2 Korintu 8:3 - Sura Malelaha

³ Kuita noumba kamaroana lalunda mokira doi petulungi. Mokirahe doi iti i sukana pesauruanda, hai melumbu wori hangko i pesauruanda. Barahe ara au mopari-pari,

2 Korintu 8:3 ပူးပေါင်းရင်းမြစ်များ

Markus 14:8

Towawine iti mobabehimi apa au peisa nababehi. NabumbuhiaNa lana mawongi bona mopasilolonga amimi wataNgku i karatawuNgku.

Suro 11:29

Karahadina to Sarani i Antiokia bambari iti, hintuwumohe motulungi halalu hampepepoinalainda i tampo Yudea. Ido hai mokiramohe doinda moula pesauruanda hadua-hadua.

Roma 10:2

Kuisa kamarohona poulanda ada penomba i Pue Ala lawi kusabikimi. Agaiana barahe moisa rara au manoto au napasilolonga Pue Ala.

1 Korintu 16:2

Inee nipegia kahawengku, agaiana minggu-mingguna i alo kaisa, nipatanimi doi iti i soumi moula polambiami hadua-hadua, hai niwoli doi iti maroa-roa duungku hawe.

1 Korintu 9:17

Ane rapana moantina Ngkora Marasa anti peundeaku haduduangku, hangangaa raweina sarongku. Agaiana bara nodo, lawi natudu peana Pue Ala mampopolumao bago ide. Kuunde ba bara, hangangaa mopahawena Ngkora Marasa, lawi itimi bago au naweina Pue Ala.

Galatia 4:15

I tempo iti, matana mpuu lalumi. Agaiana ide-ide, iumbami kamatanami iti? Hangkoia, kuisa mpuu, halalu, ane ara ba apa pea au kuparaluu, barana nipokabohia. Mogalori matami haduduami, ane kepeisa nidungkiki hai niweina, bara ina nipokabohi.

Pilipi 2:13

Lawi Pue Ala au mampopokale lalumi pane niunde moula peundeaNa, hai Ia au moweikau karoho moula peundeaNa.

Kolose 4:13

Kusabiki kamadotana i lalu pobagona irikamu au ara i Kolose hawe-hawe wori i halalunta au i Laodikia hai Hierapolis.

1 Tesalonika 2:8

Anti kakipokaahimi, matana lalungki mopahaweakau Ngkora Marasa hangko i Pue Ala. Hai bara pea ido, mogalori tuwongki kihuhu bona peisakau kitulungi.

Pilemo 1:14

Agaiana bara turu inaongku motaha inde ane bara mani himbela pekirinta. Peundeaku bona apa au nubabehi, nubabehi mpuu hangko i lalumu. Barako kupari-paria moula peundeaku.

1 Peturu 4:11

Hema au motuntu, hangangaa mopahawe apa au nadokomi hangko i Pue Ala. Hema au motulungi rangana, hangangaa metulungi hangko i karoho au nalambi hangko i Pue Ala. Hangangaa nibabehi nodo bona i hinangkana au mewali, Pue Ala rapomahile i lalu hangana Yesu Kerisitu, lawi Pue Ala au makuasa hai hintoto rapomahile hawe i hae-haena! Amin.

1 Peturu 5:2

Kuperapi bona nikadipura maroa halalumi hampepepoinalai i Pue Ala au ara i olomi. Lawi ihira iti nodo dimba au napoinalaiakau Pue Ala niporewu. Niporewuhe hangko i kamaluluna lalumi moula peundeana Pue Ala; inee nipobago iti nodokau au rapari-paria. Nikadipurahe hangko i kabulana lalumi. Inee peakau mohahaoki rasi.