2 Korintu 13:2 - Sura Malelaha

² Tangangku hihimbela hai ikamu i karombelana, kuweihe lolita i tauna i olomi au mobabehi dosa. Mewali, ide-ide, kehapirina karao hangko irikamu, kuhuleki mbuli lolitangku irikamu tauna au madosa hai i ope-ope tauna ntanina. Ane hawena deade hai ane bara manihe mampenosoi babehianda, ina makasara lolitangku; barahe ara hadua au ina tekabaha hangko i pehuku.

2 Korintu 13:2 ပူးပေါင်းရင်းမြစ်များ

1 Korintu 5:5

bona nihuhu peami tauna iti i kuasana Datu Tokadake. Lempona, nitudumi meloho hangko i olomi, hai ineemi nipogaloa. Mewali watana molambi pehuku agaiana tanoanana molambi katuwo maroa i kahawena Pue Yesu.

2 Korintu 1:23

Halalu, barana modongko, Pue Ala sabingku. Ia au moisa lalungku. Barana lao i Korintu hangkoia lawi barana mau mokambaroakau hai lolita au makasara.

2 Korintu 12:14

Nipehadingi maroa! Ina laona mosondakikau i kataluna belana. Hai barana merapi apa-apa irikamu. Au kuhaoki, bara anu-anumi, agaiana lalumiri bona nipokaahina. Lawi barari anangkoi au mampasaokia paandena tosaenda; agaiana tosaeri au mampasaokia paandena ananda.

2 Korintu 13:10

Ido hai kuukiakau sura ide i tempoku mani karao hangko irikamu bona ane hawena deade, barapi mahara lolitangku irikamu au kupahawe hai kuasa au naweina Pue. Lawi kuasa iti barana Nawei bona mopakanawona pepoinalaimi, ngkalinari Naweina bona kupakaroho pepoinalaimi.