2 Korintu 6:6 - Sura Malelaha

⁶ I paka-pakana, kipakanoto kaikamina topobagona Pue Ala, lawi malelaha babehiangki, mopahawengkai Ngkorana Pue Ala i kanoto-notoana, sabarangkai, maroa lalungki i ope-ope tauna, nakuasaingkai Inao Malelaha, hai mampokaahingkai hangka rangangki hangko i kabulana lalungki.

2 Korintu 6:6 ပူးပေါင်းရင်းမြစ်များ

Roma 12:9

Nipokaahi rangami hangko i kabulana lalumi, nikaraohi babehia au kadake, hai nibabehi au maroa.

Roma 15:19

hai anti tanda-tanda kuasa au kubabehi hai kuasana Inao Malelaha. Hangko i wanua Yerusale hawe i tampo Ilirikum, kupahawemi Ngkora Marasa i ope-ope tauna, kupaturoahe kahemana Kerisitu.

1 Korintu 12:8

I hadua tauna, Nawei Inao Malelaha kapande mepaturo. I tohaduana, Nawei kapande mopakanoto lempona Ngkorana Pue Ala.

1 Korintu 13:4

Apa lempona au rauli ahi? Tauna au mampokaahihe hangka ranganda sabarahe hai maroa lalunda, barahe mahina, barahe mampopetoia, barahe mampemahile,

1 Korintu 2:16

Lawi teukimi i lalu Sura Malelaha: “Hema pae au moisa pekirina Pue Ala? Hema pae au peisa mopaturo Ia?” Agaiana ikita ide naweike Pue Ala pekiri au himbela hai Kerisitu.

1 Korintu 2:4

Bambari au kupahaweakau, bara kupahawe hangko i kamapandeku sadudua. Bara kamapandeku mololita au mopakanotoakau katouna bambari iti. Agaiana kuasanari Inao Malelaha, ido hai pane niisa katouna bambari au kuanti.

2 Korintu 1:23

Halalu, barana modongko, Pue Ala sabingku. Ia au moisa lalungku. Barana lao i Korintu hangkoia lawi barana mau mokambaroakau hai lolita au makasara.

2 Korintu 11:11

Moapa hai mololitana nodo? Ba barakau kupokaahi, halalu? Pue Ala moisa kamaahina lalungku irikamu.

2 Korintu 11:4

Arahe guru agama i olomi au mopaturokau kana i Yesu, agaiana paturonda bara himbela hai apa au kipaturoakau. Ane paturonda bara himbela hai paturongki, moapari hai niunde mampehadingi lolitanda? Niunde pae modoko inao ntanina au mosisala hai Inao Malelaha au nidokomi? Niunde pae modoko bambari au mosisala hai Ngkora Marasa au nipoinalaimi? Halalu, inee nodo.

2 Korintu 11:6

Lawi nauri bara gaga kuisa mololita, agaiana kuisa ntepuu paturo au tou. Hai paturo iti nihadimi hai niita mpuumi i hinangkana babehiangki i olomi.

2 Korintu 12:15

Mewali, matanana mopake hinangkana au ara iriko hawe-hawe i watangku motulungikau. Ane nodo kamahilena ahingku irikamu halalu, moapari pane makura mani ahimi iriko?

2 Korintu 13:10

Ido hai kuukiakau sura ide i tempoku mani karao hangko irikamu bona ane hawena deade, barapi mahara lolitangku irikamu au kupahawe hai kuasa au naweina Pue. Lawi kuasa iti barana Nawei bona mopakanawona pepoinalaimi, ngkalinari Naweina bona kupakaroho pepoinalaimi.

2 Korintu 2:10

agaiana ide-ide kuuliangaakau, ineemi woia nihuku liliu. Ane niampungimi, hangangaa kuampungi worimi. Ane arato mpuu salana iriko, kuampungimi. Kerisitu moisa lalungku! Lawi peundeaku bona mohintuwukau hadua hai hadua.

2 Korintu 2:4

I tempona kuuki sura iti hangkoia, mapari pehadingku hai karao inaongku; tudomi owai matangku. Sura iti bara kuuki bona mopakasusa lalumi, agaiana sura iti kuuki bona niisa noumba kamahilena ahingku irikamu.

2 Korintu 3:3

Nipetudungia i ope-ope tauna wua pobagongki moanti bambari kana i Kerisitu irikamu. Ikamu nodo hambua sura au nauki Kerisitu. Sura iti bara Nauki hai tinta ba i watu poukia. Lawi Kerisitu mouki lolitaNa i lalumi anti kuasana Inaona Pue Ala, au tuwo.

2 Korintu 4:6

Lawi Pue Ala au mongkora, Nauli, “Hangko i kamakaindi, mesupami baa!”, Ia worimi au mampopesupa baa i lalunta, bona moisake peawana tuwona Pue Ala au tongawa i tuwona Kerisitu.

