2 Korintu 8:20 - Sura Malelaha

²⁰ Tunggaiaki motudu halalunta ide lao hihimbela hai Titu bona dati ara au moraingkai i pogulu doi petulungimi au ngkaia.

2 Korintu 8:20 ပူးပေါင်းရင်းမြစ်များ

Matiu 10:16

“Maroa-roakau, lawi Kutudukau lao i tauna au kadake. Ikamu ina nodo dimba i olonda serigala. Hangangaa mapande-pandekau nodo ile, agaiana hangangaa nipamaalusu wori poantimi nodo tadasi manggebodo.

Roma 14:16

Mewali, ane ara au tababehi, maroa moula pelambiata agaiana au mopakarugi pepoinalaina ranganta, agina inee tababehi bona babehianta iti bara rasalai ranganta.

1 Korintu 16:3

Ane hawena deade, nipileihe bahangkia rangami au nipoinalai bona kuweihe sura hai kutuduhe lao i Yerusale moanti doi petulungimi.

2 Korintu 11:12

Apa au kubabehi ide, bara ina kukabaha. Barana ina merapi sarongku irikamu. Arahe tauna au mampemahile hai au mamperapi saronda hai au motoia liliu watanda haduduanda. Agaiana iko, barana mau merapi irikamu bona dati rauli pobagongki himbela hai pobagonda.

2 Korintu 8:19

Ia rapilei worimi ope-ope jumaa inde bona mamporangaingkai i polumaongki ane laongkai moanti doi petulungimi i halalunta hampepepoinalai au ara i lalu kamakuranda. Lawi tunggaiana polumaongki ide bona hangana Pue rapomahile, hai bona tongawa kamahilena ahinta i halalunta hampepepoinalai.

2 Korintu 8:21

Ido hai kitudo amimi hema au meula i polumaongki ide bona tongawa kamanotona babehiangki, bara pea i peitana Pue, agaiana i peitanda wori tauna.

Epesu 5:15

Ido hai hangangaa nipamaroa-roa babehiami: ineekau nodo tontuli; agaiana hangangaa manoto pekirimi.

1 Tesalonika 5:22

Nikaraohi ope-ope babehia kadake.