2 Korintu 12:7 - Sura Malelaha

⁷ Mewali, anti karumihina kamaroana hinangka au napatongawa Pue Ala, Ia moweina haki au morumpa watangku bona datina mampemahile. Haki ide peisa rapandiri nodo dui i watangku ba nodo hadua hawina Datu Tokadake au hawe iriko bona mampopeahi-ahina.

2 Korintu 12:7 ပူးပေါင်းရင်းမြစ်များ

Matiu 26:67

Hangko inditi, arahe au motinuduhi lindoNa hai mopapahai wataNa. Ara worihe au mopapakoi: rabungkuhi mataNa, rahapa hai rauliangaa,

Matiu 4:10

Nahanai Yesu, “Peloho Tokadake! Lawi i lalu Sura Malelaha teuki node, ‘Hangangaa menombako i Ampumu, Pue Ala. Batena pea Ia au hintoto nupengkorui.’ ”

Lukasi 13:16

Inde, ara hadua towawine au pemuleana wori Burahima; hampulomi hai ualu parena nahilu Datu Tokadake. Bara pae hintoto ane towawine ide rakabaha hangko i karatakana i Alo Pengkarooangaa?”

1 Korintu 4:11

Duuna ide-ide, bara handa paandeki, bara handa paenungki, bara handa hampiki. Rapopeahi-ahi liliungkai. Bara ara paidaangki au maroa.

1 Korintu 5:5

bona nihuhu peami tauna iti i kuasana Datu Tokadake. Lempona, nitudumi meloho hangko i olomi, hai ineemi nipogaloa. Mewali watana molambi pehuku agaiana tanoanana molambi katuwo maroa i kahawena Pue Yesu.

2 Korintu 10:10

Lawi arahe tauna i olomi au mokakabosaina, rauli: “Ane i surana, ara kuasana lolitana hai pemoso pepaturona, agaiana ane ara inde hihimbela hai ikita, bara manoto pololitana hai malede watana!”

2 Korintu 10:5

Kuasa iti kipake monangi tauna au mampemahilehe hai kapandenda mohomboki hangka ranganda au mampeinao moisa Pue Ala. Anti karoho au kihumba hangko i Pue Ala, kibaliki lalunda tauna iti bona mengkoruhe i Kerisitu.

2 Korintu 11:20

Ane arahe guru au mampohawikau, nidokohe. Ane arahe au mopakanawokau hai mobagiukau, nidokohe. Ane arahe au mampemahile hai mohapakau, nitodiha pea.

2 Korintu 12:1

Bara ara bunduna motoiake watanta haduduanta. Agaiana nauri nodo, kutoia liliu watangku haduduangku. Ina mampololitana apa au napopaitaa hai rapatongawaana Pue.

Galatia 4:13

Manoto nikatuinao mani kahawengku i boeami nguru-nguruna hai popahawengku Ngkora Marasa irikamu lawi tempo iti mahaina.

1 Timotiu 3:6

Ane ara hadua tauna au hangko mepoinalai i Pue Yesu, ia bara peisa raangka mewali penatua, dati mampemahile, alana molambi pehuku nodo au rahukua Datu Tokadake.