2 Korintu 5:15 - Sura Malelaha

¹⁵ Lawi tunggaiana Kerisitu mate mohuru dosa ope-ope tauna bona ikita au tuwo manike i dunia ide barapoke moula peundeata haduduanta, agaiana moulamoke peundeana Kerisitu, au matemi mohuru dosanta hai au rapatuwo hulemi.

2 Korintu 5:15 ပူးပေါင်းရင်းမြစ်များ

Yohane 5:24

Tou mpuu lolitaNgku ide: hema-hema au mampehadingi lolitaNgku hai mepoinalai i Pue Ala au motuduNa, molambihe katuwo maroa au bara mokahopoa. Barahe ina rahuku anti dosanda. Tekabahamohe hangko i kapate, hai molambihe katuwo.

Yohane 6:57

UmaNgku au motuduNa, Iami pongkana katuwo, hai Iko tuwo hangko Iria. Nodo wori tauna au maande ontoKu, molambihe katuwo hangko Iriko.

Roma 12:1

Mewali halalu, anti kamahilena ahina Pue Ala irikita, kuhuweki lalumi bona mohuhukau watami i Pue Ala mewali popenomba au tuwo. Ane nibabehi nodo, lempona malelaha babehiami i lindona Pue Ala, lawi itimi ada mpenomba au mopamatana laluNa.

Roma 4:25

Yesu itimi au mokira wataNa rapapate mohuru salanta. Hai roo indo, Pue Ala mopatuwo hule Yesu bona mewalike manoto i peitaNa.

Roma 6:2

Inee tapehangu nodo halalu! Bara hintoto ane mobabehi liliuke dosa, lawi matemoke hihimbela hai Kerisitu bona dosa barapi makuasa irikita.

Roma 6:6

Taisa halalu, katuwonta au hangkoia rapapatemi hihimbela hai Kerisitu i kau mombehape bona dosa barapi makuasa i lalu katuwonta hai barapoke napohawi dosa.

Roma 8:10

Agaiana ikita, ane arami Kerisitu i lalunta, kehapiri watanta ide mate lawi madosa, tanoananta batena molambi katuwo maroa au bara mokahopoa, lawi manotomoke i peitana Pue Ala.

Roma 8:2

Lawi anti pohintuwuta hai Kerisitu Yesu, Inao Malelaha moweike katuwo au wou hai mokabahake hangko i kuasa dosa au mopaara kapate.

Roma 8:6

Lawi peundeana lalunda au kadake mopaara kapate, agaiana peundeana Inao Malelaha mopaara katuwo hai roa ngkatuwo.

1 Korintu 10:33

Nodo wori iko, i paka-pakana kubabehi liliu apa au maroa i peitanda ope-ope tauna. Bara kuhaoki apa au mobundu pea i watangku haduduangku, agaiana kubabehi apa au ina mobundu i rangangku bona tehoremahe hangko i huku dosanda.

2 Korintu 12:10

Mewali, kupokatana mpuu ane maledena, hai matanana ane rakakabosaina ba rapopeahi-ahina, ba molambina kasusa hai kapari anti peulangku i Kerisitu. Lawi ane maledena, ina marohona anti kanatulungingku Pue.

2 Korintu 3:6

Ia moweingkai kapande mewali topobagoNa au mopaguru tauna i dandiNa au wou. Barahe kipaguru bona mampeulaihe atura-atura au teuki bona mewalihe manoto i peitana Pue Ala. Agaiana kipaguruhe bona molambihe katuwo au wou hangko i Inao Malelaha. Lawi ane mampeinaoke mewali manoto i peitana Pue Ala i kamampeulainta atura au teuki, ina molambike kapate, lawi bara buke katapeulaina. Agaiana ane meulake i Pue Ala anti kuasana Inao Malelaha, molambike katuwo maroa au bara mokahopoa.

2 Korintu 5:16

Mewali, ido hai barapongkai mampeita tauna moula apa au raita i raoa. Hangkoia kiuli, Kerisitu manusia biasa pea, agaiana ide-ide barapi nodo pekiringki.

Galatia 5:25

Lawi naweimoke Inao Malelaha katuwo au wou, hangangaa tapeulai peundeana Inao Malelaha iti.

Epesu 4:17

Mewali, hai kuasa au naweina Pue, kuuli hai kupaturoakau: Ineemokau tuwo nodo katuwomi hangkoia au bara moisa Pue Ala, lawi au rapekiri bara mobundu

Epesu 5:14

Ido hai ara lolita au manguli: “Mearomokau au leta, Mearomokau hangko i kapate, hai Kerisitu ina mowangkahikau.”

Kolose 2:12

I tempomi rariu i lalu hangana Kerisitu, himbela pea matemokau, hai ratawumokau hihimbela hai Kerisitu, lawi nikabahami katuwomi hai babehiami au hangkoia. Hai i lalu karariumi iti, rapatuwo hule worimokau hihimbela hai Ia, lawi molambimokau katuwo au wou anti pepoinalaimi i kuasana Pue Ala au mopatuwo hule Yesu hangko i kapate.

Kolose 3:1

Ikamu nodokau tauna au rapatuwo hule hangko i kapate hihimbela hai Kerisitu. Ido hai hangangaa mohaokikau apa au ara i suruga, iumba Kerisitu ara, mohuda ntanda i koanana Pue Ala.

Kolose 3:17

Apa pea au nibabehi ba au nipololita, hangangaa nibabehi hai nipololita hintoto hai poanti tauna au meula i Pue Yesu. Hai niuli ngkaia kamaroana i Pue Ala Umanta i lalu hangana Pue Yesu.

Kolose 3:23

Bago apa pea au ratuduakau, nipobago mpuu hangko i lalumi. Nipopolumao bago iti nodokau mobago i Pue, bara pea i manusia.

1 Tesalonika 5:10

Yesu Kerisitu mate mopahuruke bona ane hawe deade, ina tuwoke hihimbela hai Ia. Kehapiri matemoke ba tuwo manike i tempo iti, batenta ina tuwo hihimbela hai Ia.

Titu 2:14

Yesu mokirami wataNa rapapate mohuru dosanta bona Nakabahake hangko i ope-ope babehianta au kadake, hai Napopewalike taunaNa au malelaha hai au madota mobabehi au maroa.

1 Peturu 4:6

Ido hai Ngkora Marasa rabambaria worihe tauna au mate, bona kehapihe mate nodo ope-ope manusia anti kamadosanda, batenda molambi worihe katuwo maroa moula peundeana Pue Ala.

1 Yohane 4:9

Hai idemi rarana Pue Ala mopatongawa ahiNa irikita: AnaNa au haduduaNa Natudu mai i dunia bona molambike katuwo hangko Iria.

Pampetudungia 1:18

Ikomi au tuwo. MateNa hangkoia, agaiana tuwo huleNa, hai ina tuwoNa i hae-haena. Iko au mokingki pegili baba ngkapate hai baba paidaa tomate.