2 Korintu 12:2 - Sura Malelaha

² Moisana hadua to Sarani au hampulo hai iba parena au liu, raangka i paidaana Pue Ala i suruga. Bara kuisa ba tou-tou mpuu watana au raangka ba mangipi pea. Pue Ala pea au moisa.

2 Korintu 12:2 ပူးပေါင်းရင်းမြစ်များ

Lukasi 24:51

TangaNa mewati, teangkami Yesu lao i suruga.

Yohane 6:56

Tauna au moande ontoKu hai moenu waheNgku, ina mohintuwu liliuhe hai Iko, nodo wori Iko irihira.

Suro 14:6

Agaiana raisari Paulu hai Baranaba tunggaianda. Ido hai melangkahe lao i wanua Listra hai i wanua Derbe i tampo Likaonia.

Suro 22:17

“Mewali, hangko inditi, mesulemona lao i Yerusale, hai tangangku mekakae i Souna Pue Ala, kuita hambua pampetudungia.

Roma 16:10

Tabeangku wori i Apeles, au narumpa ngkaia kapari, agaiana meula liliu i Kerisitu. Tabeangku irihira au i souna Aristobulus.

Roma 16:3

Nipahaweana tabeangku i Priskila hai Akwila. Ihira iti, halalungku hampopobago au mampopolumao liliuhe bagona Kerisitu Yesu.

Roma 16:7

Nipahawe wori tabeangku i Andronikus hai Yunia hangka to Yahudingku, au ratarunggu sambelangkai hai au rabilahe i olonda ope-ope surona Pue Yesu. Ihira mahaemohe mepoinalai i Pue Yesu, hangko damanina, iko mepoinalai.

Roma 16:9

Tabeangku wori i Urbanus, halalunta hampopobago au mampopolumao bagona Kerisitu. Tabeangku wori i Stakis, au kupokaahi.

Roma 8:1

Mewali, ide-ide barapi ara pehuku irikita au mohintuwumoke hai Kerisitu Yesu.

1 Korintu 1:30

Pue Ala pea au mobungkahiake rara pane mohintuwuke hai Kerisitu Yesu. Anti pohintuwuta hai Kerisitu Yesu, taisami kamapandena Pue Ala: Napamanotomoke Kerisitu i peitana Pue Ala, au mopamalelahamoke, hai au mohompomi dosanta.

2 Korintu 11:11

Moapa hai mololitana nodo? Ba barakau kupokaahi, halalu? Pue Ala moisa kamaahina lalungku irikamu.

2 Korintu 13:5

Halalu, nipetandaka hampai watami, ba tou-tou mpuu tuwomokau i lalu pepoinalaimi i Kerisitu. Batena niisa kaarana Yesu i lalumi ba tauli ane pepoinalaimi mbero-mbero.

2 Korintu 5:17

Mewali, hema au mohintuwu hai Kerisitu, ia mewalimi manusia au wou. Katuwona au hangkoia liumi; ia molambimi katuwo au wou.

2 Korintu 5:21

Kerisitu, bara madosa, agaiana napahimbela Pue Ala tauna madosa hai Napahaleangi dosanta. Tunggaiana Pue Ala bona ikita au mohintuwu hai Kerisitu raimbamoke manoto i peitaNa.

Galatia 1:22

Hungkaku inditi, barana hambela lao i tampo Yudea; ido hai to Sarani inditi bara manihe hambela moita lenggeku.

Galatia 5:6

Ane mohintuwuke hai Kerisitu Yesu, bara ara bunduna ratileke ba barake ratile; batena pea mepoinalaike i Yesu. Hai ane maahike i ranganta, pepoinalainta iti ina tongawa.

Epesu 4:10

Hai Ia au mendaulumi iti, Ia wori au mengkaore hule duuna molambi pohudaa au meliu kapangkana hangko i ope-ope au i langi bona Ia mopabukei hinangkana.

1 Tesalonika 4:17

Hai roo indo, ikita au tuwo manike i tempo iti ina Naoreke hihimbela hai ihira lao i lalu gawu mampohidupaa Pue Yesu i laerawa. Hai ina maidake hihimbela hai Pue hawe i hae-haena.

Ibarani 4:14

Mewali, ara irikita hadua Tadulako Mpenomba Mahile au meliu kamahilena tuwoNa: iami Yesu Anana Pue Ala, au mengkaoremi mesua i suruga hai lao i lindona Pue Ala. Ido hai hangangaa tapakaroho pepoinalainta hai tapangaku liliu kaYesuna Amputa.

Ibarani 9:24

Lawi paidaa malelaha au napesuangi Kerisitu, bara paidaa au rababehi tauna. Paidaa malelaha iti iami suruga. Hai Kerisitu mesua mpuu i suruga. Ide-ide, arami i lindona Pue Ala mamperuruike.

Pampetudungia 1:10

I Alo Penombaa, tangangku menomba nakuasaina Inao Malelaha, hai mohadina wotu i taleungku. Wotu iti kebuu mpuu nodo pomoni tatamburu,

Pampetudungia 12:5

Moana mpuumi towawine iti, hadua tobalilo. Anangkoi itimi au ina moparenta humalele dunia hai rohoNa au nodo kamaroho lai besi. Hangko da tepaka Anangkoi iti naame naga, Ia raala hai raanti lao i Pue Ala bona moparenta sambela hai Ia i lalu suruga.

Pampetudungia 4:2

I tempo iti pea womi, nakuasaina Inaona Pue Ala, hai moitana hambua kadera kadatua i suruga. Ara Hadua au mohuda inditi