2 Korintu 13:10 - Sura Malelaha

¹⁰ Ido hai kuukiakau sura ide i tempoku mani karao hangko irikamu bona ane hawena deade, barapi mahara lolitangku irikamu au kupahawe hai kuasa au naweina Pue. Lawi kuasa iti barana Nawei bona mopakanawona pepoinalaimi, ngkalinari Naweina bona kupakaroho pepoinalaimi.

2 Korintu 13:10 ပူးပေါင်းရင်းမြစ်များ

1 Korintu 4:21

Mewali, umba au niunde: Hawena mokambaroakau hai lolita au makasara ba mopaturokau hai lolita au maalusu, au buke pepokaahi.

2 Korintu 10:2

kuperapi bona barapi paraluu kutudungiakau kuasangku ane hawena irikamu! Lawi ara mpuu tunggaiaku mampetudungia kuasangku i tauna au manguli babehiangki nodo pea babehianda tauna au bara moisa Pue Ala.

2 Korintu 10:4

Kuasa-kuasa au kipopobundu i lalu pobagongki bara kuasa hangko i manusia agaiana kuasa hangko i Pue Ala. Hai kuasa iti kipake mogero bentenda iwalingki hai kipake moewa tauna au mosapuaka paturo au tou.

2 Korintu 10:8

Ba niuli mampemahilena? Barana mampemahile, agaiana barana maea mopatongawa kuasangku mopaturokau. Lawi au kupakanoto, iami kuasa au naweina Pue bona mopakaroho pepoinalaimi, barari au mopakanawo pepoinalaimi.

2 Korintu 13:2

Tangangku hihimbela hai ikamu i karombelana, kuweihe lolita i tauna i olomi au mobabehi dosa. Mewali, ide-ide, kehapirina karao hangko irikamu, kuhuleki mbuli lolitangku irikamu tauna au madosa hai i ope-ope tauna ntanina. Ane hawena deade hai ane bara manihe mampenosoi babehianda, ina makasara lolitangku; barahe ara hadua au ina tekabaha hangko i pehuku.

2 Korintu 13:8

Barangkai bai moewa paturo au tou, agaiana moula peangkai paturo iti.

2 Korintu 2:3

Ido pongkana pane kupakatumi hambua sura irikamu hangkoia bona ane hawena deade, barapi nipakasusa lalungku. Lawi katouana, ikamuri au hangangaa mopakatana lalungku. Hai kuisa, ane matanana, ikamu wori ina matana.

2 Korintu 6:6

I paka-pakana, kipakanoto kaikamina topobagona Pue Ala, lawi malelaha babehiangki, mopahawengkai Ngkorana Pue Ala i kanoto-notoana, sabarangkai, maroa lalungki i ope-ope tauna, nakuasaingkai Inao Malelaha, hai mampokaahingkai hangka rangangki hangko i kabulana lalungki.

Titu 1:13

Tou mpuu apa au nauli tauna iti! Ido hai to Kreta au arahe inditi hangangaa nuwei mpuuhe lolita bona mepoinalai liliuhe i paturo au tou.