2 Korintu 6:8 - Sura Malelaha

⁸ Kehapiringkai rakakabosai ba ratoia, rasalai ba rabila, mampopolumao liliungkai bagona Pue Ala. Arahe au manguli modongkongkai, agaiana mampololitangkai apa au tou.

2 Korintu 6:8 ပူးပေါင်းရင်းမြစ်များ

Matiu 10:25

Apa au mewali i hadua guru, iti wori au ina mewali i topeguruna. Apa au mewali i hadua tuana, iti wori au ina mewali i hawina. Maroa-roakau, lawi Iko, Ampumi, hai ikamu, topeguruNgku. Mewali, ane rapana Iko rahanga Beelsebul, datunda ope-ope seta, pelumbunami ikamu au meula Iriko. Ina rakakabosai worikau.”

Matiu 22:16

Ido hai rapohawaamohe bahangkia topegurunda hai bahangkia taunana Datu Herode lao i Yesu. Kahawenda, rauliangaa, “Guru, kiisami kaOiona tauna au manoto. MepaturoKo i katou-touana moula peundeana Pue Ala. Bara Nupeulai pampekirinda hema pea, lawi baraKo mampopontani tauna.

Matiu 27:63

rauli, “Tua Gubernur, kikatuinao lolitana topodongko iti, lawi i tempona mani tuwo, Nauli, ‘Kaliuna talu alona, ina tuwo huleNa.’

Markus 12:14

Kahawenda i Yesu, rauliangaa, “Guru, kiisa Oio tauna manotoKo. MepaturoKo i katou-touana moula peundeana Pue Ala. Barako langa i hema pea, lawi baraKo mampopontani tauna. Ido hai mekunengkai Irio: moula atura agamanta, ba hintoto ane mobaiarike asele i Kaisar, ba bara?”

Yohane 7:12

Mombekakanenimohe tauna bosa inditi. Arahe au manguli, “Ia tauna maroa.” Hantanga wori manguli, “Bara! Ia mopakanawo pea tauna bosa!”

Suro 10:22

Rahanai, “Tua Kornelius, tadulako surodado Roma, motudungkai mai inde. Ia, tauna au manoto laluna hai mengkoru mpuu i Pue Ala, hai rabila wori ope-ope to Yahudi. Ia natudu hadua malaekana Pue lao mokakioko naanti i souna bona peisa mohadi apa au ina nuuliangaa.”

Suro 16:39

Laomohe merapi ampu i Paulu hai Silas, raporangaihe lao i raoa tarunggu, rauli, “Agina padumokau hangko i wanua ide.”

Suro 22:12

I Damsik, ara hadua tobalilo au rahanga Ananias. Tauna iti, manoto, hai maroho peulana i Aturana Musa. Ia rabila ope-ope to Yahudi au maida i Damsik.

Suro 24:5

Paulu ide iami topegero-gero i ope-ope boea. Iumba-umba pea, ia mohuweki lalunda to Yahudi bona moewahe topoparenta. Hai ia idemi hadua tadulakonda tauna au mampeulai paturona Yesu to Nasare.

Suro 28:22

Kipeinao mohadi kana paturo au nupoinalai iti. Lawi kihadi iumba-umba pea tauna mosapuaka paturo au nupoinalai iti.”

Suro 4:21

Hangko indo, rumihimi karumpunda tadulako iti, pane mampopalangahe Peturu hai Yohane. Kahopoana rakabahamohe. Bara ara rara mohukuhe lawi ope-ope tauna motoia Pue Ala anti tanda kuasa au rababehi iti.

Suro 5:13

Tauna au barahe mepoinalai i Yesu, barahe bai meguluki irihira. Agaiana nauri nodo, ope-ope topepoinalai rabila mpuuhe tauna bosa.

Suro 6:3

Mewali, halalu-halalu, agina nipilei hangko i olomi pitu tauna au maroa babehianda, au nakuasai Inao Malelaha hai au mapande. Irihira au kiwei bago mokadipura pokira-kira paande iti.

Roma 3:8

Ane nodori, peisa tauli, “Agina tababehi peami babehia au kadake bona mesupa au maroa.” Ara tauna au mopahala bataka lolitangku, rauli mololitana nodo. Tauna iti, hintoto mpuuhe nahuku Pue Ala.

2 Korintu 1:18

Bara nodo halalu! Nodo Pue Ala mopabukei ope-ope dandiNa irikita, nodo wori dandiki irikamu. Bara kiuli, “Io” irikamu ane tunggaiaki: “Bara.”

2 Korintu 11:21

Ba niuliri ina maeana lawi barangkai bai moula babehianda iti? Agaiana ane baihe motoia watanda haduduanda, hangangaa kupengkabaiki wori, mololita mbulina nodo tontuli motoia watangku.

2 Korintu 12:16

Niisa halalu barakau hambela kupakapari. Agaiana arahe tauna au mokakabosaina, rauli kuakalangikau. Rauli molambina rasi hangko irikamu anti podongkoku.

2 Korintu 4:2

Kikaraohi hinangka babehia au mepakaea; bara ara au kiwuwuniangi; barangkai mopakanawo tauna, barangkai mobaliki tunggaiana Ngkorana Pue Ala. Kipahawe pea apa au tou i kanoto-notoana bona ope-ope tauna mopangaku katouna bambari au kianti. Napetirongkai Pue Ala!

1 Tesalonika 2:3

Barakau kiwawaha mampeulai paturo au sala. Bara wori ara tunggaiana lalungki au kadake, hai barangkai mampeinao mopakanawo ba hema pea.

1 Timotiu 3:7

Kaliliuana, hadua tauna au mewali penatua hangangaa au bara wori ara kamasalana i peitanda tauna au barahe to Sarani dati nakelo Datu Tokadake alana manawo hai kahopoana ina rakakabosai tauna.

1 Timotiu 4:10

Ido hai hangangaa mobago mantimike, lawi mepoinalaike i Pue Ala au tuwo i hae-haena hai au mohorema ope-ope tauna, ihira au mepoinalai Iria.

Ibarani 13:13

Mewali halalu, nodo Yesu au raanti lao i raoa wanua bona rakakabosai tauna, ikita wori hangangaa mokabahake hinangka au hangko i dunia ide, hai meula peake i Yesu, kehapirike rakakabosai.

1 Peturu 4:14

Morasikau, halalu, ane rakakabosaikau anti peulami i Kerisitu, lawi Inao Malelaha au meawa au hangko i Pue Ala maida liliu i lalumi.

3 Yohane 1:12

Demetrius, ratoia ope-ope tauna. Ia hintoto mpuu ratoia, lawi babehiana moula paturo au tou. Kitoia wori, hai nuisa katouna lolitangki.

Pampetudungia 3:9

Arahe tauna au mouli kaihiranda to Yahudi, agaiana dongkonda pea. I lalunda, barahe to Yahudi; topegurunarihe Datu Tokadake. Tauna iti, ina Kuanti irikamu. Ina molingkuduhe i lindomi, hai rapangaku kaKupokaahimi.