2 Korintu 8:21 - Sura Malelaha

²¹ Ido hai kitudo amimi hema au meula i polumaongki ide bona tongawa kamanotona babehiangki, bara pea i peitana Pue, agaiana i peitanda wori tauna.

2 Korintu 8:21 ပူးပေါင်းရင်းမြစ်များ

Matiu 23:5

Mampempemaroahe bona ratoiahe ranganda. Ane moula adanta, ikita hangangaa mopatakake kapipi pambolia bahangkia wati hangko Sura Malelaha. Agaiana ane toParisi, kapipi iti rapamahile-hile, nodo wori rombo-rombo i badunda rapamandoe-ndoe bona rauli rumihi pampeulainda ada agama.

Matiu 5:16

Nodo wori pewangka au ara i lalumi, inee niwuni. Nipakaroa babehiami bona ope-ope tauna ina moita babehiami iti, pane motoiahe Umami au ara i suruga.”

Matiu 6:1

“Nipamaroa-roa ineekau mobabehi rara mpoagama i lindonda tauna bosa bona raita peakau hangka rangami. Lawi ane nodo babehiami, barakau ina nawati Pue Ala, Umami au ara i suruga.

Matiu 6:4

dati raisa tauna bosa. Agaiana Umami au i suruga ina moisa babehiami au tewuniangi iti, hai ina Nahurungiakau.”

Roma 12:17

Ane arahe au mobabehi dake irikamu, ineehe nihurungi. Nibabehi apa au maroa i lindonda tauna.

Roma 14:18

Ane nodo peulanta i Kerisitu, ikita ina napokatana Pue Ala hai rabilake ranganta.

2 Korintu 2:17

Agaiana ikami, barangkai nodo tauna au mohaoki peahe doi hangko i popahawenda Ngkorana Pue. Mopahawengkai Ngkorana Pue hangko i kabulana lalungki anti pohintuwuki hai Kerisitu moula tunggaiana Pue Ala au motudungkai mampopolumao bagoNa. Iami au mampetirongkai.

2 Korintu 8:20

Tunggaiaki motudu halalunta ide lao hihimbela hai Titu bona dati ara au moraingkai i pogulu doi petulungimi au ngkaia.

2 Korintu 8:22

Ara mani hadua tauna au kitudu lao irikamu hihimbela hai ihira. Kiisa kamadotana medurei i lalu bagona Pue, lawi kisabikimi babehiana i lalu paka-pakana bago. Hai ide-ide, napeinao mpuu motulungikau, lawi naisa tunggaiami motulungi halalunta hampepepoinalai.

Pilipi 4:8

Kahopoana halalu, kuperapi bona nipailalu liliu hinangkana au maroa hai au hintoto ratoia. Apa au tou, apa au hintoto rabila, apa au manoto, apa au malelaha, apa au merae, hai apa au teadai, itimi au hangangaa nipailalu.

1 Tesalonika 5:22

Nikaraohi ope-ope babehia kadake.

1 Timotiu 3:7

Kaliliuana, hadua tauna au mewali penatua hangangaa au bara wori ara kamasalana i peitanda tauna au barahe to Sarani dati nakelo Datu Tokadake alana manawo hai kahopoana ina rakakabosai tauna.

1 Timotiu 5:14

Ido hai kuuli, tobemba au mangura manihe, agina motambi hulehe, bona moanahe, hai mokadipura maroahe tauna au i lalu sounda dati ara raranda iwalinta mokakabosaike.

1 Peturu 2:12

Arahe tauna au bara moisa Pue Ala au mopapakoikau hai mopakadakekau. Ido hai hangangaa nipamaroa-roa babehiami bona kamaroana babehiami ina tongawa irihira. Kahopoana, ina rapangaku kamaroana babehiami, alana motoiahe Pue Ala i alo kahaweNa.