2 Korintu 11:6 - Sura Malelaha

⁶ Lawi nauri bara gaga kuisa mololita, agaiana kuisa ntepuu paturo au tou. Hai paturo iti nihadimi hai niita mpuumi i hinangkana babehiangki i olomi.

2 Korintu 11:6 ပူးပေါင်းရင်းမြစ်များ

1 Korintu 1:17

Barana Naangka Kerisitu mewali suroNa bona moriuna tauna, agaiana Naangkana bona moantina Ngkora Marasa. Ane mopahawena Ngkora Marasa, barana mololita hangko i kamapandeku datihe ara tauna au mampoinalai i Kerisitu anti kamapandeku mololita, agaiana mepoinalaihe anti kuasa kapatena Kerisitu, bona kapatena Yesu i kau mombehape, bara mbero-mbero.

1 Korintu 1:21

Lawi hangko i kapande manusia, barake peisa moisa Pue Ala. Anti kamapandena Pue Ala, Nabotusimi bona hema pea au mepoinalai i Ngkora Marasa au kipahawe, tauna iti ina Nahoremahe hangko i dosanda. Agaiana ane kipahawe Ngkora Marasa, tauna au bara mepoinalai manguli, “Iti lolita tontuli.”

1 Korintu 12:8

I hadua tauna, Nawei Inao Malelaha kapande mepaturo. I tohaduana, Nawei kapande mopakanoto lempona Ngkorana Pue Ala.

1 Korintu 2:13

Mewali, ane mopahawengkai Ngkora Marasa, barakau kipahawea hangko i kamapandeki mololita. Agaiana kipakanoto bambari iti hai lolita hangko i Inao Malelaha i tauna au molambihe Inao Malelaha.

2 Korintu 10:10

Lawi arahe tauna i olomi au mokakabosaina, rauli: “Ane i surana, ara kuasana lolitana hai pemoso pepaturona, agaiana ane ara inde hihimbela hai ikita, bara manoto pololitana hai malede watana!”

2 Korintu 12:12

Tangangku hihimbela hai ikamu, mobabehina tanda-tanda au mopatongawa kaikona surona Pue Yesu. Mobago liliuna i lalu kapari, mobabehina tanda kuasa hai tanda au metingkarai, anti karoho au kuhumba hangko i Pue Ala.

2 Korintu 4:2

Kikaraohi hinangka babehia au mepakaea; bara ara au kiwuwuniangi; barangkai mopakanawo tauna, barangkai mobaliki tunggaiana Ngkorana Pue Ala. Kipahawe pea apa au tou i kanoto-notoana bona ope-ope tauna mopangaku katouna bambari au kianti. Napetirongkai Pue Ala!

2 Korintu 5:11

Mewali, langangkai mobabehi apa pea au bara naunde Pue, lawi kiisa Ia ina moparesa babehianda ope-ope tauna. Ido hai kipari-pari moanti tauna mepoinalai i Pue Yesu. Pue Ala moisa lalungki. Peundeaki halalu bona barapi ara au bata-bata lalumi irikami. Kipeinao bona ope-opekau moisa kabulana lalungki.

2 Korintu 6:6

I paka-pakana, kipakanoto kaikamina topobagona Pue Ala, lawi malelaha babehiangki, mopahawengkai Ngkorana Pue Ala i kanoto-notoana, sabarangkai, maroa lalungki i ope-ope tauna, nakuasaingkai Inao Malelaha, hai mampokaahingkai hangka rangangki hangko i kabulana lalungki.

2 Korintu 7:2

Kiharunga, halalu, nidoko wongkamia! Lawi barangkai masala i hema pea, barangkai mopakanawo tauna, barakau kiakalangi bona mohaoki apa pea irikamu.

Epesu 3:4

Mewali ane mobasakau surangku ide, ina niisa wori tunggaiana Pue Ala kana i Kerisitu au tewuniangi hangkoia, nodo poisangku tunggaia iti.