2 Korintu 7:1 - Sura Malelaha

¹ Halalu-halalu au kupokaahi, anti kanaweinta Pue Ala dandiNa iti, ido hai hangangaa takabaha hinangkana au moantike i babehia au kadake, maroa au i watanta ba i lalunta. Hangangaa mampeulai mpuuke peundeana Pue Ala, hai hangangaa langake mobabehi apa pea au bara moula peundeaNa.

2 Korintu 7:1 ပူးပေါင်းရင်းမြစ်များ

Matiu 12:33

Nauli mbuli Yesu i toParisi, “Ane kau au maroa, maroa wori wuana. Ane kau au bara maroa, bara wori maroa wuana. Kamaroana kau ba kadana, taisa i wuana.

Matiu 5:48

Kamaahina Umami i suruga, bara ara kamakurana. Mewali, iti wori au hangangaa nibabehi.”

Matiu 5:8

Morasihe tauna au malelaha lalunda, lawi ihirami au ina moita Pue Ala.

Suro 9:31

Mewali i tempo iti, tauna au mepoinalai i Pue Yesu barapohe rapopeahi-ahi i tampo Yudea, Galilea hai Samaria. Tetambaimi topepoinalai i Yesu, hai kamaroho-rohoami pepoinalainda, lawi mengkoru mpuuhe i Pue Ala, hai Inao Malelaha mopakaroho lalunda.

Roma 5:20

Tunggaiana Aturana Pue Ala au napahawe Musa, iami bona tongawa mpuu kamasalanda ope-ope tauna, lawi ngkaiami peliunginda i Atura iti. Agaiana nauri rumihi kamahilena dosa manusia, melumbu mani kamahilena kabulana laluna Pue Ala i manusia!

1 Korintu 6:20

Lawi ikita ide naholomoke Pue Ala hai pirimoke Nabaiari. Ido hai watanta ide hangangaa tapake mobila Pue Ala.

2 Korintu 1:20

Lawi Yesumi au mopabukei ope-ope dandiNa Pue Ala irikita. Meangka hangko indo mohowarangkai “Amin” i Pue Ala, i lalu pohintuwuta hai Yesu Kerisitu bona Pue Ala rapomahile.

Epesu 2:3

Hangkoia, ikita ope-ope nodo wori babehianta. Moula peake peundeana lalunta hai pekirinta au kadake. Nodo ihira, i tempo iti ikita hintoto worike nakarumpui Pue Ala anti babehianta au kadake.

1 Tesalonika 3:13

Pue, kiperapi bona Nupakaroho lalunda bona malelahahe hai bara ara kamasalanda i lindoMu ane hawe hule Pue Yesu hai ope-ope taunaNa au malelaha. Amin.”

1 Tesalonika 4:7

Lawi tunggaiana Pue Ala mokakioke, barake Nakakio bona mobabehike sala agaiana Nakakioke bona malelaha tuwonta.

1 Tesalonika 5:23

Mekakaengkai i Pue Ala au moweike roa ngkatuwo, kiuli, “O, Pue Ala! Kiperapi bona babehianda to Tesalonika Nupamanoto liliu, duuna malelaha ntepuu katuwonda. Nuporangaihe i lalu katuwonda, maroa lalunda ba pekirinda ba watanda bona dati ara kamasalanda i kahaweNa hule Amputa Yesu Kerisitu.” Nodomi pekakaengki.

Ibarani 12:23

Hawemokau i poguluanda ananahe Pue Ala au towutu au teukimi hanganda i lalu suruga. Hawemokau i Pue Ala au mobotusi kara-karanda ope-ope tauna. Molindomokau tanoananda tauna au manoto babehianda hangkoia hai au rapamalelahamohe i peitana Pue Ala.

Ibarani 12:28

Mewali, halalu, anti katalambina kiranta i lalu poparentana Pue Ala au bara peisa moenggo, ido hai hangangaa tauli ngkaia kamaroana i Pue Ala, hai hangangaa menomba mpuuke Iria moula peundeaNa. Hangangaa tabila hai tapengkorui mpuu,

Ibarani 4:1

Mewali, dandina Pue Ala irikita iti bona peisake molambi pengkarooangaa hihimbela hai Ia, ara mani. Ido hai hangangaa mainga-inga mpuuke bona dati ara hadua hangko i olonta au bara molambi apa au Nadandi iti.

Ibarani 6:9

Agaiana ikamu halalu au kipokaahi, nauri nodo lolitangki, kiisa barakau nodo tampo au nagane Pue Ala. Kiisa kaarana wuami au meliu kamaroana, itimi pepoinalaimi hai babehiami au hintoto i tauna au molambi katehorema hangko i Pue Ala.

Yakobu 4:8

Hangangaa hungkukau i Pue Ala bona Ia wori hungku irikamu. Ane ara dosami, hangangaa nipangaku hai nikabaha. Ane morompenga lalumi, hangangaa nipamalelaha.

1 Peturu 1:15

Hangangaa malelahakau i hinangka babehiami, nodo Pue Ala au malelaha tuwoNa au mopileimokau.

1 Peturu 1:17

Halalu, ane niuli Pue Ala iti, Umami, hangangaa mengkorukau i Pue Ala tempomi mani maida i dunia ide, nodokau topolilo. Lawi Pue Ala au nipouma iti, iami Topobotusi kara-karanda ope-ope tauna moula babehianda, hai Ia bara mampopontani tauna.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

1 Peturu 2:11

Halalu au kupokaahi! Ikita i lalu dunia ide, nodoke torare ba topolilo, lawi maidake i olonda tauna au barahe mepoinalai i Pue Ala. Ido hai kuweikau lolita: ineekau moula peundeana lalumi au kadake, lawi iti moewa tunggaiami mengkoru i Pue Ala.

1 Peturu 5:10

Hai ane liumi kapari au hampalai iti, Pue Ala ina mopahandai apa au makura irikamu. Lempona, Ia ina mopakaroho pepoinalaimi, mopamanoto tuwomi hai mopatetida lalumi. Lawi Pue Ala iami pongkana ope-ope ahi. Ia mokakiokau mewali anaNa bona anti pohintuwumi hai Kerisitu, ina molambikau kirami i lalu kamahilena tuwoNa au bara mokahopoa.

1 Yohane 1:7

Agaiana ane tuwoke i lalu kamabaa, nodo Pue Ala ara i lalu kamabaa, batenta mohintuwu hadua hai hadua, hai wahena Pue Yesu, Anana Pue Ala, ina mobahoike hangko i dosanta.

1 Yohane 1:9

Ane mopangakuke dosanta, Pue Ala ina mopabukei dandiNa irikita, hai Nababehiake apa au manoto: Ia moampungi dosanta, hai mobahoi lalunta hangko i hinangka dake.

1 Yohane 3:3

Hai ope-ope tauna au moharungahe iti hangko i Kerisitu, ina mopakaraohe hinangka dosa hangko i watanda bona malelaha tuwonda nodo kamalelahana Kerisitu.