2 Korintu 5:7 - Sura Malelaha

⁷ Meulake i Pue anti pepoinalainta, kehapiri bara mani taita.

2 Korintu 5:7 ပူးပေါင်းရင်းမြစ်များ

1 Korintu 13:12

Lawi ide-ide, nodoke hadua tauna au mampeita hambua lengge i pampewaoa au mogawu-gawu, lawi bara mani taisa hinangkana i katou-touana. I alo au ina mai, hangko taisari hinangkana, lawi ina mampombelindoamoke Pue Ala hai ina taita i katongawaana. Ide-ide, makura mani kamapandeku. Agaiana i alo au ina mai, ina kuisa ntepuu hinangkana, nodo Pue Ala moisana.

2 Korintu 1:24

Barapokau kupari-pari kana i apa au hangangaa nipoinalai, lawi marohomi pepoinalaimi i Kerisitu. Agaiana kiunderi mobago sambela hai ikamu bona matana lalumi.

2 Korintu 4:18

Mewali, barangkai mampekiri apa au taita agaiana mampekiringkai apa au bara mani taita. Lawi au taita, hampalai pea, agaiana au bara mani taita, itiri au mantaha liliu hawe i hae-haena.

Galatia 2:20

Hai ide-ide barapona tuwo moula peundeaku haduduangku, agaiana Kerisitumi au tuwo i lalu katuwongku. Mewali, tangangku mani tuwo i dunia ide, batengku mepoinalai i Anana Pue Ala au mampokakaiana hai au mokira wataNa rapapate bona mewalina manoto i peitana Pue Ala.

Ibarani 10:38

Tauna au manoto i peitaNgku ina molambihe katuwo maroa hangko i pepoinalainda. Agaiana ane arahe au mousuli hangko i pepoinalainda, barahe Kupokana.”

1 Peturu 1:8

Nauri bara manikau moita Yesu Kerisitu, agaiana, nipokakaiami. Hai ide-ide, bara mani wori niita, agaiana nipoinalaimi. Ido hai matana lalumi, hai kamatanami iti mahile, melumbu hangko i apa au peisa rapololita.

1 Peturu 5:9

Hangangaa niewa mpuu hangko i pepoinalaimi au maroho. Lawi niisa: halalumi hampepepoinalai i humalele dunia molambi worihe kapari nodo au nihumba.