2 Korintu 13:4 - Sura Malelaha

⁴ Hangkoia Kerisitu rapaku i kau mombehape anti kamaledena nodo manusia. Agaiana anti kuasana Pue Ala, Ia tuwo hulemi. Ikami malede woringkai nodo Kerisitu. Agaiana anti kuasana Pue Ala, molambingkai katuwo au wou hihimbela hai Kerisitu. Mewali ane hawena deade, ina niita mpuu kuasa au naweingkai Pue Ala iti.

2 Korintu 13:4 ပူးပေါင်းရင်းမြစ်များ

Yohane 10:18

Bara ara hadua au mopapateNa ane bara peundeaKu. MokiraNa wataNgku moula peundeaKu haduduaNgku. MakuasaNa mokira wataNgku bona rapapate, hai makuasa woriNa tuwo hule. Itimi hawana UmaNgku au Kutarima hangko Iria.”

Suro 2:36

Hangko inditi, napahopomi Peturu lolitana, nauli, “Mewali, ido hai ikamu to Yahudi, hangangaa nipakanoto i lalumi apa au kuuli ide: Yesu au nipaku i kau mombehape, Iami au napilei Pue Ala mewali Amputa hai Datu Topehompo.”

Suro 3:16

Kuasa hangko i Yesu, iti au mopakaroho biti topalu ide. Mewali, anti pepoinalaingki i Yesu pane kibuku mopakaoha tauna ide nodo au niita hai nisabiki.

Roma 1:4

TuwoNa malelaha nodo Pue Ala hai i pearona hangko i olo tomate, mewali hambua tanda kuasa au mopatongawa, Yesu Kerisitu Amputa iti, iami Anana Pue Ala.

Roma 14:9

Ido hai Kerisitu mate hai tuwo hule bona Ia mewali Ampunda ope-ope tauna, maroa au tuwohe, maroa au matehe.

Roma 6:4

I karariunta iti, nodoke tauna au mate hai ratawu himbela hai Kerisitu bona nodo Kerisitu rapatuwo hule hangko i kapate anti kuasana Pue Ala Umanta, nodo wori ikita, molambike katuwo au wou hai mobabehike apa au manoto i peitaNa.

1 Korintu 1:25

Ane mopahawengkai kapatena Kerisitu au rapaku i kau mombehape, raimbangkai tontuli. Agaiana katouana, meliu kamapandena Pue Ala hangko i kapande manusia. Moula lolita manusia, tunggaiana Pue Ala iti bara mobundu. Agaiana meliu kuasana Pue Ala hangko i kuasa manusia.

1 Korintu 15:43

I karatawunta, wata iti barapi maroa, agaiana i tempona rapatuwo hule, wata iti mewalimi maroa hai maroho. Wata iti barapi ina mate hai barapi ina magoro.

1 Korintu 2:3

Hawena irikamu, maledena, hai moradana anti kalangangku.

1 Korintu 6:14

Nodo Pue Yesu napatuwo hule Pue Ala hangko i kapate, nodo wori watanta ide ina Napatuwo hule Pue Ala hangko i kapate anti kuasaNa i alo pebotusi.

2 Korintu 10:10

Lawi arahe tauna i olomi au mokakabosaina, rauli: “Ane i surana, ara kuasana lolitana hai pemoso pepaturona, agaiana ane ara inde hihimbela hai ikita, bara manoto pololitana hai malede watana!”

2 Korintu 12:10

Mewali, kupokatana mpuu ane maledena, hai matanana ane rakakabosaina ba rapopeahi-ahina, ba molambina kasusa hai kapari anti peulangku i Kerisitu. Lawi ane maledena, ina marohona anti kanatulungingku Pue.

2 Korintu 13:9

Matanangkai ane niitangkai malede, asala ikamu maroho pepoinalaimi. Mekakaengkai bona manoto lalumi i peitana Pue.

Pilipi 3:10

Kupeinao moisa ntepuu Kerisitu i lalu katuwongku, bona mohadiana kuasaNa i lalu katuwongku, iami kuasa au mopatuwo hule Yesu hangko i kapate. Kupeinao molambi kapari hai kapate, nodo au Nahumba Yesu,

Ibarani 5:7

I tempona mani Yesu tuwo i lalu dunia ide, Ia meraroa hai moteria, mekakae hai mohowara pamperapiNa i Pue Ala au makuasa mokabaha hangko i kapate. Agaiana Yesu bara moula peundeaNa haduduaNa, batena mengkoru i peundeana Pue Ala. Ido hai Pue Ala mampehadingi pamperapiNa.

1 Peturu 3:18

Lawi ara wori hadua au molambi kapari, iami Kerisitu. Ia hambela pea mokira wataNa rapapate bona mohalea dosa manusia. Ia au bara ara salaNa mopahuruke au masala bona moantike i Pue Ala. Ia rapapate, agaiana rapatuwo hule anti kuasana Inao Malelaha.

1 Peturu 3:22

Hai i karapatuwoNa hule, Yesu mengkaoremi lao i suruga, mohuda ntanda i koanana Pue Ala. Ope-ope malaeka hai au makuasa hai au moparenta, rapopengkoru hahahe Iria.