2 Korintu 11:12 - Sura Malelaha

¹² Apa au kubabehi ide, bara ina kukabaha. Barana ina merapi sarongku irikamu. Arahe tauna au mampemahile hai au mamperapi saronda hai au motoia liliu watanda haduduanda. Agaiana iko, barana mau merapi irikamu bona dati rauli pobagongki himbela hai pobagonda.

2 Korintu 11:12 ပူးပေါင်းရင်းမြစ်များ

Matiu 26:16

Hangko inditi, Yudasi mohaokimi katepaka au maroa mohuhu Yesu irihira bona rahaka.

1 Korintu 5:6

I olomi arahe au kadake babehianda, agaiana mampemahile liliukau! Bara pae niisa lolita au manguli, “Ragi au haodi mampopembongke tapu”? Lempona, hadua tauna au madosa peisa mopakanawo bosa tauna i olomi.

1 Korintu 9:12

Ane arahe tauna ntanina au peisa molambi saronda hangko irikamu, pelumbunami ikami! Peisa mpuungkai merapi sarongki irikamu halalu, agaiana bara kibabehi. Nauri ngkaia kapari au morumpangkai, barangkai merapi apa-apa irikamu bona dati ara au mopakasusa pekirimi duuna barakau mepoinalai i Ngkora Marasa au kianti.

2 Korintu 1:17

Agaiana tunggaiaku iti tebalikimi. Mewali ba nipehanguri bara tou dandiku? Ba niuliri, kubabehi pea tunggaiaku moula peundeaku haduduangku; hambelana manguli, “Io,” roo indo, kuuli mbuli, “Bara”?

2 Korintu 10:17

Ara au teuki i lalu Sura Malelaha node: “Hema au naunde mampololita kamatanana laluna, hangangaa napololita kamatanana iti anti kamaroana Pue iria.”

2 Korintu 11:18

Bosa tauna motoiahe watanda haduduanda hai mampololita bagonda au rababehi hangko i karohona watanda. Hai ide-ide ina mampomahile worina watangku.

2 Korintu 11:9

I tempo iti, ara wori kamakurangku, agaiana barana merapi irikamu. Lawi arahe halalunta au hawe hangko i tampo Makedonia moanti doi au mopahandai apa au kuparaluu. Barana merapi apa-apa irikamu bona barakau kupakapari. Hai apa au kubabehi hangkoia, iti au ina kubabehi liliu.

2 Korintu 5:12

Inee nipehangu kipeinao motoia watangki haduduangki. Kipopaisaakau babehiangki au maroa au peisa nipomahile bona ara rarami mohanaihe tauna au moewangkai. Lawi tauna iti mampomahilehe kamapandenda hai lantinda i dunia ide, agaiana kadake lalunda.

Galatia 1:7

Katouana paturo iti bara peisa mopahaweake noumba rara molambi katuwo maroa hangko i Pue Ala, batena pea Ngkora Marasa au kipahaweakau. Ide-ide arahe tauna au hawe i olomi au mopawulikau hai paturonda au sala, tunggaianda mampeinaohe mobaliki Ngkora Marasa kana i Kerisitu.

1 Timotiu 5:14

Ido hai kuuli, tobemba au mangura manihe, agina motambi hulehe, bona moanahe, hai mokadipura maroahe tauna au i lalu sounda dati ara raranda iwalinta mokakabosaike.