2 Korintu 12:20 - Sura Malelaha

²⁰ Au kupokalanga ane laokau kusondaki kulambikau bara nodo au kupeinao hai hawena irikamu bara nodo au niharunga. Langana ane arakau au mohiho hai mombekahinai, mombekarumpui hadua hai hadua, mengkaiwongko, mombekakabosai, mombepodongkoa, mampemahile, hai au mehawu-hawu

2 Korintu 12:20 ပူးပေါင်းရင်းမြစ်များ

Roma 1:29

Lalunda buke hai hinangka au kadake hai au bara manoto. Mehiorohe, kadakehe, mahinahe; rapeinao peami mepapate, mobungka-bungkahe, meakalangihe, mombepailaluhe, hai meuli-ulihe,

Roma 1:30

mopakadakehe hangka ranganda, mokahihihe Pue Ala, makasarahe, barahe keada, mampemahilehe, hai mampopetoiahe. Matopahe mohaoki rara mobabehi dake. Moewahe tosaenda.

Roma 2:8

Agaiana ara worihe tauna au mampekiri pea watanda. Barahe mau moula peundeana Pue Ala, moula pearihe peundeanda au kadake. Ihira ina molambi karumpuNa hai pehukuna Pue Ala.

1 Korintu 1:11

Halalungku, tunggaiaku manguli nodo, lawi arahe halalunta hasou-souna Kloe au mopahawe iriko kaarana posisisalami.

1 Korintu 14:33

Lawi moula peundeana Pue Ala, penombaata hangangaa rakadipura maroa, bara naunde Pue ane arahe tauna au mogewo-gewo. Itimi atura au rapeulai i lalu ope-ope jumaa.

1 Korintu 5:2

Agaiana ikamu, nauri ara au mobabehi nodo i olomi, mampemahile manikau! Katouana, hangangaa masusari lalumi, hai tauna iti hangangaa nipopeloho hangko i olomi.

2 Korintu 1:23

Halalu, barana modongko, Pue Ala sabingku. Ia au moisa lalungku. Barana lao i Korintu hangkoia lawi barana mau mokambaroakau hai lolita au makasara.

2 Korintu 10:2

kuperapi bona barapi paraluu kutudungiakau kuasangku ane hawena irikamu! Lawi ara mpuu tunggaiaku mampetudungia kuasangku i tauna au manguli babehiangki nodo pea babehianda tauna au bara moisa Pue Ala.

2 Korintu 10:6

Mewali, ane mengkoru mpuumokau irikami, ina kihukuhe tauna au mosapuaka maningkai.

2 Korintu 12:21

Au kupokalanga: i kahawengku irikamu, Pue Ala Ampuku ina mopakaeana i lindomi, hai ina moteriana lawi bosa tauna i olomi bara manihe menoso hangko i babehianda au kedai, hangko i pebualosinda hai i potambi-tambi dele hai babehianda au merikai hai au bara hintoto rababehi.

2 Korintu 13:2

Tangangku hihimbela hai ikamu i karombelana, kuweihe lolita i tauna i olomi au mobabehi dosa. Mewali, ide-ide, kehapirina karao hangko irikamu, kuhuleki mbuli lolitangku irikamu tauna au madosa hai i ope-ope tauna ntanina. Ane hawena deade hai ane bara manihe mampenosoi babehianda, ina makasara lolitangku; barahe ara hadua au ina tekabaha hangko i pehuku.

2 Korintu 2:1

Mewali, nauli lalungku: ineekau hampai lao kusondaki, lawi bara kuunde mopakapari mbuli lalumi, nodo au mewali i tempomi kusondaki hangkoia.

Galatia 5:15

Agaiana maroa-roakau ineekau mobungka-bungka hai mombepakoi mpoinao, datikau mombepakarugi.

Galatia 5:26

Ineeke mampemahile, ineeke mombepamahai mpolalu ba mombekahinai.

Yakobu 4:11

Halalu, ineekau mombepakadake. Ane ara hadua tauna au mopakadake rangana ba mopakisala halaluna, lempona mopakadake hai mopakisala wori Aturana Pue Ala. Tauna au mopakadake halaluna, bara moula Aturana Pue. Anti babehiana au sala iti, ia peisa rapandiri nodo hadua topobotusi au mosalai Aturana Pue Ala.

1 Peturu 2:1

Mewali, halalu, anti kamolambimimi katuwo au wou, hangangaa nikabaha hinangkana babehiami au kadake hai ope-ope lolita au mepakanawo. Ineekau mengka-mengka, ineekau mahina, ineekau mepakadake.

2 Peturu 2:18

Polololitanda mampemahile, hai bara mobundu. Modiihe lalunda tauna hai peundeanda au merikai alana tauna iti rapakanawohe, moleri tauna iti bara manihe mahae mopalehi babehianda au kadake.

Yudasi 1:16

Guru au mepakanawo iti mohume-hume peamohe hai mosasalaihe ranganda. Moula peahe peundeana lalunda au kadake. Anti ope-ope babehianda, mampemahilehe, hai moore-ore peamohe ranganda bona mohumbahe rasi.