2 Korintu 6:10 - Sura Malelaha

¹⁰ Masusa lalungki, agaiana matana liliu woringkai. Tuwongki meahi-ahi, agaiana moantingkai pewati i tauna bosa. I peitana manusia, ngkaia kamakurangki, agaiana katouana hinangkana ara irikami.

2 Korintu 6:10 ပူးပေါင်းရင်းမြစ်များ

Matiu 5:12

Nabi-nabi au hangkoia, rapopeahi-ahi worihe. Mewali, nipamatana lalumi, lawi mahile hurungina au ina nihumba i lalu suruga.”

Matiu 5:4

Morasihe tauna au mapari lalunda, lawi Pue Ala ina mopalindohe.

Lukasi 6:21

Morasikau au marimi, lawi ikamumi au ina rapamabuhu. Morasikau au moteria, lawi ikamu au ina matana-tana.

Yohane 16:22

Nodo wori ikamu: ide-ide masusa lalumi lawi ina paduNa. Agaiana ina Kupohidupaa hulekau. I tempo iti, ina matana hulekau, hai bara ara au peisa moala kamatana iti hangko irikamu.

Suro 16:25

Tanga kaindi, Paulu hai Silas mekakae hai monanihe motoia Pue Ala. Naninda iti, rapehadingihe toratarunggu au ntanina.

Suro 3:6

Agaiana nauli Peturu, “Bara ara doi irikami. Agaiana apa au ara irikami, iti au kiweiko: i lalu hangana Yesu Kerisitu to Nasare, peangka hai lumaomoko!”

Suro 5:41

Padumohe suro iti mopalehi poteruhuanda. Matana mpuu lalunda, lawi Naweihe Pue Ala katepaka rapopeahi-ahi hai rakakabosai anti peulanda i Yesu.

Roma 11:12

Anti pesapuakanda to Yahudi hai kadanda mepoinalai i aturana Pue Ala, tauna au barahe to Yahudi molambihe pewati hangko i Pue Ala. Mewali, apa mani ane to Yahudi menoso hai mesule hulehe i Pue Ala, mahile mpuu pewati au ina rahumba tauna au barahe to Yahudi iti hangko i Pue Ala.

Roma 12:15

Hangangaa matanakau hihimbela hai tauna au matana, moteriakau hihimbela hai tauna au moteria.

Roma 15:13

Taperapi Pue Ala, peharunganta, moweikau katana hai roa ngkatuwo i lalu pepoinalaimi i Pue Yesu, bona kamaroho-rohoa peharungami Iria anti kuasana Inao Malelaha.

Roma 8:32

Ia bara mampokabohi AnaNa au haduduaNa, bona mate mopahuruke, noumba kadanta ina Nawei paka-pakana?

Roma 9:2

Mapari mpuu pehadingku hai masusa mpuu lalungku, lawi hangka to Yahudingku barahe mepoinalai i Yesu.

1 Korintu 1:5

Anti pohintuwumi hai Kerisitu, Naweimokau hinangkana pewati au mobundu i katuwomi: Napopaisaamokau paturo au tou, hai Naweimokau kapande mopahawe paturo iti.

2 Korintu 2:4

I tempona kuuki sura iti hangkoia, mapari pehadingku hai karao inaongku; tudomi owai matangku. Sura iti bara kuuki bona mopakasusa lalumi, agaiana sura iti kuuki bona niisa noumba kamahilena ahingku irikamu.

2 Korintu 4:15

Ope-ope ide mobundu irikamu bona tauna au mohadi Ngkora Marasa, alana kabosa-bosaa tauna au manguli ngkaia kamaroana i Pue Ala. Hangko inditi hangana Pue Ala rapomahile.

2 Korintu 4:7

Ikami manusia biasa peangkai, agaiana mahile mpuu kuasana Pue Ala au mobago i lalungki. Ikami rapandiringkai nodo kori tampo au buke anu-anu au masuli holona. Hangko i ngkora pandiri ide, tongawami kuasa au ara irikami bara kuasangki haduduangki, agaiana kuasa iti kihumba hangko i Pue Ala.

2 Korintu 8:9

Barakau kuparentai halalu, lawi niisa mpuu kamahilena ahina Amputa Yesu Kerisitu irikita. Ia pebuku, agaiana anti kamahilena ahiNa irikita, Ia mewali nodo hadua tauna au meahi-ahi tuwona bona anti katuwoNa au meahi-ahi, ikita peisa mewali pebuku. Ia mopaiwoi tuwoNa mewali manusia bona ikita peisa molambi katuwo maroa.

