2 Korintu 5:16 - Sura Malelaha

¹⁶ Mewali, ido hai barapongkai mampeita tauna moula apa au raita i raoa. Hangkoia kiuli, Kerisitu manusia biasa pea, agaiana ide-ide barapi nodo pekiringki.

2 Korintu 5:16 ပူးပေါင်းရင်းမြစ်များ

Matiu 10:37

Hema au melumbu pampokakaiana inana ba umana pane pepokaahina Iriko, bara hintoto mewali topeulaNgku. Hema au melumbu pampokakaiana anana pane pepokaahina Iriko, bara hintoto mewali topeulaNgku.

Yohane 15:14

HimadaNgkumokau ope-ope, ane nibabehi apa au Kuhawaakau.

Yohane 2:4

Nauli Yesu, “Ina, apari tunggaiamu mouliangaaNa nodo? Bara mani hawe tempona Kupopaisaahe kahemaNgku.”

Yohane 6:63

Inaonami Pue Ala au mowei katuwo. Kamaroho manusia bara mobundu. Lolita au Kupahaweakau mesuwu hangko i Inaona Pue Ala hai katuwo.

Yohane 8:15

Ikamu mebotusikau moula pea pekiri manusia, agaiana Iko baraNa mobotusi kara-karanda hema pea.

2 Korintu 11:18

Bosa tauna motoiahe watanda haduduanda hai mampololita bagonda au rababehi hangko i karohona watanda. Hai ide-ide ina mampomahile worina watangku.

Galatia 5:6

Ane mohintuwuke hai Kerisitu Yesu, bara ara bunduna ratileke ba barake ratile; batena pea mepoinalaike i Yesu. Hai ane maahike i ranganta, pepoinalainta iti ina tongawa.

Pilipi 3:4

Ane kekuunde, peisa worina mampoinalai ada iti. Ane ara tauna au mouli rumihi poulanda ada au raita pea i raoa, pelumbunami iko!

Kolose 3:11

Mewali, anti kaNapopewalintami manusia au wou, barapi ara pontaniana to Yahudi hai au barahe to Yahudi, lawi i peitana Pue Ala, tauna au ratile hai au bara ratile himbela pea. Ia bara mampopontani tauna au mosikola hai au bara mosikola, tuana ba hawi. Kerisitu iami au tepaioru. Ia au tuwo i lalunta ope-ope.

Yakobu 3:17

Agaiana tauna au molambihe kanoto lalu hangko i Pue Ala, node babehianda: malelaha lalunda, raunde mohintuwu hai ranganda, maalusu poantinda, matunduhe hai motulungi peamohe tauna. Maroa babehianda, barahe mampopontani tauna hai poantinda moula kabulana lalunda.