2 Korintu 11:23 - Sura Malelaha

²³ Rauli, ihira topobagona Kerisitu, apa mani iko! (Mololitana nodo tauna au barapi manoto pekirina.) Meliu pobagongku hangko i pobagonda. Bahangkiami belangku ratarunggu, meliu hangko irihira! Rumihi karapopeahi-ahingku, meliu hangko irihira! Bosami belangku kemate.

2 Korintu 11:23 ပူးပေါင်းရင်းမြစ်များ

Suro 14:19

Bara mahae hangko inditi, bahangkia to Yahudi hangko i wanua Antiokia hai wanua Ikonium hawehe i wanua Listra. To Yahudi iti mohuwekihe lalunda tauna bosa i wanua Listra bona laohe mowatui Paulu. Karoona Paulu rawatui, watana rabisoso lao i raoa wanua hai rapalehi inditi, lawi rapehangu matemi.

Suro 20:23

agaiana au kuisa i ope-ope boea au kupolumaongi, Inao Malelaha mopakanoto kaina rahakangku hai molambina kapari.

Suro 21:11

Ia mangala pampouna Paulu, napopohilu bitina hai taiena haduduana. Roo indo, Agabus mololita, nauli, “Idemi lolitana Inao Malelaha: ampu pampou ide ina rahaka to Yahudi i Yerusale. Ia ina rahilu node, hai rahuhu i tauna au barahe to Yahudi.”

Suro 25:14

Bahangkiami alonda i Kaisarea, Festus mopahawe kara-karana Paulu i Datu Agripa, nauli, “Ara inde hadua tauna au ratarunggu i tempo poparentana Feliks.

Suro 27:1

Roo indo, rapakanotomi ina mosumombangkai lao i tampo Italia. Paulu hai bahangkia tauna ntanina au ratarunggu rahuhumi i Yulius, tadulakonda surodado to Roma au rapatokami mobago i Kaisar.

Suro 28:16

Kahawengki i Roma, Paulu barapi ratarunggu. Ia rapaliu maida sadudua i sou, agaiana nakampai liliu hadua surodado.

Suro 28:30

Roo indo, Paulu maida i Roma rompare kamahaena i hambua sou au nasaro. Matana laluna modoko tauna au mai mosondaki.

Suro 9:16

Hai ina Kutudungia wori hinangka kapari au hangangaa nahalea anti pobagona Iriko.”

Roma 8:36

I lalu dunia ide, batena narumpake kapari, nodo au teuki i lalu Sura Malelaha hangkoia: “Anti kaOiona, rapopara peamongkai rapapate nodomongkai dimba au ina rasambale.”

1 Korintu 15:10

Agaiana anti kabulana laluna Pue Ala hai anti kaNatulungingku, ido hai raangkana mewali suroNa hawe ide-ide. Hai mobundu mpuu kabulana laluNa hai petulungiNa iriko. Lawi mepongka i karaangkaku, meliu pobagongku i Pue hangko i ope-ope surona Pue Yesu au ntanina. Ane rohongku pea haduduangku, bara kubuku mampopolumao bago iti agaiana anti kabulana laluNa Pue Ala hai anti kaNatulungingku, ido hai kubuku.

1 Korintu 3:5

Iko hai Apolo, hawina peangkai Pue Ala au moninikau bona mepoinalaikau i Pue Yesu. Ikami hadua-hadua mampopolumao bago au naweingkai Pue.

1 Korintu 4:1

Ane ikami, agina niuli peamongkai hawi, lawi hawinangkai Kerisitu, au Naharungangkai moanti bambari hangko i Pue Ala au bara mani raisa tauna i dunia.

1 Korintu 4:11

Duuna ide-ide, bara handa paandeki, bara handa paenungki, bara handa hampiki. Rapopeahi-ahi liliungkai. Bara ara paidaangki au maroa.

1 Korintu 4:9

Agaiana, moula pelambiaku, ikami surona Pue Yesu napopewalimongkai Pue Ala tauna au meahi-ahi tuwona hangko i ope-ope tauna. Ikami rapahimbela hai tauna au ina rahuku mate i lindonda tauna bosa. Tepaiwoi tuwongki i lindonda manusia hai malaeka.

2 Korintu 10:7

Nipekiri maroa-roa! Ane nipakanoto i lalumi kaikamuna topeulana Kerisitu, hangangaa nipangaku kaikamina wori topeulana Kerisitu.

2 Korintu 11:5

Guru iti mampomahile peahe watanda haduduanda, agaiana kuperapi bona nipeulai paturongku, lawi bara tepaiwoi tuwongku hangko irihira.

2 Korintu 3:6

Ia moweingkai kapande mewali topobagoNa au mopaguru tauna i dandiNa au wou. Barahe kipaguru bona mampeulaihe atura-atura au teuki bona mewalihe manoto i peitana Pue Ala. Agaiana kipaguruhe bona molambihe katuwo au wou hangko i Inao Malelaha. Lawi ane mampeinaoke mewali manoto i peitana Pue Ala i kamampeulainta atura au teuki, ina molambike kapate, lawi bara buke katapeulaina. Agaiana ane meulake i Pue Ala anti kuasana Inao Malelaha, molambike katuwo maroa au bara mokahopoa.

