2 Peturu 2:12 - Sura Malelaha

¹² Agaiana guru au mepakanawo iti, bara manoto pekirinda. Mosasalaihe apa au bara raisa. Babehianda nodo binata au bara ara pekirinda. Ihira nodo binata maila au rapoanaka bona rapakala hai rapapatehe. Ihira ina nahukuhe Pue Ala anti babehianda au kadake.

2 Peturu 2:12 ပူးပေါင်းရင်းမြစ်များ

Markus 7:22

mebualosi, mampokaelu anu-anuna rangana, hai au mobabehi mampopengaa au kadake. Ara worihe au mepakanawo, nakuasai peundeana laluna au kadake, mahina, mepakadake, mampemahile, hai bara mau modoko paturo.

Yohane 8:21

Nauli mbuli Yesu i tadulakonda to Yahudi, “Ina paduNa, hai ina nihaoki liliuNa, hai matekau i lalu kamadosami lawi nisapuakamoNa. Mewali i kalaoaNgku barakau peisa hawe.”

Galatia 6:8

Hema-hema pea au mobabehi liliu peundeana laluna au kadake, ina molambi wori wua au kadake iami ragaaki hangko i Pue Ala hawe i hae-haena. Agaiana hema pea au mampeulai liliu peundeana Inao Malelaha, ina molambi katuwo maroa hihimbela hai Pue Ala hawe i hae-haena lawi katuwo au maroa iti hangko i Inao Malelaha.

Kolose 2:22

Atura au nodo bara moanti katuwo maroa irikita, lawi atura iti kana pea i paande hai anu-anu au peisa ope; hampalai pea rapake. Atura iti mesuwu hangko i hawa hai paturo manusia.

2 Peturu 1:4

Hangko i peawana tuwoNa hai kamaroana laluNa, Naweimoke dandiNa au maroa ntepuu. TunggaiaNa moweike dandiNa iti bona moulakau poantina Pue Ala hai bona datikau moula peundeana lalumi au kadake au peisa mopakarugikau, nodo au mopakarugihe tauna au bara moisa Pue Ala.

2 Peturu 2:19

Rauli guru iti, “Ane nipeulai paturongki, ina tekabahakau hangko i atura-atura, hai peisa mobabehi apa pea peundeami.” Mole ihirari au tuwo nodo hawi, lawi nakuasaihe peundeana lalunda au kadake, hai hema au nakuasai peundeana laluna au kadake, lempona napohawi peundeana laluna iti.

Yudasi 1:10

Agaiana guru au mepakanawo iti, mopapakoihe au makuasa au bara raisa. Au raisa pea, babehia au nodo babehia binata au bara ara pekirinda. Hai anti babehianda iti, ido hai ina molambihe pehuku.