2 Korintu 11:1 - Sura Malelaha

¹ Mewali halalu, kuperapi bona nipehadingi lolitangku, nauri mololitana nodo tontuli.

2 Korintu 11:1 ပူးပေါင်းရင်းမြစ်များ

Matiu 17:17

Nauli Yesu i tauna bosa hai i topeguruNa, “Noumbarikau dide? Moapari pane bara mani maroho pepoinalaimi? Nisapuaka mani peundeana Pue Ala! Hangkia maniri kamahaena ina hihimbelaNa hai ikamu? Hangkia maniri kamahaena hangangaa Kusabarai peewami? Anti mai anangkoi iti!”

Suro 18:14

Hangko ina mehana Paulu, naulimi Galio, “To Yahudi! Ane tauna au nisalai iti moewa topoparenta Roma ba babehiana kadake ntepuu, ina sabarana mampehadingi popahawemi.

Suro 26:29

Nahanai Paulu, “I tempo au hampalai ba i tempo au mahae, mekakaena i Pue Ala bona Datu hai ope-ope tauna au mampehadingi lolitangku alo ide ina mewali nodo iko, agaiana inee peakau hawe ratarunggu.”

1 Korintu 1:21

Lawi hangko i kapande manusia, barake peisa moisa Pue Ala. Anti kamapandena Pue Ala, Nabotusimi bona hema pea au mepoinalai i Ngkora Marasa au kipahawe, tauna iti ina Nahoremahe hangko i dosanda. Agaiana ane kipahawe Ngkora Marasa, tauna au bara mepoinalai manguli, “Iti lolita tontuli.”

1 Korintu 3:18

Ineekau mopakanawo watami haduduami. Ane ara hadua tauna i olomi au mengkamapande i lindo manusia, agina tauna iti mewali nodo tontuli i lindo manusia bona ia mewali mapande i lindona Pue Ala.

1 Korintu 4:10

Ikami raimbangkai tontuli lawi mopahawengkai bambari kana i Kerisitu, agaiana niuli ikamu to Sarani au mapandekau! Ikami, maledengkai, agaiana niuli ikamu maroho pepoinalaimi! Ikamu raadaikau tauna i dunia, agaiana ikami, rakakabosaingkai!

1 Korintu 4:8

Ba nipehangu barapi ara kamakurami? Ba nipehangu handami kamarohona pepoinalaimi i Pue? Ba niuli moparentamokau nodo datu, hai ikami surona Pue Yesu barapongkai niparaluu? Kemaroa mpuu halalu ane mewalikau datu bona moparenta woringkai hihimbela hai ikamu.

2 Korintu 11:19

Lawi lenggena, nipokatana mpuu paturonda tauna au ntuli, lawi nipehangu mapande mpuumokau!

2 Korintu 11:21

Ba niuliri ina maeana lawi barangkai bai moula babehianda iti? Agaiana ane baihe motoia watanda haduduanda, hangangaa kupengkabaiki wori, mololita mbulina nodo tontuli motoia watangku.

2 Korintu 11:4

Arahe guru agama i olomi au mopaturokau kana i Yesu, agaiana paturonda bara himbela hai apa au kipaturoakau. Ane paturonda bara himbela hai paturongki, moapari hai niunde mampehadingi lolitanda? Niunde pae modoko inao ntanina au mosisala hai Inao Malelaha au nidokomi? Niunde pae modoko bambari au mosisala hai Ngkora Marasa au nipoinalaimi? Halalu, inee nodo.

2 Korintu 12:11

Ane inona mololitamona nodo tontuli, ikamu au mampopewalina node. Katouana ikamuri au hangangaa motoiana. Lawi kehapina malede, barato worina tepaiwoi hangko i suro ntanina au mampemapande gagahe iti.

2 Korintu 5:13

Barato moapa ane rauliangangkai magila anti pobagongki i Pue Ala, lawi kiunde mpuu mobago i Pue Ala hangko lalungki. Agaiana ane manoto pekiringki, iti mewali lawi kiunde mpuu motulungikau.

Ibarani 5:2

Tadulako menomba mahile, manusia biasa, hai batena ngkaia wori kamaledena. Ido hai naisa mopamaalusu babehiana mokadipura tauna au bara mani manoto lalunda hai bara manihe moula rara au tou.