2 Korintu 2:12 - Sura Malelaha

¹² Kaliliuana halalu, hangkoia i kapadungku hangko i wanua Epesu, laona mobambari Ngkora Marasa kana i Kerisitu i wanua Troas. Kahawengku i Troas, Pue mobungkahiana rara bona mobagona inditi.

2 Korintu 2:12 ပူးပေါင်းရင်းမြစ်များ

Suro 14:27

Kahawenda i Antiokia, rakakiomohe ope-ope topepoinalai i Pue Yesu, hai ratuntuahe apa au Nababehi Pue Ala i polumaonda. Rapololita wori noumba Pue Ala mobungkahiahe rara bona tauna au barahe to Yahudi mepoinalaihe i Yesu.

Suro 16:11

Meangkamongkai hangko i Troas, mesawingkai i kapala tahi lao i lewuto Samotrake, hai kahalona laongkai i wanua Neapolis.

Suro 16:8

Ido hai moliuhe i tampo Misia hai mendauluhe lao i boea Troas i wiwi ntahi.

Suro 20:8

I sou poteruhuangki iti, mogulungkai i lincu au i wongko ntepuu, indo Ngkaia hulo rahuwe.

Roma 1:1

Sura ide hangko iriko, Paulu, hawina Yesu Kerisitu, au Napilei hai Natudu mobambari Ngkora Marasa hangko i Pue Ala.

1 Korintu 16:9

lawi kehapirihe bosa tauna au moewana, mobundu mani mpuu pobagongku inde.

1 Korintu 9:12

Ane arahe tauna ntanina au peisa molambi saronda hangko irikamu, pelumbunami ikami! Peisa mpuungkai merapi sarongki irikamu halalu, agaiana bara kibabehi. Nauri ngkaia kapari au morumpangkai, barangkai merapi apa-apa irikamu bona dati ara au mopakasusa pekirimi duuna barakau mepoinalai i Ngkora Marasa au kianti.

1 Korintu 9:14

Nodo wori paturo au tahumba hangko i Pue Yesu. Ia mohawa bona tauna au mobambari Ngkora Marasa molambi paandenda hangko i tauna au rapahawea bambari iti.

1 Korintu 9:16

Barana peisa mampemahile anti pobagongku mobambari Ngkora Marasa, lawi natuduna Pue Ala mampopolumao bago iti. Hurewumona ane barana mobambari Ngkora Marasa!

2 Korintu 10:14

Mewali, ane mopatongawangkai kuasangki irikamu, barangkai moliungi apa au hintoto. Ane rapana barangkai hawe i boeami mobambari Ngkora Marasa, kebara ara kuasangki mopaturokau. Agaiana ara kuasangki, lawi ikami au nguru-nguruna mobambari Ngkora Marasa irikamu.

2 Korintu 11:4

Arahe guru agama i olomi au mopaturokau kana i Yesu, agaiana paturonda bara himbela hai apa au kipaturoakau. Ane paturonda bara himbela hai paturongki, moapari hai niunde mampehadingi lolitanda? Niunde pae modoko inao ntanina au mosisala hai Inao Malelaha au nidokomi? Niunde pae modoko bambari au mosisala hai Ngkora Marasa au nipoinalaimi? Halalu, inee nodo.

2 Korintu 11:7

I tempoku mopahawe Ngkora Marasa irikamu hangkoia, barana merapi sarongku irikamu nauri haodi pea. Mengkaiwoina, mobagona haduduangku bona tuwo peana mopahawe bambari au moanti pewati irikamu. Noumba halalu, masalana pae ane barana merapi sarongku irikamu?

2 Korintu 4:3

Ane Ngkora Marasa au kibambari, bara rapoinalai hai radoko tauna, iti mewali pea i tauna au tanganda monontohi kahurewu, lawi tetuko pekirinda.

2 Korintu 4:4

Napawulihe Datu Tokadake au mokuasai dunia ide datihe mampoinalai Ngkora Marasa. Kuasa Ngkora Marasa bara mopamabaa lalunda. Mewali, barahe moisa peawana tuwona Kerisitu au mopatongawa peawana Pue Ala.

2 Korintu 8:18

Kitudu wori hadua halalunta lao irikamu hihimbela hai Titu. Ia ratoia i ope-ope jumaa anti pobagona mobambari Ngkora Marasa.

2 Korintu 9:13

Ane moitamohe petulungimi, ina motoiahe Pue Ala lawi anti kamaroana lalumi tongawami kamarohona pepoinalaimi i Ngkora Marasa kana i Kerisitu hai pengkorumi i hawaNa. Ina motoiahe Pue Ala, lawi bula lalumi motulungi tauna iti hai tauna ntanina.

Kolose 4:3

Hai nipekakaea woringkai bona nabungkahiangkai Pue Ala rara mopahawe NgkoraNa au mampololita tunggaiaNa au napabukei Kerisitu. Hangkoia tunggaiaNa iti tewuniangi mani, agaiana ide-ide bambari kana i Kerisitu kupahawemi. Ido hai ratarungguna.