2 Korintu 7:2

Kiharunga, halalu, nidoko wongkamia! Lawi barangkai masala i hema pea, barangkai mopakanawo tauna, barakau kiakalangi bona mohaoki apa pea irikamu.

Galatia 3:2

Nikatuinao halalu apa au mewali irikamu hangkoia. Modokokau pae Inao Malelaha anti peulami i Aturana Musa? Bara! Agaiana modokokau Inao Malelaha lawi mohadimokau Ngkora Marasa hai mampoinalaimokau Pue Yesu.

Galatia 3:5

Naweimokau Pue Ala Inao Malelaha hai mobabehimi tanda kuasa i olomi. Ba Nababehi nodo anti peulami i Aturana Musa? Bara. Nababehi nodo, lawi mohadimokau Ngkora Marasa hai mampoinalaimokau Pue Yesu.

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

Epesu 3:4

Mewali ane mobasakau surangku ide, ina niisa wori tunggaiana Pue Ala kana i Kerisitu au tewuniangi hangkoia, nodo poisangku tunggaia iti.

Epesu 4:2

Hangangaa mengkaiwoikau hai hangangaa maalusu poantimi i paka-pakana. Hangangaa peisakau modoko hangka rangami nauri niisa kamakurana, hai hangangaa sabarakau anti kamaahimi hadua hai hadua.

Epesu 4:32

Hangangaa maroa lalumi, mampokaahikau rangami, hai niampungi salana hangka rangami, nodo Pue Ala moampungi salami anti pohintuwumi hai Kerisitu.

Kolose 1:27

Apa au tewuniangi hangkoia, ide-ide Naunde Pue Ala mopatongawa i taunaNa, iami noumba kamaroana hai kameawana tunggaiaNa irikamu au barakau to Yahudi. TunggaiaNa iti iami bona Kerisitu maida i lalumi, bona manoto kamolambimi wori katuwo au meawa hihimbela hai Pue Ala.

Kolose 2:3

Lawi Kerisitumi au mopakanoto lalunta bona moisake ope-ope tunggaiana Pue Ala irikita.

Kolose 3:12

Pue Ala mampokaahikau hai mopileimokau mewali kiraNa au malelaha. Idomi hai: hangangaa mombetulungikau, hangangaa maroa lalumi hadua hai hadua, mengkaiwoikau, nipamaalusu poantimi, hai sabarakau.

1 Tesalonika 2:10

Niisa kamanotona babehiangki irikamu au mepoinalai i Pue Yesu. Babehiangki manoto, bara ara kamasalangki. Ikamu au mewali sabingki hihimbela hai Pue Ala.

1 Timotiu 4:12

Nauri mangura maniko, hintotoko rabila tauna. Hangangaa mewaliko pandiri i halalunta hampepepoinalai i lalu pololitamu, babehiamu, kamaahimu i hangka rangamu, pepoinalaimu i Pue, hai i lalu katuwomu au malelaha.

1 Timotiu 5:2

towawine au matinuwu nuimbahe inamu, hai towawine au mangura nuimbahe adimu; nupamaroa mpuu ope-ope babehiamu irihira.

2 Timotiu 3:10

Agaiana oio Timotiu, lawi mahaemoko kuporanga, nuisami paturongku hai babehiangku hai tunggaiana lalungku. Nuita mpuumi pepoinalaingku, kasabarangku, kamaahingku, hai kamantahaku i lalu kapari.

2 Timotiu 4:2

Hangangaa masilolonga peamoko mopahawe Ngkorana Pue Ala i tempo au maroa ba i tempo mapari. Nukambaroahe au moanti paturo au sala, nukontohe au kadake babehianda, hai nupakaroho lalunda bona maroa babehianda. Hangangaa sabara liliuko mopaguruhe.

Titu 2:7

Hai oio, Titu, ope-ope babehiamu hangangaa mewali pandiri. Ane mepaturoko, mepaturoko hangko i lalumu mpuu, hai hangangaa manoto babehiamu.

Yakobu 3:17

Agaiana tauna au molambihe kanoto lalu hangko i Pue Ala, node babehianda: malelaha lalunda, raunde mohintuwu hai ranganda, maalusu poantinda, matunduhe hai motulungi peamohe tauna. Maroa babehianda, barahe mampopontani tauna hai poantinda moula kabulana lalunda.

1 Peturu 1:12

Hai Pue Ala mampopaisaahe nabi-nabi hangkoia barahe mopahawe bambari kana i watanda haduduanda. Agaiana ikamuri au ratunggai. Hai ide-ide, apa au rapahawe nabi-nabi hangkoia, rapahawemi i kanoto-notoana irikamu, lawi aramohe tauna au mopahaweakau Ngkora Marasa melempo i kuasana Inao Malelaha au hangko i Pue Ala. Mogalori malaeka, mampeinao worihe moisa kana i katuwo maroa au nihumba iti.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

1 Yohane 3:18

Anangku, inee peake maahi hai lolitanta. Agaiana hangangaa tapatongawa kamaahinta i lalu babehianta, lawi itimi ahi au tou.