2 Korintu 12:9 - Sura Malelaha

⁹ Agaiana Nahanaina: “Bara Kuingihi, agaiana ina Kutulungiko hangko i kabulana laluNgku, iti handami. Lawi hangko i kamaledemu, kuasaNgku ina Kupatongawa i lalu katuwomu.” Ido hai matanana mampomahile kamaledengku, lawi i tempoku malede, Kerisitu mopakaroho watangku hai kuasaNa.

2 Korintu 12:9 ပူးပေါင်းရင်းမြစ်များ

Matiu 28:18

Yesu mohungkuki topeguruNa, Nauliangaahe, “Ope-ope kuasa i suruga hai i dunia rahuhuamoNa.

Matiu 28:20

hai nipaturomohe bona mampeulaihe hinangkana au Kuhawaamokau. Hai bona niisa, ina Kuporangaikau duuna hawe i kahopoa dunia ide.”

Lukasi 21:15

Lawi Iko ina mowoli i lalumi pehanami au manoto alana bara rabuku iwalimi mosapuaka apa au niuli.

1 Korintu 10:13

Hinangka pekelo au morumpake, pekelo biasa pea au ralambi wori tauna ntanina. Agaiana Pue Ala mokatuinao liliu dandiNa irikita; barake ina Napogiangaa rakelo meliu hangko i rohona lalunta. Ane narumpake pekelo, Pue Ala ina moweike rara monangi pekelo iti bona peisake mantaha i lalu pepoinalainta.

1 Korintu 15:10

Agaiana anti kabulana laluna Pue Ala hai anti kaNatulungingku, ido hai raangkana mewali suroNa hawe ide-ide. Hai mobundu mpuu kabulana laluNa hai petulungiNa iriko. Lawi mepongka i karaangkaku, meliu pobagongku i Pue hangko i ope-ope surona Pue Yesu au ntanina. Ane rohongku pea haduduangku, bara kubuku mampopolumao bago iti agaiana anti kabulana laluNa Pue Ala hai anti kaNatulungingku, ido hai kubuku.

1 Korintu 2:3

Hawena irikamu, maledena, hai moradana anti kalangangku.

1 Korintu 2:5

Mewali, mepoinalaimokau i bambari au kuanti, bara anti kapande manusia, agaiana anti kuasanari Pue Ala.

2 Korintu 11:30

Ane hangangaa mampomahilena watangku haduduangku, mampomahilena kamaledengku.

2 Korintu 12:1

Bara ara bunduna motoiake watanta haduduanta. Agaiana nauri nodo, kutoia liliu watangku haduduangku. Ina mampololitana apa au napopaitaa hai rapatongawaana Pue.

2 Korintu 12:10

Mewali, kupokatana mpuu ane maledena, hai matanana ane rakakabosaina ba rapopeahi-ahina, ba molambina kasusa hai kapari anti peulangku i Kerisitu. Lawi ane maledena, ina marohona anti kanatulungingku Pue.

2 Korintu 12:15

Mewali, matanana mopake hinangkana au ara iriko hawe-hawe i watangku motulungikau. Ane nodo kamahilena ahingku irikamu halalu, moapari pane makura mani ahimi iriko?

2 Korintu 12:5

Tauna iti au ina kupomahile bara kana watangku sadudua. Ane mampomahilena watangku batena pea kamaledengku au kupomahile.

Epesu 3:16

Mekakaena i Pue Ala au mahile kuasaNa bona hangko i kuasaNa au mahile iti, Napakaroho lalumi hai InaoNa,

Pilipi 4:13

Kubuku molindo hinangka au merumpa, lawi Kerisitu mopakaroho lalungku.

Kolose 1:11

Merapingkai i Pue Ala bona Napakaroho lalumi i lalu kuasaNa moula kamarohoNa au mahile bona mantaha liliukau i hinangkana au morumpakau.

1 Timotiu 1:14

Nauri mahile dosangku, agaiana melumbu mani kamahilena ahina Pue Ala. Natulungina hangko i kabulana laluNa, alana mampoinalai hai mampokaahina Kerisitu Yesu.

Ibarani 11:34

barahe mate i lalu api au lolaa, tekabahahe hangko i tauna au ina mopapatehe, nauri maledehe, agaiana mewalihe maroho ntepuu, pebaihe mombeala, hai monangihe surodado iwalinda.

Ibarani 4:16

Ido hai halalu, ineemoke langa. Peisamoke mohungkuki Pue Ala i kadera kadatuaNa au i suruga bona modokoke kamaahiNa, hai Natulungike hangko i kabulana laluNa i tempona au taparaluu.