweNa.

Yakobu 1:27

Ane mampeinaoke mewali tauna au maroa posaraninta hai au bara ara kamakuranta ba kamasalanta i peitana Pue Ala Umanta, idemi au hangangaa tababehi: motulungike anangkoi au ilu hai tobemba au meahi-ahi tuwonda, hai ineeke moula babehianda tauna au barahe moisa Pue Ala.

1 Peturu 1:7

Narumpakau kapari bona ane mantahakau ina tongawa mpuu kamarohona pepoinalaimi. Ane bulawa rawoli i api, tongawa bulawa ba bara. Agaiana melumbu kamasulina pepoinalaimi pane bulawa, lawi bulawa bara mantaha hawe i hae-haena. Bulawa hangangaa raparesa i lalu api. Nodo wori pepoinalaimi hangangaa rapetandaka i tempomi narumpa kapari. Mewali ane maroho mpuu pepoinalaimi, ikamu ina ratoia, rabila hai rapomahile i kahaweNa hule Yesu Kerisitu i dunia.

2 Peturu 3:1

Halalungku au kupokaahi! Idemi surangku au karombelana irikamu. I lalu surangku au nguru-nguruna hai au karombelana ide, kuhuweki lalumi hai kupopaingaakau paturo au tou bona malelaha pekirimi.

2 Peturu 3:16

I lalu ope-ope surana, teuki paturo nodo au kupahaweakau inona, agaiana ara paturona Paulu au mapari ralempo. Paturo iti ragoli-goli pea tauna au bara manoto pekirinda hai au bara maroho pepoinalainda. Tauna iti mobabaliki worihe paturo ntanina hangko i Sura Malelaha. Hangko i babehianda iti molambihe pehuku hangko Pue Ala.

1 Yohane 3:3

Hai ope-ope tauna au moharungahe iti hangko i Kerisitu, ina mopakaraohe hinangka dosa hangko i watanda bona malelaha tuwonda nodo kamalelahana Kerisitu.