Epesu 3:16

Mekakaena i Pue Ala au mahile kuasaNa bona hangko i kuasaNa au mahile iti, Napakaroho lalumi hai InaoNa,

Epesu 3:8

Hangko i ope-ope tauna au mepoinalai i Pue Yesu, ikomi au tepaiwoi tuwongku. Nauri nodo, anti kabulana laluna Pue Ala, Napileimona bona mobambarina Ngkora Marasa i tauna au barahe to Yahudi kana i kamahilena pewati au bara tehoka au tahumba hangko i Kerisitu.

Pilipi 2:17

Halalu, i kakubambariami Ngkora Marasa hangkoia, mewalimokau mepoinalai i Pue Yesu, hai mopaisarekau katuwomi Iria bona moulakau peundeaNa. Mewali, kehapirina rahuku mate anti pobagongku mopahaweakau Ngkora Marasa, bara kupousulia. Batena kuuli liliu ngkaia kamaroana i Pue Ala, hai matanana hihimbela hai ikamu.

Pilipi 4:4

Halalu, hangangaa matana-tana liliukau i lalu pohintuwumi hai Pue. Hambela mani kuuli: hangangaa matana-tanakau.

Kolose 1:24

Ide-ide halalu, matana mpuuna mohalea kapari anti pobagongku motulungikau. Lawi ara mani kapari au hangangaa morumpana anti pobagongku i Kerisitu, hai kapari au kuhumba ide-ide, kuhumba anti pobagongku motulungi ope-ope tauna au mepoinalai i Kerisitu. Ikita ope-ope au mepoinalai i Kerisitu peisake rapandiri nodo wataNa.

Kolose 3:16

Hangangaa nipailalu liliu Ngkorana Kerisitu. Mombepakaroho mpolalumokau hai mombepaturokau moula sukana kanotona lalumi. Mampolingakau nani petoia, hai nani pepomahile, hai nani ntanina au naweikau Inao Malelaha. Hangko i lalumi mpuu, monanikau manguli ngkaia kamaroana i Pue Ala.

1 Tesalonika 1:6

Hai ikamu halalu, kamohadimi Ngkora Marasa iti, nipeulaimi poantiki hai poantina Pue Yesu. Lawi nauri rumihi karapopeahi-ahimi, matana liliu lalumi modoko Ngkora Marasa. Kamatanami iti naweikau Inao Malelaha.

1 Tesalonika 5:16

Anti pohintuwuta hai Yesu Kerisitu, hangangaa matana liliuke, mekakae liliuke hai manguli liliu worike ngkaia kamaroana i Pue Ala kehapiri apa au mewali, lawi itimi peundeana Pue Ala irikita.

1 Timotiu 4:8

Lawi ane mopakarohoke watanta, haodi pea pobunduana. Agaiana ane lalunta tapakaroho mengkoru i Pue Ala, pobunduana ngkaia, lawi pengkoruta i Pue Ala moanti pewati i katuwonta, maroa i dunia ide maroa i alo au ina mai.

1 Timotiu 6:18

Nuweihe lolita bona manoto liliu babehianda, maroa lalunda: motulungihe hangka ranganda hai ineehe bohi.

Ibarani 10:34

Maahi lalumi i tauna au ratarunggu anti peulanda i Pue Yesu. Ane anu-anumi rarampaki, bara nipokaehua. Agaiana batemi matana, lawi niisa kaarana au rapasilolongaakau i suruga au meliu kamaroana hai au bara mokahopoa.

Yakobu 2:5

Halalungku au kupokaahi! Nipehadingi maroa: tauna au meahi-ahi tuwonda i dunia ide napileihe Pue Ala bona mewalihe pebuku i pepoinalainda. Ina molambi sosoranda i lalu poparentaNa moula dandina Pue Ala i tauna au maahi Iria.

1 Peturu 4:13

Aginari nipokatana, lawi molambimokau kirami i lalu kapari au morumpa Kerisitu. Ido hai halalu, ane hawe tempona Kerisitu mopatongawa peawana tuwoNa i ope-ope tauna, ina matana mpuukau.

Pampetudungia 2:9

Nauli: Kuisa kapari au morumpakau, hai Kuisa peahi-ahimi, agaiana katouana pebukukau i lalu pepoinalaimi. Kuisa noumba karakakabosaimi tauna au moulihe katoYahudinda. Agaiana katouana, i lalunda barahe to Yahudi; topegurunarihe Datu Tokadake.

Pampetudungia 21:7

Hema au monangi Datu Tokadake, molambihe ope-ope iti. Ina mewaliNa Pue au rapenombai, hai ihira ina mewali anaNgku.