2 Korintu 8:18 - Sura Malelaha

¹⁸ Kitudu wori hadua halalunta lao irikamu hihimbela hai Titu. Ia ratoia i ope-ope jumaa anti pobagona mobambari Ngkora Marasa.

2 Korintu 8:18 ပူးပေါင်းရင်းမြစ်များ

Roma 16:4

Hangkoia, ina raanti matemi motulungina. Kuuli ngkaia kamaroana irihira, hai bara iko pea, agaiana ope-ope to Sarani au barahe to Yahudi manguli wori ngkaia kamaroana irihira.

1 Korintu 16:3

Ane hawena deade, nipileihe bahangkia rangami au nipoinalai bona kuweihe sura hai kutuduhe lao i Yerusale moanti doi petulungimi.

1 Korintu 4:17

Mewali, kutudumi Timotiu lao mampohidupaakau. Timotiu iti mampopolumao liliu bagona Pue, hai kuimbami anangku au kupokaahi. Ane hawe irikamu, ia ina mampopaingaakau noumba peulangku i Kerisitu hintoto hai paturo au kupahawe i ope-ope to Sarani i boea-boeana.

1 Korintu 7:17

Hangangaa tapokatana katuwonta au Napakanotoake Pue Ala i kaNakakionta mewali anaNa. Itimi parentaku au kupaturoahe ope-ope jumaa iumba pea kalaoangku.

2 Korintu 12:18

Hangkoia kuperapi bona Titu lao mosondakikau, hai ara wori hadua halalunta au kutudu mamporangai. Ba naakalangikau Titu i tempo iti? Niisato halalu, Titu hai iko hampepekiri peangkai, himbela poantiki.

2 Korintu 2:12

Kaliliuana halalu, hangkoia i kapadungku hangko i wanua Epesu, laona mobambari Ngkora Marasa kana i Kerisitu i wanua Troas. Kahawengku i Troas, Pue mobungkahiana rara bona mobagona inditi.

2 Korintu 8:19

Ia rapilei worimi ope-ope jumaa inde bona mamporangaingkai i polumaongki ane laongkai moanti doi petulungimi i halalunta hampepepoinalai au ara i lalu kamakuranda. Lawi tunggaiana polumaongki ide bona hangana Pue rapomahile, hai bona tongawa kamahilena ahinta i halalunta hampepepoinalai.