2 Korintu 5:9 - Sura Malelaha

⁹ Mewali tapeinao mobabehi apa au maroa, au mopakatana laluna Pue, i tempota mani tuwo i dunia ide ba i tempona hihimbelamoke hai Pue.

2 Korintu 5:9 ပူးပေါင်းရင်းမြစ်များ

Yohane 6:27

Ineekau mobago mohaoki paande au hampalai pea kaopena hai au polo mawai. Agaiana mobagokau mohaoki paande au bara peisa mawai hai au moweikau katuwo maroa au bara mokahopoa. Iko Ana Manusia au ina moweikau paande iti, lawi Ikomi au Napilei Pue Ala hai au Napokatana.”

Suro 10:35

Hema-hema au mengkoru i Pue Ala hai au manoto babehianda, batena nadoko Pue Ala.

Roma 14:18

Ane nodo peulanta i Kerisitu, ikita ina napokatana Pue Ala hai rabilake ranganta.

Roma 14:8

I tuwonta ba i matenta, hangangaa mobilake Amputa. Tuwo ba mateke, batena kiranake Pue.

Roma 15:20

Idemi peundeaku bona moanti liliuna Ngkora Marasa i tampo ntanina au bara manihe mohadi hangana Kerisitu. Bara kuunde moaro sou i wongko watu au naaro tohaduana.

1 Korintu 15:58

Mewali halalu au kupokaahi, hangangaa nipakaroho pepoinalaimi. Inee bata-bata lalumi. Hangangaa nipopolumao liliu bagona Pue, lawi niisa apa au nipobago i Pue bara ina mbero-mbero.

2 Korintu 5:6

Ido hai maroho lalunta hai taisa, tanganta mani tuwo i dunia ide, karao manike hangko i paidaanta hihimbela hai Pue Yesu hangalo.

2 Korintu 5:8

Ido hai maroho liliu lalunta. Kehapirike mate, taporasi lawi ane mogaake hai watanta ide, tanoananta ina hihimbela hai Pue.

Epesu 1:6

Ido hai tatoiami Pue Ala, lawi mahile mpuu ahiNa irikita. Hangko i kabulana laluNa, Nawei mberomoke ahiNa anti pohintuwuta hai Yesu, AnaNa au Napokaahi.

Kolose 1:10

bona babehiami ina hintoto hai tauna au moula peundeana Pue, hai bona ope-ope babehiami ina mopamatana laluNa. Ane nodo katuwomi, ina mobabehikau hinangka bago au maroa, hai ina katetetambaia poisami Pue Ala i lalu katuwomi.

Kolose 1:29

Idomi hai kupari-pari mopaliliu bagongku moula karoho au kuhumba hangko i Kerisitu, lawi mahile mpuu kuasaNa i lalu katuwongku.

1 Tesalonika 4:1

Mewali halalu, kiperapi bona nipeulai ope-ope paturo au nihadimi hangko irikami bona babehiami moula peundeana Pue Ala. Katouana, ide-ide maroami babehiami. Agaiana anti kuasa au naweingkai Pue Yesu, kiperapi hai kipari-pariakau bona nitambai mbuli kamaroana babehiami.

1 Tesalonika 4:11

Nipari-pari mohintuwu hai rangami. Nipopolumao maroa bagomi haduduami, inee nipesuaki urusiana rangami. Mobagokau mohaoki paandemi, nodo au kipaturoamokau hangkoia.

1 Timotiu 4:10

Ido hai hangangaa mobago mantimike, lawi mepoinalaike i Pue Ala au tuwo i hae-haena hai au mohorema ope-ope tauna, ihira au mepoinalai Iria.

Ibarani 12:28

Mewali, halalu, anti katalambina kiranta i lalu poparentana Pue Ala au bara peisa moenggo, ido hai hangangaa tauli ngkaia kamaroana i Pue Ala, hai hangangaa menomba mpuuke Iria moula peundeaNa. Hangangaa tabila hai tapengkorui mpuu,

Ibarani 4:11

Mewali halalu, hangangaa tapari-pari molambi pengkarooangaa hihimbela hai Pue Ala bona datike ara au mousuli hangko i pepoinalainta, nodo to Yahudi hangkoia au bara moula hawaNa.

2 Peturu 3:14

Mewali halalu au kupokaahi, tangami mampepegia alo iti, nipari-pari meula i Pue bona maroa pohintuwumi hai Ia, hai bona bara ara kamasalami ba kamaeami ane hawekau i lindona Pue Ala.