2 Korintu 7:15 - Sura Malelaha

¹⁵ Hai ia wori, tetambai ahina irikamu, lawi nakatuinao noumba peulami i hawana. Nidoko maroami hai mengkoru mpuukau iria.

2 Korintu 7:15 ပူးပေါင်းရင်းမြစ်များ

Yohane 16:21

Kamatanami iti, ina nodo kamatana au nalambi hadua towawine au weta moana. Nguru-nguruna mantodiha, lawi nodomi tempona moana. Agaiana ane mesupami anana, towawine iti barapi mokatuinao pantodihana, anti kamatanana lawi hadua anangkoi mesupami i dunia.

Suro 16:29

Roo indo, kapala tarunggu iti merapi hulo, hai melangkami mesua i lalu tarunggu. Moradami hai tepalingkudu i lindona Paulu hai Silas.

1 Korintu 2:3

Hawena irikamu, maledena, hai moradana anti kalangangku.

2 Korintu 2:9

I lalu surangku hangkoia, kutudukau nihuku. Tunggaiaku mouki sura iti bona kupetandakakau ba nipeulai mpuu ope-ope hawangku. Hai nipeulai mpuumi hawangku iti,

2 Korintu 6:12

Kitudungiamokau lalungki agaiana ikamuri au bara kiita lalumi

Epesu 6:5

Halalungku au mewali hawi, nipeulai hawana ampumi i lalu dunia ide. Nibila hai nipengkoruihe hangko i kabulana lalumi. Nibabehi iti nodo pengkorumi i Kerisitu.

Pilipi 1:8

Pue Ala moisa ntepuu noumba kakukabilaimi, hai pekabilaingku ide nodo kamaahina Kerisitu Yesu irikamu.

Pilipi 2:12

Mewali, halalu au kupokaahi, noumba kanipeulainami hawangku tangangku mani ara hihimbela hai ikamu, hangangaa melumbu mani ide-ide i tempoku karao hangko irikamu. Kuperapi bona nipamaroa-roa babehiami hintoto hai babehia tauna au nahorema Pue Ala hangko i huku dosanda. Mengkorukau i Pue Ala, hai hangangaa langakau mobabehi apa au kadake.

Kolose 3:12

Pue Ala mampokaahikau hai mopileimokau mewali kiraNa au malelaha. Idomi hai: hangangaa mombetulungikau, hangangaa maroa lalumi hadua hai hadua, mengkaiwoikau, nipamaalusu poantimi, hai sabarakau.

2 Tesalonika 3:14

Rapana, ara tauna au bara raunde mampeulai apa au kiuki i lalu sura ide, nipekatandaihe. Ineehe nipohintuwua bona maeahe.

1 Yohane 3:17

Rapana ara hadua tauna au maroa tuwona, hai moita halaluna au meahi-ahi, agaiana bara mau motulungi halaluna iti, noumba? Ane nodo, ahi au hangko i Pue Ala bara ara i laluna tauna iti.