2 Korintu 2:1 - Sura Malelaha

¹ Mewali, nauli lalungku: ineekau hampai lao kusondaki, lawi bara kuunde mopakapari mbuli lalumi, nodo au mewali i tempomi kusondaki hangkoia.

2 Korintu 2:1 ပူးပေါင်းရင်းမြစ်များ

Suro 11:29

Karahadina to Sarani i Antiokia bambari iti, hintuwumohe motulungi halalu hampepepoinalainda i tampo Yudea. Ido hai mokiramohe doinda moula pesauruanda hadua-hadua.

Suro 15:2

Agaiana Paulu hai Baranaba, rumihi poewanda paturo iti. Kahopoana, rabotusi bona Paulu, Baranaba, hai bahangkia tauna ntanina au mepoinalai i Yesu lao mopahawe kara-kara iti i surona Pue Yesu hai penatua-penatua i Yerusale.

Suro 15:37

Baranaba mampeinao moanti Yohane au rauli Markus i polumaonda iti,

1 Korintu 2:2

Lawi kupakanotomi i lalungku: mepongka i kahawengku irikamu, barana ina mampololita au ntanina, batena pea Yesu Datu Topehompo au mate rapaku i kau mombehape.

1 Korintu 4:21

Mewali, umba au niunde: Hawena mokambaroakau hai lolita au makasara ba mopaturokau hai lolita au maalusu, au buke pepokaahi.

1 Korintu 5:3

Nauri karaona hangko irikamu, agaiana lalungku arato hihimbela hai ikamu, mewali ara kuasangku mampohawaakau. Hai kuasa au naweina Pue Yesu Kerisitu, kupakanotomi: tauna au kadake babehiana iti hangangaa rahuku. Ane mogulu-gulukau, niimbana ara hihimbela hai ikamu, hai kuperapi i lalu kuasana Yesu Amputa

2 Korintu 1:23

Halalu, barana modongko, Pue Ala sabingku. Ia au moisa lalungku. Barana lao i Korintu hangkoia lawi barana mau mokambaroakau hai lolita au makasara.

2 Korintu 13:10

Ido hai kuukiakau sura ide i tempoku mani karao hangko irikamu bona ane hawena deade, barapi mahara lolitangku irikamu au kupahawe hai kuasa au naweina Pue. Lawi kuasa iti barana Nawei bona mopakanawona pepoinalaimi, ngkalinari Naweina bona kupakaroho pepoinalaimi.

2 Korintu 2:4

I tempona kuuki sura iti hangkoia, mapari pehadingku hai karao inaongku; tudomi owai matangku. Sura iti bara kuuki bona mopakasusa lalumi, agaiana sura iti kuuki bona niisa noumba kamahilena ahingku irikamu.

Titu 3:12

Ane hawe Artemas ba Tikikus au kutudu lao irikamu, nupari-pari mampohidupaana i boea Nikopolis, lawi kubotusimi maida liliu inditi i tempo makuli.