2 Korintu 11:18 - Sura Malelaha

¹⁸ Bosa tauna motoiahe watanda haduduanda hai mampololita bagonda au rababehi hangko i karohona watanda. Hai ide-ide ina mampomahile worina watangku.

2 Korintu 11:18 ပူးပေါင်းရင်းမြစ်များ

1 Korintu 4:10

Ikami raimbangkai tontuli lawi mopahawengkai bambari kana i Kerisitu, agaiana niuli ikamu to Sarani au mapandekau! Ikami, maledengkai, agaiana niuli ikamu maroho pepoinalaimi! Ikamu raadaikau tauna i dunia, agaiana ikami, rakakabosaingkai!

2 Korintu 1:17

Agaiana tunggaiaku iti tebalikimi. Mewali ba nipehanguri bara tou dandiku? Ba niuliri, kubabehi pea tunggaiaku moula peundeaku haduduangku; hambelana manguli, “Io,” roo indo, kuuli mbuli, “Bara”?

2 Korintu 11:12

Apa au kubabehi ide, bara ina kukabaha. Barana ina merapi sarongku irikamu. Arahe tauna au mampemahile hai au mamperapi saronda hai au motoia liliu watanda haduduanda. Agaiana iko, barana mau merapi irikamu bona dati rauli pobagongki himbela hai pobagonda.

2 Korintu 12:1

Bara ara bunduna motoiake watanta haduduanta. Agaiana nauri nodo, kutoia liliu watangku haduduangku. Ina mampololitana apa au napopaitaa hai rapatongawaana Pue.

2 Korintu 12:11

Ane inona mololitamona nodo tontuli, ikamu au mampopewalina node. Katouana ikamuri au hangangaa motoiana. Lawi kehapina malede, barato worina tepaiwoi hangko i suro ntanina au mampemapande gagahe iti.

2 Korintu 12:9

Agaiana Nahanaina: “Bara Kuingihi, agaiana ina Kutulungiko hangko i kabulana laluNgku, iti handami. Lawi hangko i kamaledemu, kuasaNgku ina Kupatongawa i lalu katuwomu.” Ido hai matanana mampomahile kamaledengku, lawi i tempoku malede, Kerisitu mopakaroho watangku hai kuasaNa.

2 Korintu 5:16

Mewali, ido hai barapongkai mampeita tauna moula apa au raita i raoa. Hangkoia kiuli, Kerisitu manusia biasa pea, agaiana ide-ide barapi nodo pekiringki.

1 Peturu 1:24

Ara teuki i lalu Sura Malelaha au manguli, “Katuwo manusia nodo hehi, peawa manusia nodo bunga hehi. Hehi batena malau, hai bungana ina maoru,