2 Peturu 2:21 - Sura Malelaha

²¹ Aginami barahe moisa rara au tou, pane moisahe rara au tou agaiana moaehe hawana Pue Ala au rapahaweamohe.

2 Peturu 2:21 ပူးပေါင်းရင်းမြစ်များ

Matiu 21:32

Lawi ikamu, bara nipoinalai lolitana Yohane Toperiu au mopaturoakau rara au manoto. Agaiana toperuru asele hai towawine au bara maroa babehianda, ihirari au mepoinalai Iria. Hai nauri nodo, bara nipenosoi babehiami hai barakau mepoinalai Iria.”

Lukasi 12:47

Hadua hawi au moisa peundeana ampuna, agaiana bara mainga-inga hai bara mobabehi peundeana ampuna, hawi iti batena rumihi rapapahai.

Yohane 15:22

Ane kebaraNa mai mopaturohe, kebara worihe masala. Agaiana, lawi mai mpuumoNa mopaturohe, ido hai barapi ara rara mosapuaka kamasalanda.

Yohane 9:41

Nauli Yesu, “Ane kebilokau, kebarakau madosa. Agaiana, lawi niuli meita mpuukau, batena madosakau.”

Roma 7:12

Mewali, Aturana Musa iti malelaha, hai parentana Pue batena malelaha, manoto hai maroa.

Galatia 6:2

Hangangaa mombembetulungikau hadua hai hadua bona hai babehiami iti, nipeulaimi hawana Kerisitu.

1 Tesalonika 4:2

Lawi niisami paturo au kipahaweakau hai kuasana Pue Yesu.

1 Timotiu 6:14

hangangaa nupeulai ope-ope hawa ide i karoa-roakana dati ara kamasalamu duuna hawe hule Amputa Yesu Kerisitu

Ibarani 10:26

Lawi ane mohadimoke hai moisamoke Ngkora Marasa au hangko i Pue, hai roo indo taoaka mobabehi liliu dosa, barapi ara popenomba ntanina au peisa mohuru dosanta.

Yakobu 4:17

Mewali, hema au moisa apa au maroa au hangangaa nababehi agaiana bara nababehi, tauna iti madosa.

2 Peturu 3:2

Tunggaiaku bona nikatuinao apa au rapahawemi nabi au malelaha hangkoia, hai bona nikatuinao wori hawana Amputa Pue Yesu au mohoremamoke hangko i huku dosanta. HawaNa iti nihadi hangko irikami suroNa.

Yudasi 1:3

Halalu au kupokaahi! Nguru-nguruna au kekuukiakau i sura ide iami kana i katehorema au tahumba sambela hangko i Pue Ala. Agaiana ide-ide, tediimi lalungku mobaliki tunggaiaku au nguru-nguruna. Ide-ide kuukiakau sura ide bona nipakaroho pepoinalaimi i paturo au tou hai bona niewa liliuhe tauna au moanti paturo au sala. Lawi Pue Ala mopahawe paturo au tou irikita ope-ope au mewali kiraNa bona iti au tapoinalai, hai paturo iti bara peisa rabaliki.