2 Korintu 4:11

I lalu katuwongki i dunia ide, bosa tauna mampeinaohe mopapatengkai anti peulangki i Pue Yesu. Agaiana iti mewali bona tongawa katuwona Pue Yesu, i lalu watangki au bara monono.

2 Korintu 6:9

Barangkai rahaile hanggaa tauna agaiana hanggaa tauna mopakahile hangangki. Mapari katuwongki. Raawunga peamongkai rapapate, agaiana tuwoto maningkai! Rapapahaimongkai, agaiana bara mani woringkai rapapate.

Galatia 6:17

Kahopoana, kuperapi bona datipi ara au mopakasusana. Lawi lari i watangku ide mopakanoto kaikona surona Pue Yesu.

Epesu 3:1

Ido hai, iko Paulu, ratarungguna lawi moantina Ngkora Marasa kana i Kerisitu, irikamu au barakau to Yahudi.

Epesu 4:1

Halalu, nihadimi ope-ope paturongku. Ide iko, au ratarunggu anti pobagongku i Pue Ala, kuperapi mpuu irikamu bona mobabehikau apa au hintoto rababehi anana Pue Ala, lawi Nakakiomokau mewali anaNa.

Epesu 6:20

Anti pobambaringku Ngkora Marasa iti, ide-ide ratarungguna. Mewali, nipekakaea wongkoia bona bai peana mopahawe Ngkora Marasa moula kahihintotoana.

Pilipi 1:13

Surodado au mokampai souna datu hai ope-ope tauna inde moisa ratarungguna anti peulangku i Kerisitu.

Pilipi 2:17

Halalu, i kakubambariami Ngkora Marasa hangkoia, mewalimokau mepoinalai i Pue Yesu, hai mopaisarekau katuwomi Iria bona moulakau peundeaNa. Mewali, kehapirina rahuku mate anti pobagongku mopahaweakau Ngkora Marasa, bara kupousulia. Batena kuuli liliu ngkaia kamaroana i Pue Ala, hai matanana hihimbela hai ikamu.

Kolose 1:24

Ide-ide halalu, matana mpuuna mohalea kapari anti pobagongku motulungikau. Lawi ara mani kapari au hangangaa morumpana anti pobagongku i Kerisitu, hai kapari au kuhumba ide-ide, kuhumba anti pobagongku motulungi ope-ope tauna au mepoinalai i Kerisitu. Ikita ope-ope au mepoinalai i Kerisitu peisake rapandiri nodo wataNa.

Kolose 1:29

Idomi hai kupari-pari mopaliliu bagongku moula karoho au kuhumba hangko i Kerisitu, lawi mahile mpuu kuasaNa i lalu katuwongku.

1 Timotiu 4:6

Ane ope-ope paturo ide nupaturoahe halalunta hampepepoinalai, ina mewaliko hawina Kerisitu Yesu au maroa. Hai ina maroho mpuu lalumu anti Ngkorana Pue Ala au tapoinalai hai paturo au maroa au nupeulaimi.

2 Timotiu 1:16

Agaiana Onesiporus, bosami belana mopalindona. Lawi naurina ratarunggu, ia bara maea mosondakina. Kahawena inde i Roma, napari-pari mohaokina, duungku napohidupaa. Hai nuisa kangkaiana petulungina iriko hangkoia tangangku mani i Epesu. Mekakaena i Pue, kuperapi bona ope-ope halaluna Onesiporus Nawatihe, hai bona ahiNa Napatongawa i Onesiporus i alo pebotusi.

2 Timotiu 1:8

Ido hai kuweiko lolita bona ineeko maea mewali sabina Pue Yesu, hai inee woriko maea manguli kaikona rangamu nauri ratarungguna anti pobambaringku Ngkorana Pue. Mewali oio wori hangangaa masilolonga mohalea kapari anti pobagomu mobambari Ngkora Marasa. Pue Ala moweiko roho mohalea kapari iti.

2 Timotiu 2:9

Anti popahawengku Ngkora Marasa, ido hai narumpana kapari, duuna ratakana inde i lalu tarunggu nodo hadua tauna au kadake. Agaiana Ngkorana Pue Ala bara tetaka.

2 Timotiu 3:11

Nuitami kamantahaku i pepopeahi-ahi hai kapari au morumpana i wanua Antiokia, i Ikonium hai i Listra. Rumihi mpuu kapari iti! Agaiana nakabahana Pue hangko i hinangka kapari iti.

Pilemo 1:9

Agaiana kukatuinao kamahilena ahimu, ido hai barako kuparentai. Kupahawe pea pamperapiku irio. Iko Paulu, hadua tosae au tangangku ratarunggu anti pobagongku i Kerisitu Yesu,

Ibarani 10:34

Maahi lalumi i tauna au ratarunggu anti peulanda i Pue Yesu. Ane anu-anumi rarampaki, bara nipokaehua. Agaiana batemi matana, lawi niisa kaarana au rapasilolongaakau i suruga au meliu kamaroana hai au bara mokahopoa.