2 Korintu 11:25 - Sura Malelaha

²⁵ Talumi belangku rahuku to Roma; rawombena hai lai. Hambela worina rawatui tauna au mampeinao mopapatena. Talu belana kapala tahi au kupesawii marugi i tanga tahi. Hambelana monanto-nanto i wongko tahi hambengia hai hangaloa.

2 Korintu 11:25 ပူးပေါင်းရင်းမြစ်များ

Matiu 20:19

Roo indo, ina rahuhuNa i tauna au barahe to Yahudi bona rakakabosaiNa, rapapahaiNa, hai rapapateNa i kau mombehape. Agaiana i alo katalu, ina tuwo huleNa.”

Matiu 21:35

Agaiana topokadipura bonde iti mohakahe tauna au natudu ampu bonde: hadua rapapahai, hadua rapapate, hai hadua mbuli rawatui.

Suro 14:19

Bara mahae hangko inditi, bahangkia to Yahudi hangko i wanua Antiokia hai wanua Ikonium hawehe i wanua Listra. To Yahudi iti mohuwekihe lalunda tauna bosa i wanua Listra bona laohe mowatui Paulu. Karoona Paulu rawatui, watana rabisoso lao i raoa wanua hai rapalehi inditi, lawi rapehangu matemi.

Suro 14:5

Mewali to Yahudi hai ope-ope tadulakonda hihimbela hai au barahe to Yahudi, hintuwumohe mampopeahi-ahi hai mowatui suro au rodua iti.

Suro 16:33

Mewali, i wengi iti kapala tarunggu mobahoi belanda Paulu hai Silas. Ia hai ope-ope tauna au i lalu souna rariumohe.

Suro 16:37

Agaiana nauli Paulu i surodado iti, “Ikami ide to Romangkai. Bara hintoto ane hangko damani rapohuda-hudaa kara-karangki, rapapahaimongkai i lindonda tauna bosa hai ratarunggumongkai! Hai ide-ide nipeinao nipopeangka ngkandiingkai! Bara kiunde! Niuliangaahe, ihirari au hangangaa mai mokabahangkai.”

Suro 22:24

Ido hai kapala tadulako surodado iti motudumi surodadona moanti Paulu mesua i sounda surodado bona rapapahai hai raparesa bona raisa pongkana apa au rakahihia to Yahudi.

1 Timotiu 1:19

Mantahako i lalu pepoinalaimu, hai mobabehi liliuko babehia au maroa hangko i kabulana lalumu. Ara bahangkia tauna au mosapuaka ope-ope paturo ide, alana marugi pepoinalainda.

Ibarani 11:37

Arahe au rawatui duunda mate, arahe au ragaragaji, hai au rapapate hai piho. Arahe au meahi-ahi mpuu katuwonda, mehampi pearai koli dimba hai koli towau. Rapopeahi-ahihe hai rapapahaihe.