2 Peturu 2:9 - Sura Malelaha

⁹ Mewali, hangko i ope-ope pandiri au kupahawe inona, tongawami kuasana Pue Ala motulungi tauna au menomba Iria datihe napakanawo pekelo. Hai tongawa wori kuasaNa mohuku ope-ope tauna duuna hawe alo pebotusi.

2 Peturu 2:9 ပူးပေါင်းရင်းမြစ်များ

Matiu 10:15

Tou mpuu au Kuuliangaakau, i alo pebotusi i kahopoa dunia, meliu pehukuna Pue Ala i tauna iti pane pehukuNa i ampu boea Sodomo hai Gomora hangkoia.”

Matiu 6:13

Inee wongkamia Nupogiangaa nakelo tokadake agaiana Nukabaha wongkamia hangko i kuasa au kadake. [Lawi Oiomi ampu Kadatua hai Kuasa hai Peawa, hawe i hae-haena. Amin.]

Roma 2:5

Anti kamatuana lalumi, hai anti kadami mau mobaliki babehiami au kadake, ina mantimi hukumi i alo pebotusi. I alo pebotusi iti, Pue Ala ina mobotusi ope-ope i kanoto-notoana hai mohuku ope-ope tauna au kadake babehiana.

1 Korintu 10:13

Hinangka pekelo au morumpake, pekelo biasa pea au ralambi wori tauna ntanina. Agaiana Pue Ala mokatuinao liliu dandiNa irikita; barake ina Napogiangaa rakelo meliu hangko i rohona lalunta. Ane narumpake pekelo, Pue Ala ina moweike rara monangi pekelo iti bona peisake mantaha i lalu pepoinalainta.

2 Timotiu 3:12

Taisami: ope-ope tauna au meula i Kerisitu Yesu hai au mengkoru i Pue Ala batena ina rapopeahi-ahi.

Titu 2:14

Yesu mokirami wataNa rapapate mohuru dosanta bona Nakabahake hangko i ope-ope babehianta au kadake, hai Napopewalike taunaNa au malelaha hai au madota mobabehi au maroa.

2 Peturu 2:4

Mogalorihe malaeka au madosa hangkoia, barahe nakabaha Pue Ala hangko i pehuku. Malaeka iti batenda Natende i lalu naraka hai Nataha i lalu kalolu tampo au makaindi duuna hawe alo pebotusi.

2 Peturu 3:7

Langi hai tampo au ara hawe ide-ide nakadipura Pue Ala hai NgkoraNa duuna i alo pebotusi. I tempo iti, langi hai tampo ide ina Nagero Pue Ala hai api, hai ope-ope tauna au bara mengkoru Iria ina Nahuku.

Yudasi 1:6

Nikatuinao wori malaeka au maida i suruga hangkoia. Hantangahe moliungi tampana kuasanda, hai mopalehihe paidaanda. Malaeka iti nahiluhe Pue Ala hai rante au bara mpuu peisa mabotu, hai Natahahe i lalu paidaa au makaindi, hai ina Nataha liliuhe duuna hawe tempona hinangka kara-karanda Napohuda-hudaa i alo pebotusi au mewulungai.

Pampetudungia 3:10

Anti kanipeulaina hawaNgku au manguli hangangaa mantahakau, ido hai ina Kupeparaikau hangko i kapari au ina morumpa humalele dunia. Ope-ope tauna au maida i dunia, ina rapetandakahe i tempo kapari iti.