2 Korintu 12:16 - Sura Malelaha

¹⁶ Niisa halalu barakau hambela kupakapari. Agaiana arahe tauna au mokakabosaina, rauli kuakalangikau. Rauli molambina rasi hangko irikamu anti podongkoku.

2 Korintu 12:16 ပူးပေါင်းရင်းမြစ်များ

2 Korintu 1:12

Matana lalungki halalu, lawi kiisa, katuwongki i dunia ide pelumbunami i lalu pohintuwuki hai ikamu, hangko i kabulana mpuu lalungki kipopolumao. Hai apa au kibabehi iti bara hangko i kapande manusia agaiana hangko i kapande au Nakiraiangkai Pue Ala.

2 Korintu 11:20

Ane arahe guru au mampohawikau, nidokohe. Ane arahe au mopakanawokau hai mobagiukau, nidokohe. Ane arahe au mampemahile hai mohapakau, nitodiha pea.

2 Korintu 12:13

Halalu, ba niuli bara handa pobagongku i olomi! Pobagongku irikamu himbela hai pobagongku i tauna au i jumaa ntanina. Au mampoposisala iami ane i jumaa ntanina, merapina sarongku, agaiana irikamu halalu barana merapi sarongku. Ba paraluu kuperapi ampu irikamu anti kamasalangku iti?

2 Korintu 4:2

Kikaraohi hinangka babehia au mepakaea; bara ara au kiwuwuniangi; barangkai mopakanawo tauna, barangkai mobaliki tunggaiana Ngkorana Pue Ala. Kipahawe pea apa au tou i kanoto-notoana bona ope-ope tauna mopangaku katouna bambari au kianti. Napetirongkai Pue Ala!

2 Korintu 6:8

Kehapiringkai rakakabosai ba ratoia, rasalai ba rabila, mampopolumao liliungkai bagona Pue Ala. Arahe au manguli modongkongkai, agaiana mampololitangkai apa au tou.

2 Korintu 7:2

Kiharunga, halalu, nidoko wongkamia! Lawi barangkai masala i hema pea, barangkai mopakanawo tauna, barakau kiakalangi bona mohaoki apa pea irikamu.

1 Tesalonika 2:3

Barakau kiwawaha mampeulai paturo au sala. Bara wori ara tunggaiana lalungki au kadake, hai barangkai mampeinao mopakanawo ba hema pea.

1 Tesalonika 2:5

Bona niisa halalu-halalu, barangkai mopahawe lolita au momi. Bara ara tunggaiaki au kadake bona molambingkai ba apa hangko irikamu. Pue Ala sabingki!

1 Peturu 2:3

Inee nikabaha peulami i Ngkorana Pue Ala, lawi nipeminami noumba kamaroaNa irikamu.