2 Korintu 10:7 - Sura Malelaha

⁷ Nipekiri maroa-roa! Ane nipakanoto i lalumi kaikamuna topeulana Kerisitu, hangangaa nipangaku kaikamina wori topeulana Kerisitu.

2 Korintu 10:7 ပူးပေါင်းရင်းမြစ်များ

Matiu 23:5

Mampempemaroahe bona ratoiahe ranganda. Ane moula adanta, ikita hangangaa mopatakake kapipi pambolia bahangkia wati hangko Sura Malelaha. Agaiana ane toParisi, kapipi iti rapamahile-hile, nodo wori rombo-rombo i badunda rapamandoe-ndoe bona rauli rumihi pampeulainda ada agama.

Lukasi 16:15

Agaiana nauliangaahe Yesu, “Mampemanotokau i peitana tauna, agaiana Pue Ala moisa ihi lalumi. Lawi apa au nahaoki manusia, itimi au nakahihi Pue Ala.

Yohane 7:24

Ineekau mosalai rangami moula pea apa au niita, agaiana hangangaa nibotusi i kanoto-notoana.”

1 Korintu 1:12

Mololitana nodo lawi arakau au mampeinao mampopontani hadua hai hadua. Arakau au manguli, “Iko meula i Paulu.” Arakau au manguli, “Iko meula i Apolo.” Au ntanina wori manguli, “Iko meula i Peturu.” Ara mbuli au manguli: “Iko meula i Kerisitu.”

1 Korintu 14:37

Ane arahe tauna au manguli, “Molambina kapande mopahawe lolita hangko i Pue Ala,” ba “Molambina kapande hangko i Inao Malelaha,” tauna iti hangangaa mopangaku apa au kuuki ide iami parenta hangko i Pue.

1 Korintu 15:23

Agaiana ope-ope tauna ina rapatuwo hule moula tempo au tepatokami au nguru-nguruna iami Kerisitu. Roo indo i kahawe huleNa i dunia ide, ope-ope tauna au meula Iria ina rapatuwo hulehe.

1 Korintu 3:23

Hai ikamu kiranamokau Kerisitu, hai Kerisitu kirana Pue Ala.

1 Korintu 9:1

Barana pae peisa mobabehi apa-apa moula peundeaku haduduangku? Barana pae surona Pue Yesu? Bara manina pae moita Yesu Amputa? Hai bara pae napopewalimona suroNa? Hai bara pae ikamumi wua pobagongku i Pue?

2 Korintu 10:1

Iko, Paulu, ara perapingku irikamu. Arahe tauna i olomi au manguli: “Ane Paulu karao hangko irikami, pololitana makasara i lalu surana, agaiana ane mombelindoke, ia maalusu.” Mewali, hangko i lalungku au mengkaiwoi hai au maalusu, nodo laluna Kerisitu,

2 Korintu 11:18

Bosa tauna motoiahe watanda haduduanda hai mampololita bagonda au rababehi hangko i karohona watanda. Hai ide-ide ina mampomahile worina watangku.

2 Korintu 11:23

Rauli, ihira topobagona Kerisitu, apa mani iko! (Mololitana nodo tauna au barapi manoto pekirina.) Meliu pobagongku hangko i pobagonda. Bahangkiami belangku ratarunggu, meliu hangko irihira! Rumihi karapopeahi-ahingku, meliu hangko irihira! Bosami belangku kemate.

2 Korintu 11:4

Arahe guru agama i olomi au mopaturokau kana i Yesu, agaiana paturonda bara himbela hai apa au kipaturoakau. Ane paturonda bara himbela hai paturongki, moapari hai niunde mampehadingi lolitanda? Niunde pae modoko inao ntanina au mosisala hai Inao Malelaha au nidokomi? Niunde pae modoko bambari au mosisala hai Ngkora Marasa au nipoinalaimi? Halalu, inee nodo.

2 Korintu 12:11

Ane inona mololitamona nodo tontuli, ikamu au mampopewalina node. Katouana ikamuri au hangangaa motoiana. Lawi kehapina malede, barato worina tepaiwoi hangko i suro ntanina au mampemapande gagahe iti.

2 Korintu 13:3

Arakau au merapi bona kupopaitaakau tanda au mopatongawa kaikona surona Kerisitu. Nipegia peami! Ane hawena irikamu ina niita mpuu kuasana Kerisitu au napatongawa i olomi melempo iriko Paulu.

2 Korintu 5:12

Inee nipehangu kipeinao motoia watangki haduduangki. Kipopaisaakau babehiangki au maroa au peisa nipomahile bona ara rarami mohanaihe tauna au moewangkai. Lawi tauna iti mampomahilehe kamapandenda hai lantinda i dunia ide, agaiana kadake lalunda.

Galatia 3:29

Anti pohintuwuta hai Kerisitu, Naimbamoke pemuleana Burahima, hai batena mohumbake apa au nadandi Pue Ala, iria.

1 Yohane 4:6

Agaiana ikita halalu, napoanamoke Pue Ala. Hai tauna au moisa Pue Ala, mampehadingi hai mampeulaihe paturongki. Agaiana tauna au barahe hangko i Pue Ala, barahe mampeulai paturongki. Iti au mopakanotoake kahemana au nakuasai Inaona Pue Ala, au mopahawe paturo au tou, hai kahemana au nakuasai inao au mepawuli.