2 Korintu 11:27 - Sura Malelaha

²⁷ Mobago mantimina i sukana pebukuangku. Bosa belana barana leta, marimina hai mangkadouna. Bosa belana bara ara paandeku, makulina lawi bara handa hampiku.

2 Korintu 11:27 ပူးပေါင်းရင်းမြစ်များ

Matiu 17:21

[Agaiana seta au kadake iti, peisa pea rapopeloho ane mekakaeke hai mopuasake.]”

Suro 14:23

I polumaonda iti, Paulu hai Baranaba mopilei hai moangkahe penatua i boea-boeana. Mopuasa hai mekakaehe, merapihe bona nakadipurahe Pue lawi Ia pea peharunganda.

1 Korintu 7:5

Ikamu tohamboko, ineekau mombekaraohi alana barapokau moluhi. Ba tauli ane popakanoto sambelamimi, lawi nipeinao bona peisakau mekakae. Agaiana roo iti, hangangaa moluhi mbulikau bona datikau nakelo Datu Tokadake mobabehi sala anti kadana nibuku morempeki peundeana lalumi.

2 Korintu 11:23

Rauli, ihira topobagona Kerisitu, apa mani iko! (Mololitana nodo tauna au barapi manoto pekirina.) Meliu pobagongku hangko i pobagonda. Bahangkiami belangku ratarunggu, meliu hangko irihira! Rumihi karapopeahi-ahingku, meliu hangko irihira! Bosami belangku kemate.

2 Korintu 6:5

Rapapahaingkai, ratarunggungkai, radulungkai, hai mobago mantimingkai. Bosa belana barapongkai leta, bosa wori belana bara ara paandeki.

Pilipi 4:12

Peisana tuwo i anu-anu au haodi pea, peisa worina tuwo i anu-anu au ngkaia. Nauri apa pea au morumpana, kupamatana liliu lalungku maroa i tempo buhu, ba i tempo rimi, ngkaia ba haodi.

1 Tesalonika 2:9

Halalu, manoto nikatuinao mpuu noumba karumihina pobagongki hangkoia. Mabaa ba kaindi mohaoki liliungkai paandeki datikau kipakapari tangangki mopaturoakau Ngkora Marasa au hangko i Pue Ala.

2 Tesalonika 3:8

Barangkai moande paande au bara kiholo. Mabaa ba kaindi mobago mantimingkai datikau kipakapari.

Ibarani 11:37

Arahe au rawatui duunda mate, arahe au ragaragaji, hai au rapapate hai piho. Arahe au meahi-ahi mpuu katuwonda, mehampi pearai koli dimba hai koli towau. Rapopeahi-ahihe hai rapapahaihe.